ବଲିଉଡ୍ ଅଭିନେତ୍ରୀଙ୍କ ମଧ୍ୟରେ ପ୍ରତିଦ୍ୱନ୍ଦ୍ୱିତା ଲାଗି ରହିଥାଏ। ମାଧୁରୀ ଦୀକ୍ଷିତ ଏବଂ ଜୁହି ଚାୱଲାଙ୍କ ମଧ୍ୟରେ କିଛି ସମାନ ଘଣଟା ଘଟିଥିବା ଶୁଣିବାକୁ ମିଳିଥିଲା। ଯଦିଓ ସ୍ପଷ୍ଟ ଭାବେ ଏହି ଦୁଇ ଅଭିନେତ୍ରୀ ପରସ୍ପର ବିଷୟରେ କିଛି କହିନାହାଁନ୍ତି, ମାତ୍ର ୯୦ ଦଶକରେ ଉଭୟଙ୍କ ମଧ୍ୟରେ ଏକ ଫାଇଟ୍ ହୋଇଥିଲା। ଏ ନେଇ ଜୁହି ଚାଓ୍ବଲା ମଧ୍ୟ ବହୁତ କ୍ଷତି ସହିଥିଲେ। ତାଙ୍କୁ ସୁପରହିଟ ଫିଲ୍ମ ‘ଦିଲ ତୋ ପାଗଲ ହୈ ଅଫର୍ ଦିଆଯାଇଥିଲା, କିନ୍ତୁ ମାଧୁରୀଙ୍କ କାରଣରୁ ସେ ଏହି ଫିଲ୍ମରେ କାମ କରିବାକୁ ମନା କରିଦେଇଥିଲେ। ତେବେ ଜାଣନ୍ତୁ ସେ ସମ୍ପର୍କରେ।
ଉଭୟ ମାଧୁରୀ ଏବଂ ଜୁହି ସେମାନଙ୍କ ସମୟର ସୁପରହିଟ ହିରୋଇନ ଥିଲେ। ପ୍ରଶଂସକମାନେ ସେମାନଙ୍କୁ ପସନ୍ଦ କରୁଥିଲେ। ଏହି କାରଣରୁ ଉଭୟ ଅଭିନେତ୍ରୀ ସର୍ବାଧିକ ସଂଖ୍ୟକ ହିଟ୍ ଫିଲ୍ମର ଅଂଶ ହେବାକୁ ଚାହୁଁଥିଲେ। ତେବେ ଏକ ସାକ୍ଷାତକାରରେ ଜୁହି ନିଜେ କହିଛନ୍ତି, ସେ ଫିଲ୍ମ ‘ଦିଲ ତୋ ପାଗଲ ହୈ’ ରେ କାମ କରିବାକୁ ମନା କରି ଦେଇଛନ୍ତି।
ଜୁହି କହିଛନ୍ତି, କରିସ୍ମା କପୁରଙ୍କ ପୂର୍ବରୁ ତାଙ୍କୁ ଏହି ଭୂମିକା ପ୍ରଦାନ କରାଯାଇଥିଲା। ତେବେ ଯେତେବେଳେ ସେ ଜାଣିବାକୁ ପାଇଲେ ଯେ ଏହି ଫିଲ୍ମରେ ତାଙ୍କର ଭୂମିକା ଦ୍ୱିତୀୟ ଲିଡ ଏବଂ ମୁଖ୍ୟ ଭୂମିକାରେ ମାଧୁରୀ ଦୀକ୍ଷିତ ଥିଲେ। ସେ ଏହି ଫିଲ୍ମରେ ଅଭିନୟ କରିବାକୁ ମନା କରିଦେଇଥିଲେ।
