ମେଲବର୍ନ,୨୪।୧୨: ଭାରତ ବିପକ୍ଷରେ ଶନିବାର ଖେଲାଯିବାକୁ ଥିବା ଦ୍ୱିତୀୟ ଟେଷ୍ଟ ମ୍ୟାଚ୍ରେ କୌଣସି ପରିବର୍ତ୍ତନ କରାଯିବ ନାହିଁ। ଗୁରୁବାର ଅଷ୍ଟ୍ରେଲିଆର ପ୍ରମୁଖ କୋଚ୍ ଜଷ୍ଟିନ ଲାଙ୍ଗର ଏହା କହିଛନ୍ତି। ଆଡିଲେଡ୍ ଟେଷ୍ଟରେ ଭାରତକୁ ସର୍ବନିମ୍ନ ସ୍କୋର ୩୬ ରନ୍ରେ ଆଉଟ କରିବା ପରେ ଦଳ ୮ ଉଇକେଟରେ ବିଜେତା ହୋଇଥିଲା। ଏଭଳି ଚମତ୍କାର ପ୍ରଦର୍ଶନ କରିଥିବା ଟିମ୍ରେ ପରିବର୍ତ୍ତନର ଆବଶ୍ୟକତା ନାହିଁ। ଆମପାଇଁ ଭାରତକୁ ଚାପରେ ଦେଖିବା ଖୁସି ଦେଉଛି ବୋଲି ଲାଙ୍ଗର କହିଛନ୍ତି।
ଅଷ୍ଟ୍ରେଲିଆ ପାଇଁ ଖେଳୁଥିବା ସବୁ ଖେଳାଳି ନିଜର ଶ୍ରେଷ୍ଠ ଦେବାକୁ ଚାହାନ୍ତି। ଏହି ପ୍ରତିସ୍ପର୍ଦ୍ଧା କ୍ରିକେଟ ପାଇଁ ଭଲ। ସମସ୍ତ ଖେଳାଳିଙ୍କୁ ନିଜର ସ୍ଥାନ ବଜାୟ ରଖିବା ପାଇଁ ଭଲ ଖେଳିବାକୁ ପଡ଼ିବ। ଯଦି କୌଣସି ଅସୁବିଧା ଦେଖାଦିଏ ତେବେ ଖେଳାଳିରେ ପରିବର୍ତ୍ତନ କରାଯିବ। ନଚେତ ପୂର୍ବ ଖେଳାଳିଙ୍କ ସହ ଦଳ ପଡ଼ିଆକୁ ଓହ୍ଲାଇବ। ଭାରତୀୟ ଟିମ୍ରୁ ଦୁଇ ପ୍ରତିଭାବାନ ଖେଳାଳି ମହମ୍ମଦ ଶାମୀ ଏବଂ ବିରାଟ କୋହଲି ବାହାରେ ରହିବେ। ଏହା ଆମପାଇଁ ଲାଭଦାୟକ ହେବ। ପ୍ରଥମ ଦିନରୁ ଆମକୁ ଚାପ ପ୍ରୟୋଗ କରିବାକୁ ହେବ। କାରଣ ରାହାଣେ ନୂଆ ଅଧିନାୟକ। ଯେକୌଣସି ଟିମ୍ରେ ଭଲ ଖେଳାଳି ନ ରହିଲେ ଦଳ ଦୁର୍ବଳ ହୋଇଥାଏ। ଏହା ହିଁ ସତ୍ୟ ବୋଲି ସେ ମଧ୍ୟ କହିଛନ୍ତି।
