ମୁମ୍ବାଇ: ବଲିଉଡ୍ ଅଭିନେତ୍ରୀ କଙ୍ଗନା ରାନାୱତ ଏବେ ତାଙ୍କ କାମ ଉପରେ ସମ୍ପୂର୍ଣ୍ଣ ଧ୍ୟାନ ଦେଉଛନ୍ତି । ମିଳିଥିବା ସୂଚନା ଅନୁଯାୟୀ, ଏବେ ସେ ତାଙ୍କ ଅଭିନୀତ ଫିଲ୍ମ ‘ଥାଲାଇବି’ ଶୁଟିଂ ଶେଷ କରିବା ଳକ୍ଷ୍ୟରେ ରହିଛନ୍ତି । ଏଥିପାଇଁ ଏବେ କଙ୍ଗନା ହାଇଦ୍ରାବାଦର ଏକ ହୋଟେଲରେ ରହିଛନ୍ତି । ସେ ଯେଉଁ ହୋଟେଲରେ ରହୁଛନ୍ତି ସେହି ହୋଟେଲରେ ବଲିଉଡ୍ ମୁନ୍ନାଭାଇ ସଞ୍ଜୟ ଦତ୍ତ ରହୁଥିବା ଜାଣିବା ପରେ ତୁରନ୍ତ ସେ ତାଙ୍କ ରୁମକୁ ଯାଇ ସଞ୍ଜୁ ବାବାଙ୍କୁ ଦେଖାକରିଛନ୍ତି । ଆଉ ସାକ୍ଷାତ୍ ସମୟର ଏକ ଫଟୋ ସେ ତାଙ୍କ ପ୍ରଶଂସକଙ୍କ ଉଦ୍ଦେଶ୍ୟରେ ସୋସିଆଲ ମିଡିଆରେ ଶେୟାର କରିଛନ୍ତି । ଫଟୋ ଶେୟାର କରି ଅଭିନେତ୍ରୀ ଲେଖିଛନ୍ତି, ସଞ୍ଜୁ ବାବା ଏବେ ଆଗ ଅପେକ୍ଷା ସୁସ୍ଥ ଅଛନ୍ତି ଓ ହ୍ୟାଣ୍ଡସମ୍ ଲାଗୁଛନ୍ତି । ଅବଶ୍ୟ ସେ ଶେୟାର କରିଥିବା ଫଟୋରୁ ଏହା ସ୍ପଷ୍ଟ ହେଉଛି । କ୍ୟାନସରରେ ପୀଡିତ ଥିବା ସଞ୍ଜୟ ଦତ୍ତ ନିକଟରେ ଏହି ଲଢେଇରେ ଜିତି ଯାଇଥିବା ପ୍ରକାଶ କରିଥିଲେ । ତେଣୁ ସେ ଏବେ ସୁସ୍ଥ ଥିବା ଅନୁମାନ କୁହାଯାଉଛି । ସଞ୍ଜୟ ଏବେ ହାଇଦ୍ରାବଦରେ ତାଙ୍କ ଫିଲ୍ମ ‘କେଜିଏଫ୍ ୨’ ର ଶୁଟିଂରେ ବ୍ୟସ୍ତ ଅଛନ୍ତି । କଙ୍ଗନା ଯେଉଁ ହୋଟେଲରେ ରହୁଛନ୍ତି ସଞ୍ଜୟ ବି ସେହି ହୋଟେଲରେ ରହି ଶୁଟିଂ କରୁଛନ୍ତି ।
When I got to know we were staying in the same hotel in Hydrabad, I went to see Sanju sir this morning to check on his health and was pleasantly surprised to see him look even more handsome and healthy. We pray for your long life and good health 🥰 pic.twitter.com/VPB5reGThp
— Kangana Ranaut (@KanganaTeam) November 27, 2020
