ମୁମ୍ବାଇ: ବଲିଉଡ୍ରେ ଦୁର୍ଗାପୂଜା ଖୁବ୍ ଧୁମଧାମରେ ପାଳନ କରାଯାଇଥାଏ । ଚଳିତ ବର୍ଷ କରୋନା ମହାମାରୀ ପାଇଁ ଏହା ସାମାନ୍ୟ ଫିକା ପଡିଯାଇଛି । ହେଲେ ସେଲିବ୍ରିଟିମାନେ ନିଜ ନିଜ ଢଙ୍ଗରେ ଦୁର୍ଗାପୂଜା ପାଳନ କରିଛନ୍ତି । ଅଭିନେତ୍ରୀ କାଜଲ ନବମୀ ପାଳନ ସମୟରେ ଏମିତି ଲୁକ୍ସରେ ନଜର ଆସିଥିଲେ ଯାହାର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । କାଜଲ ଏକ ବ୍ଲୁ ରଙ୍ଗର ଶାଢି ପିନ୍ଧି ଖୁବ୍ ସୁନ୍ଦର ଲାଗିବା ସହ ପେଣ୍ଡାଲରେ ପୂଜା କରୁଥିବା ନଜର ଆସିଥିଲେ । ଜଣାପଡିଛି କି ଦୁର୍ଗା ନବମୀରେ କାଜଲ ଯେଉଁ ଶାଢି ପିନ୍ଧିଥିଲେ ତାକୁ ହାତରେ ତିଆରି କରାଯାଇଛି । ସେଥିପାଇଁ ତାଙ୍କ ଲୁକ୍ସ ଜବରଦସ୍ତ ଲାଗୁଛି । ଶାଢିର ବର୍ଡର ଗୋଲଡେନ କଲର ହୋଇଥିବା ବେଳେ ଏଥିରେ ମଝିରେ ମଝିରେ ମୋତି ଓ ଜରି ଲାଗିଥିବା ଦେଖାଯାଇଛି । ଏହି ବ୍ଲୁ ଶାଢି ସହ କାଜଲ ଗୋଲଡେନ କଲରର ସ୍ଲିଭଲେସ୍ ବ୍ଲାଉଜ ପିନ୍ଧିି ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି । କେବଳ ସେତିକି ନୁହେଁ ମ୍ୟାଚିଙ୍ଗ ଚୁଡି ଓ କାଜଲଙ୍କ ହେୟାର ଷ୍ଟାଇଲ ନଜରରୁ ହଟିପାରୁନି । ପନିଟେଲ ହେୟାର ଷ୍ଟାଇଲ ସହ ଡାର୍କ ମାଜେଣ୍ଡା ଲିପଷ୍ଟିକ ଏବେ ଖୁବ୍ ଚର୍ଚ୍ଚାକୁ ଆସିଛି । ଏହାର କିଛି ଫଟୋ ରାଧିକା ମେହେରା ତାଙ୍କ ଇନଷ୍ଟାଗ୍ରାମରେ ଶେୟାର କରିଛନ୍ତି । ତେବେ କାଜଲ ଯେଉଁ ଶାଢି ପିନ୍ଧିଛନ୍ତି ତାହା ଅନିତା ଡୋଙ୍ଗରେ ୱେସାଇଟରେ ୮୦,୦୦୦ଟଙ୍କାରେ ମିଳୁଛି ବୋଲି ଜଣାପଡିଛି ।
