ଦୁବାଇ,୩୧।୧୨: ଆଇସିସି ଟେଷ୍ଟ ର଼୍ୟାଙ୍କିଙ୍ଗ୍ ତାଲିକା ପ୍ରକାଶ ପାଇଛି। ଏହି ତାଲିକାର ପ୍ରଥମ ସ୍ଥାନକୁ ଉନ୍ନୀତ ହୋଇଛନ୍ତି ନ୍ୟୁଜିଲାଣ୍ଡ ଅଧିନାୟକ କେନ୍ ଓ୍ବିଲିୟମସନ୍। ସେ ଭାରତୀୟ ଅଧିନାୟକ ବିରାଟ କୋହଲି ଏବଂ ଷ୍ଟିଭ୍ ସ୍ମିଥ୍ଙ୍କୁ ପଛରେ ପକାଇ ସେ ପ୍ରଥମ ସ୍ଥାନ ହାସଲ କରିଛନ୍ତି। ପାକିସ୍ତାନ ବିପକ୍ଷ ଟେଷ୍ଟରେ ଶତକ ହାସଲ କରିବା ପରେ ୫ ବର୍ଷ ପରେ ଟପ୍ ୧୦ ତାଲିକାରେ ପ୍ରବେଶ କରିଛନ୍ତି ଓ୍ବିଲିୟମସନ୍। ଅଷ୍ଟ୍ରେଲିଆ ବିପକ୍ଷ ଦ୍ୱିତୀୟ ଟେଷ୍ଟ ନ ଖେଲିବା ସତ୍ତ୍ୱେ କୋହଲି ତାଲିକାର ଦ୍ୱିତୀୟ ସ୍ଥାନରେ ଅଛନ୍ତି। ତୃତୀୟ ସ୍ଥାନରେ ସ୍ମିଥ୍ ଅଛନ୍ତି। ଏହି ତାଲିକାର ଷଷ୍ଠ ସ୍ଥାନରେ ଭାରତୀୟ ଦଳର କାମଚଳା ଅଧିନାୟକ ଅଜିଙ୍କେ ରାହାନେ ରହିଥିବାବେଳେ ଦଶମ ସ୍ଥାନରେ ଚେତେଶ୍ୱର ପୂଜାରା ଅଛନ୍ତି। ସେହିପରି ବୋଲିଂ ବିଭାଗରେ ଭାରତୀୟ ଷ୍ଟାର ସ୍ପିନର ଆର ଅଶ୍ୱିନ୍ ଏକମାତ୍ର ଭାରତୀୟ ବୋଲର୍ ଭାବେ ଟପ୍ ୧୦ରେ ସ୍ଥାନ ପାଇଛନ୍ତି।
