ମୁମ୍ବାଇ: ବଲିଉଡ୍ ନାୟିକା କଙ୍ଗନା ରାନାୱତ ଆଜିକାଲି ଖୁବ୍ ଚର୍ଚ୍ଚାରେ । ଅବଶ୍ୟ ସେ ତାଙ୍କ କାମ ପାଇଁ ଯେତିକି ଚର୍ଚ୍ଚିତ ନୁହେଁ ନିଜର ବେକାବୁ ବୟାନକୁ ନେଇ ସେ ଖୁବ୍ ଚର୍ଚ୍ଚିତ । ଏବେ କିନ୍ତୁ ତାଙ୍କ ଅଭିନୀତ ଫିଲ୍ମ ‘ଧାକଡ’କୁ ନେଇ ଅଭିନେତ୍ରୀ କେବେ ନା କେବେ ଚାଲି ଆସୁଛନ୍ତି ଆଲୋଚନାର ପରିସରକୁ । ଏବେ ସେ ଏହି ଫିଲ୍ମର ଶୁଟିଂ ବୁଦାଫେଷ୍ଟରେ କରୁଛନ୍ତି । ଶୁଟିଂ ସରିବା ପରେ କଙ୍ଗନା ଏକ ଫଟୋ ଉଠାଇ ସୋସିଆଲ ମିଡିଆରେ ଶେୟାର କରିଛନ୍ତି । ଯାହା ତାଙ୍କ ପ୍ରଶଂସକଙ୍କ ମନକୁ ବେଶ୍ ଛୁଇଁଛି । ଉକ୍ତ ଫଟୋରେ କଙ୍ଗନା ଗ୍ରେ କଲର ଜିନ୍ସ ଓ ମୈରୁନ କଲର ଟପ୍ସ ପିନ୍ଧିଛନ୍ତି । ଯାହା ତାଙ୍କୁ ଖୁବ୍ ମାନୁଛି । ଫଟୋରେ ତାଙ୍କ ବ୍ୟାକ ସାଇଡ୍ ଦେଖାଯିବା ସହ ମୁଣ୍ଡ ଉପରେ ସୂର୍ଯ୍ୟଙ୍କ କିରଣ ତାଙ୍କ ଚମକକୁ ଆହୁରି ବଢାଇ ଦେଇଛି । ଫଟୋଟି ଶେୟାର କରି କଙ୍ଗନା ଲେଖିଛନ୍ତି ଶୁଟିଂ ସରିଲେ ବି ଏହି ଚରିତ୍ର ମୋ ଭିତରେ ବଞ୍ଚିଛି । କଙ୍ଗନାଙ୍କ ପ୍ରଶଂସକ ତାଙ୍କର ଏହି ଫଟୋକୁ ଖୁବ୍ ପସନ୍ଦ କରୁଛନ୍ତି । ଅଭିନେତ୍ରୀ ଉକ୍ତ ଫିଲ୍ମରେ ଅଗ୍ନୀ ନାମକ ଜଣେ ଅଧିକାରୀଙ୍କ ଚରିତ୍ରରେ ଅଭିନୟ କରୁଛନ୍ତି । ଏହାଏକ ଗୁପ୍ତଚର ଥ୍ରିଲର ଫିଲ୍ମ । କଙ୍ଗନାଙ୍କ ବ୍ୟତିତ ଏଥିରେ ଅର୍ଜୁନ ରାମପାଲ ଓ ଦିବ୍ୟା ଦତ୍ତା ମୁଖ୍ୟ ଭୂମିକାରେ ନଜର ଆସିବେ ।
