ମୁମ୍ବାଇ: ଏମ୍ ଏସ୍ ଧୋନୀ, କବିର ସିଂ, ଗୁଡ ନ୍ୟୁଜ ଭଳି ଫିଲ୍ମରେ ଅଭିନୟ କରି ଦର୍ଶକଙ୍କ ପାଖରେ ନିଜର ଏକ ଭିନ୍ନ ପରିଚୟ ସୃଷ୍ଟି କରିଛନ୍ତି ବଲିଉଡ୍ ନାୟିକା କିଆରା ଆଡଭାନୀ । ବଲିଉଡ୍ ଇଣ୍ଡଷ୍ଟ୍ରିରେ ଏବେ ସେ ୭ ବର୍ଷ ପୂରଣ କରିଛନ୍ତି । ଆଜିକାଲି ସେ ବହୁତ ଏକ୍ସସାଇଟେଡ ଥିବା ଜଣାପଡିଛି । ସେ ଏବେ ତାଙ୍କର ଅପକମିଂ ଫିଲ୍ମ ‘ଶେରସାହା’ ପାଇଁ ବ୍ୟସ୍ତ ଅଛନ୍ତି । ଏଥିରେ ସେ ବିକ୍ରମ ବାତ୍ରାଙ୍କ ମଙ୍ଗେତର ଡିମ୍ପଲ ଚିମା ଭୂମିକାରେ ନଜର ଆସିବେ । କିଆରା ପ୍ରଥମ ଥର ଲାଗି ତାଙ୍କର ର୍ୟୁମର୍ଡ ବୟ ଫ୍ରେଣ୍ଡ ସିଦ୍ଧାର୍ଥ ମାଲହୋତ୍ରାଙ୍କ ସହ କାମ କରିବେ । ତାଙ୍କର ପ୍ରଶଂସକମାନେ ଉଭୟଙ୍କୁ ପରଦାରେ ଦେଖିବାକୁ ଅପେକ୍ଷା ରଖିଛନ୍ତି । ସିଦ୍ଧାର୍ଥଙ୍କ ସହ ଅଭିନୟକୁ ନେଇ କିଆରା କୁହନ୍ତି ଜଣେ ସହ କଳାକାର ଭାବେ ସେ ବହୁତ ନିୟନ୍ତ୍ରିତ ଓ ଫୋକସ୍ଡ । ଅଭିନୟ ପୂର୍ବରୁ ସେ ବହୁତ ପ୍ରସ୍ତୁତି କରିଥାଆନ୍ତି । ଯେମିତି ମୁଁ ଚାହୁଁଥିଲେି ସେ ସେମିତି ଜଣେ ଅଭିନେତା ବୋଲି କିଆରା କହିଛନ୍ତି । ଇଣ୍ଡଷ୍ଟ୍ରିରେ ମୋର ସବୁଠାରୁ ଭଲ ବନ୍ଧୁ ସିଦ୍ଧାର୍ଥ ବୋଲି କହିଛନ୍ତି କିଆରା । ସେ ପ୍ରତ୍ୟେକ୍ଷ ଭାବେ ନ ହେଲେ ବି ପରୋକ୍ଷ ଭାବେ ସିଦ୍ଧାର୍ଥଙ୍କୁ ପସନ୍ଦ କରନ୍ତି ବୋଲି କହିଛନ୍ତି । କିଛିଦିନ ହେବ କିଆରା-ସିଦ୍ଧାର୍ଥଙ୍କ ରିଲେଶନସିପକୁ ନେଇ କଥା ଉଠିଥିଲେ ବି ଏବେ ସେ ଏତିକି କଥା କହିଛନ୍ତି ।
