ବଲିଉଡ୍ ଅଭିନେତ୍ରୀ କ୍ୟାଟ୍ରିନା କୈଫ ଏବଂ ଭିକି କୌଶଲ ନିକଟରେ ବିବାହ ବନ୍ଧନରେ ବାନ୍ଧି ହୋଇଛନ୍ତି। ବିବାହ ପରେ ଉଭୟଙ୍କୁ ନେଇ ଚର୍ଚ୍ଚା ହେଉଛି। ବର୍ତ୍ତମାନ ଦୁହେଁ ବଲିଉଡ୍ର ଚର୍ଚ୍ଚିତ ଯୋଡି ଭାବେ ବେଶ ପରିଚିତ । ନିକଟରେ ଉଭୟ ବିବାହର ଫଟୋ ଶେୟାର କରିଥିଲେ ଯାହା ଖୁବ ଭାଇରାଲ ହେବାରେ ଲାଗିଥିଲା । ଏସବୁ ଭିତରେ ଆଜି ଦୁହିଁଙ୍କର ବିବାହକୁ ଏକ ମାସ ପୂରିଛି । ଏହି ସମୟରେ ଦୁହେଁ ଏକ ସୁନ୍ଦର ଫଟୋ ଶେୟାର କରିଛନ୍ତି । ଫଟୋରେ କ୍ୟାଟ୍ରିନା ଭିକିଙ୍କୁ ଆଲିଙ୍ଗନ କରୁଥିବା ବେଳେ ଦୁହେଁ ବହୁତ ଖୁସି ଥିବାର ନଜର ଆସିଛନ୍ତି । ଫଟୋ ଶେୟାର କରି କ୍ୟାଟ୍ରିନା କ୍ୟାପଶନରେ ଲେଖିଛନ୍ତି କି ‘ହାପି ୱାନ ମନଥ ମାଇଁ ଲଭ’ । ପରେ ଏହା ଭାଇରାଲ ହେବା ସହ ପ୍ରଶଂସକଙ୍କ ଅନେକ ପ୍ରତିକ୍ରିୟା ମିଳିଛି।
