ନୂଆଦିଲ୍ଲୀ,୬ ।୧: ରାଜଧାନୀ ଦିଲ୍ଲୀର ସୁଲତାନପୁରୀ କାଂଞ୍ଝେୱଲା ଅଞ୍ଚଳରେ ୨୦ ବର୍ଷୀୟା ଅଞ୍ଜଳିଙ୍କ ସ୍କୁଟିକୁ ଧକ୍କା ଦେଇ ପରେ ତାଙ୍କ ଶରୀରକୁ ଘୋଡାଷି ନେବା ଘଟଣାରେ ଉକ୍ତ କାରରେ ୫ ନୁହେଁ ବରଂ ୪ ଜଣ ଥିବା ଜଣାପଡିଛି । ଏହି ସୂଚନା ଗୁରୁବାର ୫ ଜାନୁୟାରୀରେ ଦିଲ୍ଲୀ ପୋଲିସ ଦେଇଛି । ଅତିରିକ୍ତ ପୋଲିସ କମିଶନର ସାଗର ପ୍ରିତ ହୁଡ୍ଡା କହିଛନ୍ତି ଏହି ମାମଲାରେ ଆଉ ୨ ସନ୍ଦିଗ୍ଧ ସାମିଲ ଅଛନ୍ତି ।
ସେ କହିଛନ୍ତି, ସିସିଟିଭି ଫୁଟେଜ ଓ କଲ ରେକର୍ଡ ଡିଟେଲ୍ସରୁ ଏମାନଙ୍କର ସମ୍ପୃକ୍ତି ଥିବା ଜଣାପଡିଛି । ଆମେ ଅନୁମାନ କରିଛୁ କି ଆଶୁତୋଷ ଓ ଅଙ୍କୁଶ ଖାନ୍ନା ଅଭିଯୁକ୍ତଙ୍କୁ ସାହାଯ୍ୟ କରିବାକୁ ଚେଷ୍ଟା କରୁଛନ୍ତି ।
ସାଗର ପ୍ରିତ ହୁଡ୍ଡା କହିଛନ୍ତି, ଦୁର୍ଘଟଣା ସମୟରେ ଦୁଇଜଣ (ଆଶୁତୋଷ ଓ ଅଙ୍କୁଶ ଖାନ୍ନା) କାରରେ ନ ଥିଲେ ବରଂ ପୋଲିସ ସାମ୍ନାରେ ମିଛ କହି ଗିରଫ ହୋଇଥିବା ଅଭିଯୁକ୍ତଙ୍କୁ ସାହାଯ୍ୟ କରିବାକୁ ଚେଷ୍ଟା କରୁଛନ୍ତି । ପୋଲିସ ଆହୁରି ମଧ୍ୟ ସ୍ପଷ୍ଟ କରିଛି କି ଦୁର୍ଘଟଣା ସମୟରେ ୫ ନୁହେଁ ୪ ଜଣ କାରରେ ଥିଲେ । ଦୀପକ ଯାହାକୁ ଡ୍ରାଇଭର ବୋଲି କୁହାଯାଉଛି ବାସ୍ତବରେ ଦୁର୍ଘଟଣା ସମୟରେ ସେ ଘରେ ଥିଲେ ।
