ନବମୀରେ କାଳିକା ନୃତ୍ୟ, ଦଶମୀରେ ଦହି ପଖାଳ

ଜଗତ୍‌ସିଂହପୁର ଅଫିସ, ୨୩ା୯: ପାଖେଇ ଆସୁଛି ଦୁର୍ଗା ପୂଜା। ଏ ନେଇ ଜଗତ୍‌ସିଂହପୁର ସହରରେ ପାର୍ବଣର ମାହୋଲ ଅନୁଭବ ହେଲାଣି । ବିଭିନ୍ନ ପୂଜା କମିଟି ଓ କ୍ଲବ ପକ୍ଷରୁ ପୂଜା କିପରି ଅଧିକ ଆକର୍ଷଣୀୟ ହୋଇପାରିବ, ସେନେଇ ତତ୍ପରତା ପ୍ରକାଶ ପାଇଛି। ବିଶେଷକରି ମୂର୍ତ୍ତି ନିର୍ମାଣ କାମ ଯୁଦ୍ଧକାଳୀନ ଭିତ୍ତିରେ ଆଗେଇ ଚାଲିଛି। ବିଗତବର୍ଷଗୁଡିକ ପରି ଚଳିତବର୍ଷ ମଧ୍ୟ ମେଢ, ଆଲୋକ ସାଜସଜ୍ଜା ଏବଂ ସାଂସ୍କୃତିକ କାର୍ଯ୍ୟକ୍ରମ ଉପରେ ଧ୍ୟାନ ଦିଆଯାଉଛି। ଏ ବର୍ଷ ଜଗତ୍‌ସିଂହପୁରର ମା’ ପୂର୍ଣ୍ଣମାସୀ ପୂଜା କମିଟି ପକ୍ଷରୁ ପୂର୍ବବର୍ଷ ପରି ମହିଷାସୁର ବଧ କରାଯିବ। ଗତଥର ମେଢ଼ରେ ମହିଷାସୁରଙ୍କୁ ମା’ପାଦରେ ଦଳି ନିଧନ କରିବାର ଦୃଶ୍ୟ ଦେଖିବାକୁ ମିଳିଥିଲା। ଏଥର ମା’ଉଡି କରି ବଧ କରୁଥିବା ଦେଖିବାକୁ ମିଳିବ। ମୁଖ୍ୟତଃ ନବମୀରେ କାଳିକା ନୃତ୍ୟ ଓ ଦଶମୀରେ ଦହି ପଖାଳ ପ୍ରସାଦ ପାଇବାକୁ ଶ୍ରଦ୍ଧାଳୁଙ୍କ ଭିଡ ଜମିଥାଏ। ଏଥିସହ ଭସାଣି ଉତ୍ସବ ଧୁମ୍‌ଧାମ୍‌ରେ ପାଳନ କରାଯିବ ବୋଲି କମିଟି ପକ୍ଷରୁ ସୂଚନା ଦିଆଯାଇଛି।
ରାଜ୍ୟର ଅନେକ ସ୍ଥାନରେ ଦୁର୍ଗା ପୂଜା ଶୈବ ଉପାସନାରେ ହୁଏ। କିନ୍ତୁ ପୂର୍ଣ୍ଣମାସୀ ପୂଜା କମିଟି ପକ୍ଷରୁ ଦୁର୍ଗାମାଧବ ଉପାସନାରେ ପୂଜା ହେଉଛି, ଯାହାକି ସ୍ବତନ୍ତ୍ର। କମିଟି ପକ୍ଷରୁ ଏଥରକୁ ମିଶାଇ ଏହି ପୂଜା ୧୬ ବର୍ଷରେ ପହଞ୍ଚତ୍ବ। ଏଥିମଧ୍ୟରେ ମୂର୍ତ୍ତି ନିର୍ମାଣ କାର୍ଯ୍ୟ ଅନ୍ତିମ ପର୍ଯ୍ୟାୟରେ ପହଞ୍ଚତ୍ଛି। ଏଥର କଟକରୁ କାରିଗର ଆସି ମା’ଙ୍କ ମୂର୍ତ୍ତି ନିର୍ମାଣ କରୁଛନ୍ତି। ଏ ବର୍ଷ ମହିଷାସୁର ବଧ ଦେଖିବାକୁ ବିଗତବର୍ଷ ପରି ଭିଡ ରହିବ ବୋଲି ଆଶା କରାଯାଉଛି। ଏଥିସହ ପେଚା ଉପରେ ଲକ୍ଷ୍ମୀ, ହଂସ ଉପରେ ସରସ୍ବତୀ, ମୟୂର ଉପରେ କାର୍ତ୍ତିକ ଏବଂ ମୂଷା ଉପରେ ଗଣେଶଙ୍କ ଅବସ୍ଥାନ ଦେଖିବାକୁ ମିଳିବ। ମେଢ଼ ମଧ୍ୟ ସୁନ୍ଦର ଓ ସୁଉଚ୍ଚ କରାଯାଇଛି। ଏଥିସହ ବିଭିନ୍ନ ପ୍ରକାର ବାଦ୍ୟରୋଳ ଓ ଆଲୋକ ସଜ୍ଜାରେ ମଣ୍ଡପ ଶୋଭା ପାଇବ। ପ୍ରତ୍ୟେକ ଦିନ ମା’ଙ୍କ ସୂର୍ଯ୍ୟପୂଜା, ଷୋଡ଼ଶ ଉପଚାର ପୂଜା, ଚଣ୍ଡିପାଠ, ପ୍ରାତଃ ଆଳତି, ଅନ୍ନ ନୀତି, ଓ ଅପରାହ୍ନରେ ସନ୍ଧ୍ୟା ଆଳତି ଏବଂ ଅନ୍ୟାନ୍ୟ ରୀତିନୀତି କରାଯିବ। ମହାଷ୍ଟମୀରେ ସନ୍ଧିପୂଜା ଓ ବଳି ଦିଆଯିବ। ନବମୀରେ ମା’ଙ୍କ କାଳିକା ନୃତ୍ୟ ଅନୁଷ୍ଠିତ ହେବ। ଦଶମୀରେ ମା’ଙ୍କ ଅପରାଜିତା ପୂଜା ବିଶେଷ ଆକର୍ଷଣ ସୃଷ୍ଟି କରିବ। ଦହିପଖାଳ ଭୋଗ ଲାଗି କରାଯିବା ପରେ ମା’ଙ୍କ ଘଟ ବିସର୍ଜନ ହେବ। ବିଜୟା ଦଶମୀ ଦିନ ମା’ଙ୍କୁ ଦର୍ଶନ କରିବାକୁ ଆସିଥିବା ଭକ୍ତମାନଙ୍କୁ ଦହି ପଖାଳ ଦିଆଯିବ। ୨ ବର୍ଷ ହେବ କୋଭିଡ୍‌ କଟକଣା ପାଇଁ ଭସାଣି ଉତ୍ସବ ହୋଇପାରି ନ ଥିଲା।

ମା’ଙ୍କ କୃପାରୁ ଶାନ୍ତିଶୃଙ୍ଖଳାର ସହ ଭକ୍ତିମୟ ପରିବେଶରେ ପ୍ରତିବର୍ଷ ଏହି ପୂଜା ହୋଇଆସୁଛି। ଜାତି, ଧର୍ମ, ବର୍ଣ୍ଣ ନିର୍ବିଶେଷରେ ପ୍ରତ୍ୟେକଙ୍କ ଏଥିରେ ସହଯୋଗ ରହିଛି। ବିଶେଷକରି ସାନବଜାରର ପାଖାପାଖି ୪୫୦ ବ୍ୟବସାୟୀ ଓ ଦେଉଳୀ ଗ୍ରାମେଶ୍ୱର ଗ୍ରାମବାସୀଙ୍କ ଅକୁଣ୍ଠ ସହଯୋଗ ଯୋଗୁ ପ୍ରତିବର୍ଷ ପୂଜା ଭଲ ଭାବେ ହୋଇପାରୁଛି। ଆଶା ଏ ବର୍ଷ ମଧ୍ୟ ପୂଜା ଭଲରେ ହେବ।
– ରାଜକିଶୋର ଖଟୁଆ, ସଭାପତି

ପୁରୀ ଜିଲା ଅନ୍ତର୍ଗତ ଶାନ୍ତିଆନନ୍ଦା ଆଶ୍ରମର ଅଧିଷ୍ଠାତ୍ରୀ ଦେବୀ ମା’ପୂର୍ଣ୍ଣମାସୀ ଜଗତ୍‌ସିଂହପୁର ବସ୍‌ଷ୍ଟାଣ୍ଡରେ ପୂଜା ପାଇ ଆସୁଛନ୍ତି। ମା’ଙ୍କ ପୂଜାପାଠ ଆଦି କାର୍ଯ୍ୟକ୍ରମ କମିଟି କରି ଆସୁଛି। ନବମୀରେ କାଳିକା ନୃତ୍ୟ ଓ ଦଶହରା ଦିନ ମା’ଙ୍କ ଦହି ପଖାଳ ପାଇଁ ଭକ୍ତଙ୍କ ଭିଡ ଜମିଥାଏ।
-ପ୍ରଫୁଲ୍ଲ କୁମାର ଦୁବେ, ସମ୍ପାଦକ

ସୁନା, ଚାନ୍ଦିର ଅଳଙ୍କାର ନ ଥିଲେ ମଧ୍ୟ ଭକ୍ତି ଭାବରେ ମା’ଙ୍କ ପୂଜାର୍ଚ୍ଚନା କରାଯାଏ। ପୂଜାରେ ଯେମିତି କିଛି ତ୍ରୁଟି ନ ଘଟୁ ସେଥିପ୍ରତି ବିଶେଷ ଦୃଷ୍ଟି ଦିଆଯାଏ। ମା’ଙ୍କ ପାଖରେ ପ୍ରାର୍ଥନା ଏ ବର୍ଷ ମଧ୍ୟ ସୁଖ ଓ ଶାନ୍ତିରେ ପୂଜା ଅନୁଷ୍ଠିତ ହେଉ।
-ମନୋଜ ମହାନ୍ତି, କାର୍ଯ୍ୟକାରୀ ସଭାପତି


Enter your email to get our daily news in your inbox.

All Right Reserved By Dharitri.Com

ମୁଣ୍ଡବିହୀନ ମୃତଦେହ ଉଦ୍ଧାର ଘଟଣା, ୪ଗିରଫ

ବାଲିଗୁଡା,୨୪ା୩- ବାଲିଗୁଡା ଥାନା ସିନ୍ଦ୍ରିଗଁା ଖଡ୍‌ଗନଦୀ ପାଖ ଏକ ଗାଡିଆରୁ ପୋଲିସ ଅଖା ଭିତରେ ପଶିଥିବା ଏକ ମୁଣ୍ଡବିହୀନ ମୃତଦେହ ଉଦ୍ଧାର କରିଥିଲା। ମୃତକ କିଲୁପଡାର...

‘ସଫଳ ଚିତ୍ରଶିଳ୍ପୀ ହେବା ଲକ୍ଷ୍ୟ’

ବାସୁଦେବପୁର,୨୬।୧୨(ଡି.ଏନ.ଏ.)- ଚିତ୍ରକଳା କ୍ଷେତ୍ରରେ ଉତ୍କର୍ଷ ପାଇଁ ସେ ନିଜ ଅଞ୍ଚଳ ଲାଗି ଗର୍ବ ଓ ଗୌରବ ପାଲଟିଛନ୍ତି। ବିଭିନ୍ନ ସଚେତନତା ବାର୍ତ୍ତା ଦେଉଥିବା ଚିତ୍ର ଆଙ୍କି...

ବିପଦସଙ୍କୁଳ ଛାତ୍ରୀନିବାସରେ ଶହେ ଅନ୍ତେବାସୀ

ଯାଜପୁର ଅଫିସ,୨୨ା୧: ରାଜ୍ୟ ଅନୁସୂଚିତ ଜାତି, ଜନଜାତି ଓ ପଛୁଆବର୍ଗ ଉନ୍ନୟନ ବିଭାଗ ପକ୍ଷରୁ ନିର୍ମିତ ଚଣ୍ଡିଖୋଲସ୍ଥିତ ବାବା ଭୈରବାନନ୍ଦ ସ୍ବୟଂଶାସିତ ମହାବିଦ୍ୟାଳୟର ୧୦୦ଶର୍ଯ୍ୟା ବିଶିଷ୍ଟ...

ଟିଟିଲାଗଡ଼ରେ ସେପ୍ଟେମ୍ବର ୩୦ ପର୍ଯ୍ୟନ୍ତ ସପ୍ତାହାନ୍ତ ଶଟ୍‌ ଡାଉନ

ଟିଟିଲାଗଡ଼, ୨୮।୮ (ଡି.ଏନ.ଏ.)-ଟିଟିଲାଗଡ଼ ଉପଖଣ୍ଡ ଅଞ୍ଚଳରେ ଦିନକୁ ଦିନ କରୋନା ପଜିଟିଭ ସଂଖ୍ୟା ବୃଦ୍ଧି ପାଇବାରେ ଲାଗିଛି। ଏନେଇ ଟିଟିଲାଗଡ଼ ଉପଜିଲାପାଳ ସୌମେଶ ଉପାଧ୍ୟାୟ ପୁଣି...

‘ଆଗଭଳି ବେପାର ହେଉନି’ – କରୋନା ପାଇଁ ସବୁ ଠପ୍‌

କେନ୍ଦୁଝର, ୨୯ା୧୧ (ସ୍ବ.ପ୍ର.)-କରୋନା କଟକଣାରେ ବହୁ ଲୋକଙ୍କ ଜୀବନଜୀବିକା ଠପ୍‌ ହୋଇଯାଇଛି। ବିଶେଷ କରି ଦିନମଜୁରିଆ ଓ ବିଭିନ୍ନ ସ୍ଥାନରେ ଛୋଟ ଛୋଟ ଜଳଖିଆ ଦୋକାନ,...

କ୍ଷତିଭରଣା ଅର୍ଥ ଅଫିସର, ଠିକା ସଂସ୍ଥା ଦିଅନ୍ତୁ

କେନ୍ଦ୍ରାପଡ଼ା ଅଫିସ, ୧୯ା୧୧: କେନ୍ଦ୍ରାପଡ଼ା ଜିଲା ମାର୍ଶାଘାଇ ବ୍ଲକ ମଣିକୁଣ୍ଡାଠାରେ ନିର୍ମାଣାଧୀନ ପାନୀୟ ଜଳ ପ୍ରକଳ୍ପକୁ ନେଇ କେନ୍ଦ୍ର ପର୍ଯ୍ୟାବରଣ ମନ୍ତ୍ରଣାଳୟର ଆଞ୍ଚଳିକ କାର୍ଯ୍ୟାଳୟ ପକ୍ଷରୁ...

ଅସହାୟ ଲୋକଙ୍କୁ ଶୁଖିଲା ଖାଦ୍ୟ, ମାସ୍କ ବଣ୍ଟନ

ବନ୍ତ,୧୫ା୪(ଡି.ଏନ୍‌.ଏ.) : କରୋନା ଭୂତାଣୁ ପ୍ରତିହତ ଲାଗି ସମଗ୍ର ରାଜ୍ୟରେ ଲକ୍‌ଡାଉନ୍‌ ଜାରି କରାଯାଇଛି। ଫଳରେ ଅସହାୟ ଲୋକମାନେ ଖାଇବା ପାଇଁ ବହୁତ ହଇରାଣ ହରକତ...

୫୫ କେଜି ଗଞ୍ଜେଇ, ୭.୫୧ ଲକ୍ଷ ଟଙ୍କା ଜବତ

ଧର୍ମଶାଳା,୬ା୧(ଡି.ଏନ.ଏ.): ଧର୍ମଶାଳା ପୋଲିସ ମଙ୍ଗଳବାର ରାତିରେ କୁମାରୀ ଗ୍ରାମରେ ଚଢ଼ାଉ କରି ଜଣେ ବ୍ୟକ୍ତିଙ୍କ ଘରୁ ୫୫ କେଜି ୪୫୦ ଗ୍ରାମ ଗଞ୍ଜେଇ ଓ ୭...

Advertisement
Archives

Model This Week