ନୂଆଦିଲ୍ଲୀ,୧୮।୧୧: ଆମ ଆଦମୀ ପାର୍ଟି ଏବଂ ଦିଲ୍ଲୀ ସରକାରଙ୍କ ମନ୍ତ୍ରୀ ପଦରୁ ଇସ୍ତଫା ଦେଇଥିବା ନଜାଫଗଡ ବିଧାୟକ କୈଳାଶ ଗେହଲୋଟ ଆଜି ଅର୍ଥାତ୍ ସୋମବାର ଭାଜପାରେ ଯୋଗ ଦେଇ ପାରନ୍ତି॥ ଦିନ ପ୍ରାୟ ୧୨ଟା ୩୦ରେ ସେ ଭାଜପାର ସଦସ୍ୟତା ଗ୍ରହଣ କରିବେ ବୋଲି କୁହାଯାଉଛି। କୈଳାଶ ଗେହଲୋଟ ରବିବାର ଏଏପିର ପ୍ରାଥମିକ ସଦସ୍ୟତା ଏବଂ ମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି।
୧୯ ଫେବୃଆରୀ ୨୦୧୫ରେ ପ୍ରଥମ ଥର ପାଇଁ ଦିଲ୍ଲୀ ସରକାରରେ ପରିବହନ ମନ୍ତ୍ରୀ ଭାବରେ କୈଳାଶ ଗେହଲୋଟ ଶପଥ ଗ୍ରହଣ କରିଥିଲେ। ଏହା ପରେ ତାଙ୍କୁ କ୍ରମାଗତ ତିନି ଥର ମନ୍ତ୍ରୀ କରାଯାଇଥିଲା। ଇସ୍ତଫା ଦେବା ପୂର୍ବରୁ ସେ ଆମ ଆଦମୀ ପାର୍ଟିର ଜାତୀୟ ସଂଯୋଜକ ଅରବିନ୍ଦ କେଜରିୱାଲଙ୍କୁ ଚିଠି ଲେଖି ଦଳ ବିରୋଧରେ ଗୁରୁତର ଅଭିଯୋଗ ଆଣିଥିଲେ।
କେଜରିୱାଲଙ୍କୁ ଲେଖିଥିବା ଏକ ପତ୍ରରେ ଗେହଲୋଟ କହିଛନ୍ତି ଯେ ବର୍ତ୍ତମାନ ଆମ ଆଦମୀ ପାର୍ଟି ଗୁରୁତର ଚ୍ୟାଲେଞ୍ଜ ଦେଇ ଗତି କରୁଛି। ଦଳର ରାଜନୈତିକ ଅଭିଳାଷ ଲୋକଙ୍କ ପ୍ରତି ଆମର ପ୍ରତିବଦ୍ଧତାକୁ ଛାଇ ଦେଇଛି, ଫଳରେ ଅନେକ ପ୍ରତିଶ୍ରୁତି ପୂରଣ ହୋଇନାହିଁ।
ଯାହା ଦଳ ଦିଲ୍ଲୀର ଲୋକଙ୍କ ପାଇଁ କରିଥିଲା। ଯମୁନା ସଫା କରିବାର ସ୍ବପ୍ନ ପୂରଣ ହୋଇପାରିଲା ନାହିଁ । ଯମୁନା ବର୍ତ୍ତମାନ ପୂର୍ବ ଅପେକ୍ଷା ଅଧିକ ପ୍ରଦୂଷିତ ହୋଇଛି। ଏହା ବ୍ୟତୀତ ଶେଶ ମହଲ (ମୁଖ୍ୟମନ୍ତ୍ରୀଙ୍କ ବାସଭବନ) ପରି ଅନେକ ଅଜବ ବିବାଦ ସାମ୍ନାକୁ ଆସିଥିଲା। ଏହା ଦଳର ଭାବମୂର୍ତ୍ତିକୁ କ୍ଷୁର୍ଣ୍ଣ କରିଛି। ଲୋକମାନେ ଦଳକୁ ବିଶ୍ୱାସ କରୁଛନ୍ତି କି ନାହିଁ ପ୍ରଶ୍ନ ଉଠିଛି। ଲୋକଙ୍କ ଅଧିକାର ପାଇଁ ଲଢିବା ପରିବର୍ତ୍ତେ ଦଳଗୁଡିକ କେବଳ ନିଜର ରାଜନୈତିକ ଏଜେଣ୍ଡା ପାଇଁ ଲଢୁଛନ୍ତି।
