ଓ୍ବାଶିଂଟନ୍୍, ୯ା୫: କରୋନା ମହାମାରୀରେ ଭାରତର ସହାୟତା ପାଇଁ ଆମେରିକା ଜୋ ବାଇଡେନ୍ ସରକାର ସଂକଳ୍ପବଦ୍ଧ। ଭାରତର କଲ୍ୟାଣ ଆମେରିକା ପାଇଁ ବେଶ୍ ଗୁରୁତ୍ୱପୂର୍ଣ୍ଣ ବୋଲି ଆମେରିକା ଉପରାଷ୍ଟ୍ରପତି କମଲା ହାରସ୍ କହିଛନ୍ତି। ଭାରତରେ କରୋନା ତାଣ୍ଡବ ‘ହୃଦୟ ବିଦାରକ’ ବୋଲି ବର୍ଣ୍ଣନା କରିବା ସହ ହାରିସ୍ କହିଛନ୍ତି, ସହାୟତା ପ୍ରଦାନ ପାଇଁ ପୁରା ବାଇଡେନ୍ ପ୍ରଶାସନ ଲାଗିଛି। ମହାମାରୀ ଆରମ୍ଭରେ ଭାରତ ଆମକୁ ସହାୟତା ଯୋଗାଇଥିଲା। ଏବେ ଭାରତର ଦରକାର ସମୟରେ ସାହାଯ୍ୟ ଯୋଗାଇଦେବକୁ ବୋଲି ହାରିସ୍ ‘ଆମେରିକା କୋଭିଡ୍ ରିଲିଫ୍ ଫର୍ ଇଣ୍ଡିଆ’ କାର୍ଯ୍ୟକ୍ରମରେ ଯୋଗ ଦେଇ ଶୁକ୍ରବାର କହିଛନ୍ତି। ଆମେରିକା ଭାରତକୁ ୧ ଶହ ମିଲିୟନ ଡଲାର ବା ପ୍ରାୟ ୭୩୨ କୋଟି ୫୪ ଲକ୍ଷ ୫୦ ହଜାର ଟଙ୍କାର ସହାୟତା ଯୋଗାଇଦେବାକୁ ଘୋଷଣା କରିଛି। ପ୍ରାୟ ସପ୍ତାହେ ମଧ୍ୟରେ ଆମେରିକାରୁ ୬ଟି ବିମାନ ସହାୟତା ନେଇ ଭାରତରେ ଅବତରଣ କରିଛି। ଭାରତକୁ ରିଫିଲ୍ କରିହେବା ଭଳି ଅକ୍ସିଜେନ ସିଲିଣ୍ଡର, କନସେନ୍ଟ୍ରେଟର ସହ ଏନ୯୫ ମାସ୍କ ଯୋଗାଯାଇଛି। ଆଗକୁ ମଧ୍ୟ ଏହା ଜାରି ରହିବ ବୋଲି ହାରିସ୍ କହିଛନ୍ତି।
