ମୁମ୍ବାଇ: ରକିଂ ଷ୍ଟାର ୟଶଙ୍କ ଫିଲ୍ମ କେଜିଏଫ୍ ଚାପ୍ଟର ୨ ରିଲିଜ ହେବାକୁ ୫ ସପ୍ତାହ ହୋଇଗଲାଣି । ହେଲେ ଏବେବି ଏହା ରେକର୍ଡ ପରେ ରେକର୍ଡ କରି ଚାଲିଛି । ଏହି ଫିଲ୍ମ ଏବେ ସାରା ବିଶ୍ୱରେ ୧୨୦୦ କୋଟି ବ୍ୟବସାୟ କରି ସାରିଲାଣି । ଏହାସହ କେଜିଏଫ ୨ ଏସଏସ ରାଜାମୌଳିଙ୍କ ଫିଲ୍ମ ଆରଆରଆରକୁ ପଛରେ ପକାଇ ଦେଇଛି ।
ଟ୍ରେଡ ଆନାଲିଷ୍ଟ ମନୋବଲ ବିଜୟବାଲା ଟୁଇଟ କରି ଏହି ସୂଚନା ଦେଇଛନ୍ତି । ସେ କେଜିଫ ଚାପ୍ଟର ୨ର ପ୍ରଥମ ସପ୍ତାହରୁ ନେଇ ପଞ୍ଚମ ସପ୍ତାହ ପର୍ଯ୍ୟନ୍ତ କରିଥିବା ବ୍ୟବସାୟ ସମ୍ପର୍କରେ ସୂଚନା ଦେଇଛନ୍ତି । ଏବେ କେଜିଏଫ ୨ ୱାର୍ଲଡ ୱାଇଡ ୧୨୦୦.୭୬ କୋଟି ଟଙ୍କା ଆୟ କରିଛି । ଭାରତୀୟ ବକ୍ସ ଅଫିସରେ ଏହାର ହିନ୍ଦି ଭର୍ସନ ୪୨୭.୦୫ କୋଟି ବ୍ୟବସାୟ କରିଛି ।
୧୪ ଏପ୍ରିଲ ୨୦୨୨ରେ କେଜିଏଫ ୨ ସାରା ବିଶ୍ୱରେ ରିଲିଜ୍ ହୋଇଥିଲା । ରିଲିଜର ପ୍ରଥମ ଦିନରେ ଦେଶରେ ଏହା ୧୩୪ କୋଟି ଟଙ୍କାର ବ୍ୟବସାୟ କରିଥିଲା । ସେହିପରି ସାରା ବିଶ୍ୱରେ ପ୍ରଥମ ସପ୍ତାହରେ ଏହା ୭୨୦.୩୧ କୋଟି ବ୍ୟବସାୟ କରିଥିଲା । ଗତ ସପ୍ତାହରେ ଫିଲ୍ମର ପ୍ରଯୋଜକ ସ୍ପଷ୍ଟ କରିଥିଲେ କି କେଜିଏଫ ଚାପ୍ଟର ୩ ଆସିବ । ଏହାର ଶୁଟିଂ ଅକ୍ଟୋବର ୨୦୨୨ରୁ ଆରମ୍ଭ କରାଯିବ ଓ ୨୦୨୪ ରେ କେଜିଏଫ ୩ ରିଲିଜ ହେବ ।
