ବେଙ୍ଗାଲୁରୁ,୧୦।୧୦: ମୁଖ୍ୟମନ୍ତ୍ରୀ ସିଦ୍ଧରମୈୟାଙ୍କ ନେତୃତ୍ୱରେ କର୍ନାଟକ ସରକାର କର୍ମଜୀବୀ ମହିଳାମାନଙ୍କ ପାଇଁ ଏକ ବଡ଼ ଘୋଷଣା କରିଛନ୍ତି। ମହିଳାମାନଙ୍କୁ ମାସିକ ଦରମା ମାସିକ ଛୁଟି ପ୍ରଦାନ କରିବାର ପ୍ରସ୍ତାବକୁ ମଞ୍ଜୁରୀ ଦିଆଯାଇଛି। କ୍ୟାବିନେଟ ବୈଠକରେ ଏହି ନିଷ୍ପତ୍ତି ନିଆଯାଇଛି। ମନ୍ତ୍ରୀ ଏଚ.କେ. ପାଟିଲ କହିଛନ୍ତି, ଏହି ଛୁଟି ସରକାରୀ କାର୍ଯ୍ୟାଳୟ, ବହୁରାଷ୍ଟ୍ରୀୟ କମ୍ପାନୀ (ଏମଏନ୍ସି), ଆଇଟି ଏବଂ ଘରୋଇ ଶିଳ୍ପ କ୍ଷେତ୍ରରେ ଲାଗୁ ହେବ।
ଏହି ପଦକ୍ଷେପ ସମ୍ପର୍କରେ, ରାଜ୍ୟ ଶ୍ରମ ମନ୍ତ୍ରୀ ସନ୍ତୋଷ ଲାଡ କହିଛନ୍ତି, ସରକାର ଗତ ବର୍ଷ ଧରି ଏହି ନିୟମ ଲାଗୁ କରିବାକୁ ଚେଷ୍ଟା କରୁଛନ୍ତି। ମହିଳାମାନେ ଘରୋଇ କାମ ଏବଂ ଶିଶୁ ଯତ୍ନ ସମେତ ଅନେକ କାମରେ ହାତ ମିଳାଇଥାନ୍ତି। ଋତୁସ୍ରାବ ମଧ୍ୟ ମାନସିକ ଚାପ ସୃଷ୍ଟି କରେ। ତେଣୁ, ଋତୁସ୍ରାବ ଛୁଟିର ବ୍ୟବସ୍ଥା ସମୀକ୍ଷା କରିବା ପାଇଁ ଏକ କମିଟି ଗଠନ କରାଯାଇଥିଲା। କମିଟି ଛଅ ଦିନ ଛୁଟି ସୁପାରିଶ କରିଥିଲା। ତଥାପି, ସରକାର ବାର୍ଷିକ ୧୨ ଦିନ ଛୁଟି ପ୍ରଦାନ କରିବାକୁ ନିଷ୍ପତ୍ତି ନେଇଛନ୍ତି। ଏହି ଯୋଜନା ସରକାରୀ ଏବଂ ଘରୋଇ କ୍ଷେତ୍ର ଉଭୟରେ ପ୍ରଯୁଜ୍ୟ ହେବ। ଏଭଳି ନିଷ୍ପତ୍ତି ନେବାରେ କର୍ନାଟକ ପ୍ରଥମ ରାଜ୍ୟ ହୋଇପାରିଛି।
ଦେଶରେ ପ୍ରଥମ ଥର ପାଇଁ ୧୯୯୨ରେ ବିହାରରେ ଋତୁସ୍ରାବ ଛୁଟି ପ୍ରଚଳନ କରାଯାଇଥିଲା। ବିହାର ପ୍ରଥମ ରାଜ୍ୟ ଥିଲା, ଯେଉଁଠାରେ ଋତୁସ୍ରାବ ଛୁଟି ପ୍ରଚଳନ କରାଯାଇଥିଲା। ଏହା ପ୍ରତି ମାସରେ ଦୁଇ ଦିନ ମାସିକ ଋତୁସ୍ରାବ ଛୁଟି ପ୍ରଦାନ କରେ। ଉତ୍ତର ପ୍ରଦେଶ, ମହାରାଷ୍ଟ୍ର ଏବଂ କେରଳ ଭଳି ରାଜ୍ୟ ମଧ୍ୟ କିଛି କଟକଣା ସହିତ ମହିଳାମାନଙ୍କୁ ମାସିକ ଋତୁସ୍ରାବ ଛୁଟି ପ୍ରଦାନ କରନ୍ତି।
Dharitri – Odisha’s No.1 Odia Daily
