ଜୀବନର ରାସ୍ତା ସହଜ ନୁହେଁ। ଏଠାରେ ସୁଖ ଅଛି ତ ଦୁଃଖ ବି ଅଛି। ହସ ଅଛି ତ ଲୁହ ବି ଅଛି। କଣ୍ଟା ଅଛି ତ ଫୁଲ ବି ଅଛି। ଏଣୁ ଅବିରତ ଭାବେ ଯାତ୍ରାରେ ଚାଲିବାକୁ ହେବ। ବେଳେବେଳେ କୌଣସି ଘାତ ପ୍ରତିଘାତର ସମ୍ମୁଖୀନ ହେଉଥିଲେ କାହା ନା କାହାର ପ୍ରେରଣାର ଆବଶ୍ୟକତା ପଡ଼ିଥାଏ। ବର୍ତ୍ତମାନ ସମୟରେ ଅନେକ ବ୍ୟକ୍ତି ଅନ୍ୟମାନଙ୍କ ଲାଗି ପ୍ରେରଣାର ଉତ୍ସ ପାଲଟିଛନ୍ତି। ବ୍ୟକ୍ତିତ୍ୱ ହେଉ ଅବା ସେମାନଙ୍କ କଥା ଲୋକଙ୍କୁ ବେଳ ଅବେଳରେ ମାର୍ଗଦର୍ଶନ ଦେଉଛି। ସେଭଳି ଜଣେ ହେଲେ ସମସ୍ତଙ୍କ ପ୍ରିୟ ‘ଖାନ୍ ସାର୍’। ଆସନ୍ତୁ ପଢ଼ିବା ସେ କହିଥିବା ସେଭଳି କିଛି ପ୍ରେରଣାଦାୟକ କଥା…
-ଜୀବନ ହେଉ ଅବା ହ୍ବାଟ୍ସଆପ୍, ଲୋକେ ସବୁବେଳେ ଆପଣଙ୍କ ଷ୍ଟାଟସ୍ ହିଁ ଦେଖିଥାନ୍ତି।
-ଜୀବନର ଆରମ୍ଭ ଖରାପ ହୋଇଥାଇପାରେ, ହେଲେ ଅନ୍ତ ଜବରଦସ୍ତ ହେବା ଉଚିତ।
-ଜୀବନରେ ଖରାପ ସମୟ ଆସିଲେ ନିଜ ଉପରେ କାମ କର, ନିଜକୁ ବଦଳାଅ। ସମୟ ସହଜରେ ଚାଲିଯିବ। ହେଲେ ଯଦି ତୁମେ ପରିସ୍ଥିତିକୁ ଦୋଷ ଦିଅ ତେବେ ସେହି ସମୟ ବହୁତ କଷ୍ଟଦେବ।
-ଯାହାର ସଫଳତାକୁ ରୋକି ହୁଏନା, ତାକୁ ଲୋକେ ବଦନାମ କରିବା ଆରମ୍ଭ କରନ୍ତି।
-ପ୍ରେମ କରିବାକୁ ଚାହୁଁଥିଲେ ବହିକୁ କର, ପ୍ରତାରିତ କଲେ ବି ଭାଗ୍ୟ ଚମକାଇବ।
-ସଫଳତା ପାଇବାକୁ ଚାହୁଁଥିଲେ ଲୋକଙ୍କ ନଜରରେ ପାଗଳ ହୁଅ।
-ବଞ୍ଚିବା ଲାଗି ଅମ୍ଳଜାନ ଯେତିକି ଲୋଡା ସେତିକି ଶିକ୍ଷା ବି ଲୋଡା।
-କିଛି ପାଇବାକୁ ହେଲେ କିଛି ହରାଇବା ନୁହେଁ, କିଛି କରିବାକୁ ପଡ଼ିଥାଏ।
-ଅନ୍ୟମାନଙ୍କ ସମସ୍ୟାରୁ କେବଳ ସାହସ ମିଳିବା ସମ୍ଭବ, ତାଙ୍କ ଉପାୟ ଆପଣାଇବା ମୁସ୍କିଲ ହେବ।
-ଯଦି ଆପଣଙ୍କ ପୋଷାକ ଭଲ ଲୋକେ ଆପଣଙ୍କୁ ପସନ୍ଦ କରିବେ, ହେଲେ ଯଦି ଆପଣଙ୍କ ବିଚାର ଭଲ ତେବେ ଫଲୋ କରିବେ।
-ରାଜା ହେବାକୁ ଇଚ୍ଛା ଥିଲେ ଗୁଲାମଙ୍କ ଭଳି ପରିଶ୍ରମ କରିବାକୁ ହେବ।
-ଗରିବଙ୍କୁ ଛାଡ଼ି ଆମେ ଦେଶକୁ ଆଗକୁ ନେଇପାରିବା ନାହିଁ।
-ସଫଳତା ପାଇବାକୁ ହେଲେ ବିଶ୍ୱାସ କରିବାକୁ ହେବ ଯେ ଆମେ କରିପାରିବା।
-ପରିଚୟରୁ ମିଳିଥିବା କାମ ବହୁତ ସମୟ ଯାଏ ରହି ନ ଥାଏ, ହେଲେ କାମରୁ ମିଳିଥିବା ପରିଚୟ ଆଜୀବନ ରହିଥାଏ।
-ଯିଏ ପାଣିରେ ଗାଧାଏ ସେ ପୋଷାକ ବଦଳାଏ, ହେଲେ ଯିଏ ଝାଳରେ ଗାଧାଏ ସେ ଇତିହାସ ଲେଖେ।
-ଦୁନିଆର କୌଣସି ବି ଅସୁବିଧା ଆପଣଙ୍କ ସାହସଠାରୁ ବଡ଼ ନୁହେଁ।
