ଲଣ୍ଡନ,୪।୫ : ବ୍ରିଟେନରେ ରାଜା ଚାଲର୍ସ ତୃତୀୟଙ୍କ ରାଜ୍ୟାଭିଷେକ ପାଇଁ ପ୍ରସ୍ତୁତି ଚାଲିଛି। କିଙ୍ଗ ଚାଲର୍ସ ତୃତୀୟଙ୍କର ଲଣ୍ଡନରେ ୬ ମେ ଶନିବାରରେ ରାଜ୍ୟାଭିଷେକହେବ। ରାଣୀ ଏଲିଜାବେଥଙ୍କ ମୃତ୍ୟୁ ପରଠାରୁ ରାଜା ଚାଲର୍ସଙ୍କ ରାଜ୍ୟାଭିଷେକ ପାଇଁ ପ୍ରସ୍ତୁତି ଚାଲିଛି। ଏହି ସମୟରେ, କୁହାଯାଇଛି ରାଜ୍ୟାଭିଷେକକୁ ଦେଖୁଥିବା ଲୋକଙ୍କୁ ରାଜା ଏବଂ ତାଙ୍କ ଉତ୍ତରାଧିକାରୀମାନଙ୍କ ନିକଟରେ ଶପଥ ନେବାକୁ ନିମନ୍ତ୍ରଣ କରାଯିବ।
କିଙ୍ଗ ଚାଲର୍ସ ତୃତୀୟଙ୍କ ରାଜ୍ୟାଭିଷେକ ସମାରୋହ ଲଣ୍ଡନ ସମୟ ପୂର୍ବାହ୍ନ ୧୧ ଟା (ଭାରତୀୟ ସମୟ ଅପରାହ୍ନ ୪ଟା ୩୦) ରେ ଆରମ୍ଭ ହେବ। ବ୍ରିଟେନରେ ବିବିସି, ଆଇଟିଭି ଏବଂ ସ୍କାଏ ନ୍ୟୁଜ ଭଳି ଚ୍ୟାନେଲ ମାଧ୍ୟମରେ ଏହା ସିଧା ପ୍ରସାରଣ ହେବ। ଅବଶ୍ୟ, ଅନ୍ୟ ବ୍ରିଟିଶ ଏବଂ ଆମେରିକୀୟ ଟେଲିଭିଜନ ନେଟୱାର୍କଗୁଡ଼ିକ ଏପର୍ଯ୍ୟନ୍ତ ସିଧା ପ୍ରସାରଣ ପାଇଁ ଯୋଜନା କରିନାହାଁନ୍ତି ।
କିଙ୍ଗ ଚାଲର୍ସ ତୃତୀୟଙ୍କ ରାଜ୍ୟାଭିଷେକ ପାଇଁ ୧୦୨୧.୫ କୋଟିରୁ ଅଧିକ ଖର୍ଚ୍ଚ ହେବ ବୋଲି ଆକଳନ କରାଯାଇଛି। ରାଜ୍ୟାଭିଷେକ ପାଇଁ ସମ୍ପୂର୍ଣ୍ଣ ଖର୍ଚ୍ଚ ବ୍ରିଟିଶ ସରକାର ବହନ କରିବେ। ୧୯୫୩ ମସିହାରେ ରାଣୀ ଏଲିଜାବେଥ ଦ୍ୱିତୀୟଙ୍କର ରାଜ୍ୟାଭିଷେକର ଆନୁମାନିକ ମୂଲ୍ୟର ଦୁଇଗୁଣାରୁ ଏହା ଅଧିକ। ସେତେବେଳେ ବ୍ରିଟିଶ ସରକାର ୧.୫ ମିଲିୟନ ପାଉଣ୍ଡ ଖର୍ଚ୍ଚ କରିଥିଲେ। ଏହି ପରିମାଣ ଆଜି ପ୍ରାୟ ୫୨୮.୭ କୋଟି ଟଙ୍କା ସହିତ ସମାନ ।
