ବଲିଉଡର ଚୁଲ୍ବୁଲି ଅଭିନେତ୍ରୀ କାଜୋଲ ପରଦାରେ ନିଜର ଦୃଢ ଅଭିନୟ ପାଇଁ ଜଣାଶୁଣା। କାଜୋଲ ପରଦାରେ ଗମ୍ଭୀର ଚରିତ୍ରରେ ନଜର ଆସନ୍ତି, କିନ୍ତୁ ପରଦା ପଛରେ ସେ ସର୍ବଦା ମଜାଳିଆ ଅନ୍ଦାଜରେ ଥାନ୍ତି। ତାଙ୍କ ସ୍ବାମୀ ତଥା ଅଭିନେତା ଅଜୟ ଦେବଗନ ସମ୍ପୂର୍ଣ୍ଣ ବିପରୀତ। କାଜୋଲ ସବୁବେଳେ ମଜା କରୁତବବାବେଳେ ଅଜୟ ସର୍ବଦା ଚୁପ୍ ଏବଂ ଗମ୍ଭୀର ଭାବରେ ଥାନ୍ତି। ଅଜୟ ଏବଂ କାଜୋଲ ଫିଲ୍ମ ଶୁଟିଂ ସମୟରେ ପ୍ରେମରେ ପଡିଥିଲେ। କାଜୋଲ ଏବଂ ଅଜୟ ଦେବଗନଙ୍କ ବିବାହ ୨୦ ବର୍ଷରୁ ଅଧିକ ହେଲାଣି। ଉଭୟଙ୍କ ଅନସ୍କ୍ରିନ ଏବଂ ଅଫସ୍କ୍ରିନ ଯୋଡି ଦର୍ଶକଙ୍କୁ ଭଲ ଲାଗେ । ତେବେ କାଜୋଲଙ୍କ ପିତା ତାଙ୍କ ବିବାହକୁ ବିରୋଧ କରିଥିଲେ। ଏକ ସାକ୍ଷାତକାରରେ କାଜୋଲ ଏହା ପ୍ରକାଶ କରିଛନ୍ତି। ତେବେ କାଜୋଲଙ୍କ ପିତା ଚାହୁଁ ନ ଥିଲେ ଯେ ଅଭିନେତ୍ରୀ ଅଜୟ ଦେବଗନଙ୍କୁ ବିବାହ କରନ୍ତୁ। ତାଙ୍କ ପିତା ଶୋମୁ ମୁଖାର୍ଜୀ ମୁଁ ମାତ୍ର ୨୪ ବର୍ଷ ବୟସରେ ବିବାହ କରେ ସେ ଚାହୁଁ ନ ଥିଲେ। ଅଜୟଙ୍କ ସହ କାଜୋଲଙ୍କ ସମ୍ପର୍କରେ ତାଙ୍କର କୌଣସି ଅସୁବିଧା ନଥିଲା, କେବଳ ସେ ଚାହୁଁଥିଲେ ଯେ ବିବାହ ପୂର୍ବରୁ କାଜୋଲ ଅଧିକ କାମ କରନ୍ତୁ। ତେବେ କାଜୋଲଙ୍କ ନିଷ୍ପତ୍ତିକୁ ତାଙ୍କ ମା ତନୁଜା ସମ୍ପୂର୍ଣ୍ଣ ସମର୍ଥନ କରିଥିଲେ। ସେ ତାଙ୍କ ପିତାଙ୍କୁ ବୁଝାଇଥିଲେ। ଏଭଳି ପରିସ୍ଥିତିରେ କାଜୋଲ ଏବଂ ଅଜୟ ଦେବଗନ ୧୯୯୯, ଫେବୃଆରୀ ୨୪ରେ ବିବାହ କରିଥିଲେ।
