ଦେବଗୁରୁ ବୃହସ୍ପତି ସୋମବାର ରାତି ୧ଟା ୫୦ରେ ମକର ରାଶିରୁ କୁମ୍ଭକୁ ଚଳନ କରିବେ। ଗୁରୁ ଆସନ୍ତା ୧୩ ସେପ୍ଟେମ୍ବର ପର୍ଯ୍ୟନ୍ତ ଏଠାରେ ଅବସ୍ଥାନ କରିବେ। ଏହା ପରେ ବକ୍ରି ଗୁରୁ ସେପ୍ଟେମ୍ବର ୧୪ରେ ରାତି ୨ଟା ୨୮ରେ ମକର ରାଶିରେ ପ୍ରବେଶ କରିବେ।
ଜ୍ୟୋତିଷ ଶାସ୍ତ୍ରରେ ବୃହସ୍ପତିଙ୍କୁ ଧର୍ମ , ଜ୍ଞାନ , ଶିକ୍ଷା , ବିବାହ , ସନ୍ତାନ , ସୁଖ ଏବଂ ଧନର ଗ୍ରହଭାବେ ବିବେଚନା କରାଯାଇଥାଏ। ଜ୍ୟୋତିଷ ଶାସ୍ତ୍ରରେ ବୃହସ୍ପତିଙ୍କ ଗୋଚର ଚଳନରେ ସେ ଅବସ୍ଥାନ କରୁଥିବା ରାଶିଠାରୁ ଦ୍ୱିତୀୟ, ପଞ୍ଚମ, ନବମ, ଦଶମ ଏବଂ ଏକାଦଶ ଭାବରେ ସୁୁଖ ପ୍ରଦାନ କରିଥାନ୍ତି। ଦେବଗୁରୁ ପଞ୍ଚମ, ସପ୍ତମ ଏବଂ ନବମ ଭାବକୁ ବିଶେଷ ଦୃଷ୍ଟି ପ୍ରଦାନ କରିଥାନ୍ତି। କର୍କଟ ରାଶିରେ ବୃହସ୍ପତି ହେଉଛନ୍ତି ଉଚ୍ଚ। ଧନୁ ଏବଂ ମୀନ ବୃହସ୍ପତିଙ୍କ ନିଜ ରାଶି। ଦେବଗୁରୁଙ୍କ ଚଳନରେ ଶାନ୍ତି ପାଇଁ ଗୁରୁ ମହାଗ୍ରହ ମନ୍ତ୍ର ଜପ କରିବା , ଗୋ ସେବା , ମନ୍ଦିରରେ ପୂଜାର୍ଚ୍ଚନା, ଗୁରୁଙ୍କ ସେବା ଏବଂ ଗୁରୁ ଗ୍ରହଙ୍କ ଦ୍ରବ୍ୟ ଦାନ କରିବା ଆବଶ୍ୟକ। ପ୍ରଭୁ ଶିବ , ଦେବୀ ଦୁର୍ଗା ଏବଂ ଭଗବାନ ଶ୍ରୀକୃଷ୍ଣଙ୍କ ଉପାସନା କଲେ ଗୁରୁଙ୍କର ଖରାପ ପ୍ରଭାବ ପଡ଼ିବ ନାହିଁ। ଦେବଗୁରୁଙ୍କ ଚଳନରେ
ମେଷ- ଲାଭର ଯୋଗ ରହିଛି। ବ୍ୟବସାୟ କିମ୍ବା ଚାକିରି କରୁଥିବା ବ୍ୟକ୍ତିମାନେ ସେମାନଙ୍କର ପରିଶ୍ରମର ସମ୍ପୂର୍ଣ୍ଣ ଫଳାଫଳ ପାଇବେ ।
ବୃଷ- ଦଶମ ଘରେ ବୃହସ୍ପତିଙ୍କ ଆଗମନ ଯୋଗୁ କାର୍ଯ୍ୟ ସିଦ୍ଧ ହେବ। ମାନ ସମ୍ମାନରେ ବୃଦ୍ଧି ଘଟିବ। ଧନର ନୂତନ ଉତ୍ସ ସୃଷ୍ଟି ହେବ।
ମିଥୁନ- ଭାଗ୍ୟ ଭାବ ପ୍ରତି ସୁଦୃଷ୍ଟି। ଅର୍ଥ ଲାଭ ହେବ , କିନ୍ତୁ ଖର୍ଚ୍ଚ ମଧ୍ୟ ଅଧିକ ହେବ। ଘରେ ମାଙ୍ଗଳିକ କାର୍ଯ୍ୟର ସମ୍ଭାବନା ଅଛି।
କର୍କଟ- ମିଶ୍ରିତ ଫଳାଫଳ ମିଳିବ। ଲାଭ କମ ହେବ। ଅତ୍ୟଧିକ ବ୍ୟୟ ମାନସିକ ସମସ୍ୟା ସୃଷ୍ଟି କରିପାରେ। କ୍ରୋଧରୁ ଦୂରେଇ ରହିବା ସହିତ କାରବାରରେ ସତର୍କତା ଅବଲମ୍ବନ ଜରୁରୀ।
ସିଂହ- ବୃହସ୍ପତିଙ୍କ ସପ୍ତମ ଦୃଷ୍ଟି ଯୋଗୁ ବନ୍ଧୁ ସମ୍ପର୍କ ବୃଦ୍ଧି ପାଇବ। ନୂତନ ଚାକିରି ସମ୍ଭାବନା।
କନ୍ୟା- ଅର୍ଥ ଲାଭ। ପ୍ରତିପକ୍ଷଙ୍କ ସହିତ ମଧ୍ୟ ସତର୍କତା ଜରୁରୀ। ପରିବାରରେ ମାଙ୍ଗଳିକ କାର୍ଯ୍ୟ ସମ୍ଭାବନା। ସ୍ବାସ୍ଥ୍ୟର ବିଶେଷ ଯତ୍ନ ନିଅନ୍ତୁ। ଯାତ୍ରାର ସମ୍ଭାବନା।
ତୁଳା- ସୁଖରେ ସମୟ ବିତିବ। ଆୟର ଉତ୍ସ ସ୍ଥିର ରହିବ। ଦକ୍ଷତା ବୃଦ୍ଧି ପାଇବ। ରାଜନୈତିକ କ୍ଷେତ୍ରରେ ସଫଳତା। ମାନ ସମ୍ମାନରେ ବୃଦ୍ଧି।
ବିଛା-ପରିବାରରେ ମତ ପାର୍ଥକ୍ୟ। ଅର୍ଥ ପ୍ରାପ୍ତି ଯୋଗ ରହିଛି। ଅପବ୍ୟୟ ପ୍ରତି ସତର୍କ ରହିବା ଜରୁରୀ।
ଧନୁ- ସୁଖ ଶାନ୍ତି ମିଳିବ। ବିଚାରାଧୀନ କାର୍ଯ୍ୟ ସମାପ୍ତ ହେବ। ଅଟକି ରହିଥିବା କାମ ଶେଷ ହେବାର ସମ୍ଭାବନା ରହିଛି।
ମକର- ଶୁଭ ଏବଂ ଅଶୁଭ ଉଭୟ ମିଶ୍ରିତ ଫଳ ମିଳିବ। ପରିବାରରେ ଶୁଭ କାର୍ଯ୍ୟ ସମ୍ପନ୍ନ ହେବ। ବୃଥା ଚିନ୍ତାରେ ଘାରିହେବେ। ମାନସିକ ସମସ୍ୟା ସ୍ବାସ୍ଥ୍ୟ ଉପରେ ପ୍ରଭାବ ।
କୁମ୍ଭ-ପରିଶ୍ରମ ଅନୁସାରେ ଫଳ ପ୍ରାପ୍ତି ହେବ। ସ୍ବାସ୍ଥ୍ୟ ପ୍ରତି ଯତ୍ନବାନ ହେବା ଆବଶ୍ୟକ।
ମୀନ- ଅନାବଶ୍ୟକ ଖର୍ଚ୍ଚ ବୃଦ୍ଧି ପାଇବ। ମିଥ୍ୟା ଅଭିଯୋଗ ଆସିବାର ଆଶଙ୍କା ରହିଛି। ବିତର୍କରୁ ଦୂରେଇ ରହିବା ଆବଶ୍ୟକ।
