ଅଭିନେତ୍ରୀ କିମ ଶର୍ମା ଏବଂ ଟେନିସ ତାରକା ଲିଆଣ୍ଡର୍ ପେସଙ୍କ ପ୍ରେମ ସମ୍ପର୍କ ବିଷୟରେ ଆଜିକାଲି ବି-ଟାଉନରେ ଜୋରଦାର ଚର୍ଚ୍ଚା ହେଉଛି। ନିକଟରେ ଉଭୟ ଗୋଆରେ ଛୁଟି କାଟୁଥିବାର ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା। ଏବେ କିମ୍ ନିଜ ଇନ୍ଷ୍ଟାଗ୍ରାମରେ ଲିଆଣ୍ଡରଙ୍କ ସହ ଫଟୋ ଶେୟାର କରି ସମ୍ପର୍କକୁ ପକ୍କା କରିଛନ୍ତି। ଏହାପୂର୍ବରୁ ମଧ୍ୟ କିମ୍ ତାଙ୍କ ପୂର୍ବତନ ପ୍ରେମିକ ଅଭିନେତା ହର୍ଷବର୍ଦ୍ଧନ ରାଣେଙ୍କ ସହ ଚର୍ଚ୍ଚାରେ ଥିଲେ।
୨୦୦୩ ମସିହାରେ କିମ ଏବଂ କ୍ରିକେଟର ଯୁବରାଜ ସିଂଙ୍କ ସମ୍ପର୍କର ଖବର ଚର୍ଚ୍ଚାରେ ଥିଲା। ଉଭୟଙ୍କ ସମ୍ପର୍କ ପ୍ରାୟ ଚାରି ବର୍ଷ ଧରି ଚାଲିଥିଲା, କିନ୍ତୁ ପରେ ୨୦୦୭ରେ ଅଲଗା ହୋଇଥିଲେ। ୨୦୧୦ ମସିହାରେ କିମ୍ ବ୍ୟବସାୟୀ ଅଲି ପଞ୍ଜାନୀଙ୍କୁ ବିବାହ କରି ମୁମ୍ବାଇ ଛାଡି କେନିଆରେ ସ୍ଥିର ହୋଇଥିଲେ। କିଛି ସମୟ ପରେ କିମଙ୍କ ସ୍ବାମୀ ମଧ୍ୟ ତାଙ୍କୁ ଅନ୍ୟ ଜଣେ ଯୁବତୀଙ୍କ ପାଇଁ ଛାଡିଥିଲେ। କିମଙ୍କ ନାମ ‘ରକ ଅନ’ ନିର୍ଦ୍ଦେଶକ ଅଭିଷେକ କପୁର ଏବଂ ଡିଜାଇନର୍ ଅର୍ଜୁନ ଖାନ୍ନାଙ୍କ ସହ ମଧ୍ୟ ଯୋଡା ଯାଇଥିଲା। ୨୦୧୮ ମସିହାରେ କିମ ଅଭିନେତ୍ରୀ ହର୍ଷବର୍ଦ୍ଧନ ରାଣେଙ୍କୁ ଡେଟ କରିବା ଆରମ୍ଭ କରିଥିଲେ କିନ୍ତୁ ଏକ ବର୍ଷ ମଧ୍ୟରେ ଦୁହଁିଙ୍କ ବ୍ରେକ୍ଅପ୍ ହୋଇଥିଲା। ଲିଆଣ୍ଡର୍ ପେସ ରିୟା ପିଲ୍ଲାଇଙ୍କୁ ବିବାହ କରିଥିଲେ। ତାଙ୍କର ଆୟାନା ନାମରେ ଏକ ଝିଅ ଅଛି।
