ଆମାଜନ ସପକ୍ଷରେ ରାୟ

ମୁମ୍ବାଇ, ୭।୮: ଫ୍ୟୁଚର ଗ୍ରୁପ୍‌ର ରିଟେଲ କାରବାର ଅଧିଗ୍ରହଣ ନେଇ ରିଲାଏନ୍ସ ସହ ୨୪,୭୧୩ କୋଟି ଟଙ୍କାର ଡିଲ୍‌କୁ ସୁପ୍ରିମକୋର୍ଟଙ୍କ ଝଟକା ଲାଗିଛି। ସର୍ବୋଚ୍ଚ ଅଦାଲତ ଶୁକ୍ରବାର ଆମାଜନ ସପକ୍ଷରେ ରାୟ ଦେଇଛନ୍ତି। ସୁପ୍ରିମକୋର୍ଟଙ୍କ ଏଭଳି ନିଷ୍ପତ୍ତି ପରେ ଫ୍ୟୁଚର ଗ୍ରୁପ୍‌ ଏବଂ ରିଲାଏନ୍ସ ଡିଲ୍‌ ଆଗକୁ ବଢ଼ିବା କଷ୍ଟସାଧ୍ୟ ହୋଇପଡ଼ିଛି। ସର୍ବୋଚ୍ଚ ଅଦାଲତ ଏହି ମାମଲାର ଶୁଣାଣିକରି ସିଙ୍ଗାପୁର ଜରୁରିକାଳୀନ ମଧ୍ୟସ୍ଥତା ଅଦାଲତଙ୍କ ନିଷ୍ପତ୍ତି ଠିକ୍‌ ବୋଲି କହିଛନ୍ତି। ଉଲ୍ଲେଖଯୋଗ୍ୟ, ମଧ୍ୟସ୍ଥତା ଅଦାଲତ ଆମାଜନ ସପକ୍ଷରେ ଅନ୍ତରୀଣ ରାୟ ଦେଇଥିଲେ। ବର୍ତ୍ତମାନ ସୁପ୍ରିମକୋର୍ଟ ଏହି ରାୟକୁ କାଏମ ରଖିବା ଫଳରେ ଆମାଜନକୁ ଏକ ବଡ଼ ଆଶ୍ୱସ୍ତି ମିଳିଥିବା କୁହାଯାଉଛି। ଜଷ୍ଟିସ ଆର୍‌.ଏଫ୍‌. ନରିମାନ ଏବଂ ଜଷ୍ଟିସ ବି.ଆର୍‌. ଗଭାଇଙ୍କୁ ନେଇ ଗଠିତ ଖଣ୍ଡପୀଠ ଜୁଲାଇ ୨୯ରେ ଏହି ମାମଲାର ଶୁଣାଣିକରି ରାୟ ସଂରକ୍ଷିତ ରଖିଥିଲେ। ଫ୍ୟୁଚର ରିଟେଲ ଲିମିଟେଡ୍‌ ପକ୍ଷରୁ ବରିଷ୍ଠ ଆଇନଜୀବୀ ହରିଶ୍‌ ସାଲ୍‌ଭେ ଏବଂ ଆମାଜନ ପକ୍ଷରୁ ଗୋପାଲ ସୁବ୍ରମଣ୍ୟନ ମାମଲା ଲଢୁଥିବା ଜଣାପଡ଼ିଛି।
ସୂଚନାଯୋଗ୍ୟ, ଏହି ଡିଲ୍‌ ଲାଗି ଫ୍ୟୁଚର ଗ୍ରୁପ୍‌ର ସମସ୍ତ ପ୍ରକ୍ରିୟା ଚୂଡ଼ାନ୍ତ ପର୍ଯ୍ୟାୟରେ ରହିଥିଲା। କମ୍ପାନୀ ବର୍ତ୍ତମାନ ଆର୍ଥତ୍କ ସଙ୍କଟ ଦେଇ ଗତି କରୁଥିବା ବେଳେ ଏହାକୁ ରିଲାଏନ୍ସ ଇଣ୍ଡଷ୍ଟ୍ରିଜ ହାତକୁ ଟେକିଦେବା ଲାଗି କିଶୋର ବିୟାନୀ ମନ ବଳାଇ ସାରିଥିଲେ। ହେଲେ ଫ୍ୟୁଚର କୁପନରେ ୪୯% ଅଂଶଧନ ହାସଲ କରିଥିବା ଆମାଜନ ପ୍ରଥମେ ଚୁକ୍ତି ନିୟମ ଉଲ୍ଲଂଘନ ଅଭିଯୋଗରେ ଫ୍ୟୁଚର ଗ୍ରୁପ୍‌କୁ ଏକ ଆଇନଗତ ନୋଟିସ ଜାରି କରିଥିଲା। ପରେ ଏହି ଡିଲ୍‌ ବିରୋଧରେ ଆମାଜନ ସିଙ୍ଗାପୁରର ଜରୁରିକାଳୀନ ମଧ୍ୟସ୍ଥତା ଅଦାଲତଙ୍କ ଦ୍ୱାରସ୍ଥ ହୋଇଥିଲା।
ସେହି ଅଦାଲତ ଅନ୍ତରୀଣ ନିର୍ଦ୍ଦେଶନାମା ଜାରି କରିବା ସହ ଏହି ଡିଲ୍‌ରେ ଆଗକୁ ନ ବଢ଼ିବା ଲାଗି ଫ୍ୟୁଚର ଗ୍ରୁପ୍‌କୁ ନିର୍ଦ୍ଦେଶ ଦେଇଥିଲେ। ମାତ୍ର ଏହା ବିରୋଧରେ ଫ୍ୟୁଚର ଗ୍ରୁପ୍‌ ଦିଲ୍ଲୀ ହାଇକୋର୍ଟଙ୍କ ନିକଟରେ ଏକ ଆବେଦନ କରିଥିଲା। ଆମାଜନ ଅଯଥା ଏଥିରେ ହସ୍ତକ୍ଷେପ କରିଥିବା ଫ୍ୟୁଚର ଗ୍ରୁପ୍‌ ଅଭିଯୋଗ ଆଣିଥିଲା। ଆମାଜନକୁ ଏଥିରେ ହସ୍ତକ୍ଷେପ କରିବାକୁୁ କ୍ଷାନ୍ତ କରିପାରିବେ ନାହିଁ ବୋଲି କୋର୍ଟ ପ୍ରଥମେ କହିଥିଲେ। ଏହି ଘଟଣାକୁ ବିଚାର କରିବା ଲାଗି ସିଙ୍ଗାପୁର ମଧ୍ୟସ୍ଥତା ଅଦାଲତ ଏକ ଟ୍ରିବ୍ୟୁନାଲ ଗଠନ କରିଥିଲେ। ଦିଲ୍ଲୀ ହାଇକୋର୍ଟର ଏକକ ବେଞ୍ଚ ଆମାଜନର ଆବେଦନକୁ ବିଚାରକରି ଫ୍ୟୁଚର ରିଟେଲ, ରିଲାଏନ୍ସ ରିଟେଲ ଏବଂ କିଶୋର ବିୟାନୀଙ୍କୁ ପ୍ରଥମେ ନୋଟିସ ଜାରି କରିଥିଲେ। ଏଭଳି ସ୍ଥିତିରେ ସିଙ୍ଗାପୁର ମଧ୍ୟସ୍ଥତା ଅଦାଲତଙ୍କ ନିଷ୍ପତ୍ତିକୁ ଠିକ୍‌ ଦର୍ଶାଇ ଡିଲ୍‌ରେ ଆଗକୁ ନ ବଢିବା ଲାଗି ଦିଲ୍ଲୀ ହାଇକୋର୍ଟର ଜଷ୍ଟିସ ଜେ.ଆର୍‌.ମିଧାଙ୍କ ଏକକ ଜଜ୍‌ ଖଣ୍ଡପୀଠ ନିର୍ଦ୍ଦେଶ ଦେଇଥିଲେ। ମାତ୍ର ଏହି ହାଇକୋର୍ଟର ୨ ବିଚାରପତିଙ୍କ ଖଣ୍ଡପୀଠ ଫ୍ୟୁଚର ଗ୍ରୁପ୍‌କୁ ଆଗକୁ ବଢିବା ନେଇ ସବୁଜ ସଙ୍କେତ ଦେଇଦେଲେ। ଏହି ଶୁଣାଣି ବିରୋଧରେ ଆମାଜନ ସୁପ୍ରିମକୋର୍ଟରେ ପହଞ୍ଚିଥିଲା। ଚଳିତ ବର୍ଷ ଫେବୃୟାରୀରେ ଏନ୍‌ସିଏଲ୍‌ଟିରେ ଆବେଦନ କରିବା ଲାଗି ଫ୍ୟୁଚର ଗ୍ରୁପ୍‌କୁ ସର୍ବୋଚ୍ଚ ଅଦାଲତଙ୍କ ଅନୁମତି ମିଳିଥିଲା। ମାତ୍ର ଡିଲ୍‌କୁ ଚୂଡାନ୍ତ କରିବାରେ ଏନ୍‌ସିଏଲ୍‌ଟିକୁ ବାରଣ କରାଯାଇଥିଲା।
ସର୍ବୋଚ୍ଚ ଅଦାଲତଙ୍କ ବର୍ତ୍ତମାନର ନିଷ୍ପତ୍ତି ଦ୍ୱାରା ଉଭୟ ଫ୍ୟୁଚର ଗ୍ରୁପ୍‌ ଏବଂ ରିଲାଏନ୍ସକୁ ଶକ୍ତ ଧକ୍କା ଲାଗିଛି। ବର୍ତ୍ତମାନ ସାରା ଦେଶରେ ଫ୍ୟୁଚର ରିଲେଟର ୧୭୦୦ ଷ୍ଟୋର ରହିଛି। କ୍ଷତିରେ ଚାଲୁଥିଲେ ମଧ୍ୟ ଫ୍ୟୁଚର ଗ୍ରୁପ୍‌କୁ କିଶୋର ବିୟାନୀ ରିଲାଏନ୍ସକୁ ବିକ୍ରି କରିପାରିବେ ନାହିଁ। ଡିଲ୍‌କୁ ବଞ୍ଚାଇବା ଲାଗି ସମସ୍ତ ପ୍ରକାର ବିକଳ୍ପକୁ ଧ୍ୟାନରେ ରଖାଯିବ ବୋଲି ଫ୍ୟୁଚର ଗ୍ରୁପ୍‌ ପକ୍ଷରୁ ସ୍ପଷ୍ଟ କରାଯାଇଛି। ସିଙ୍ଗାପୁର ଅଦାଲତରେ ଏହି ମାମଲାର ପରବର୍ତ୍ତୀ ଶୁଣାଣି ଶୀଘ୍ର ହେବ ବୋଲି ପ୍ରକ୍ରିୟା ସହ ଜଡିତ ଜଣେ ଅଧିକାରୀ କହିଛନ୍ତି। ଏହି ପ୍ରକ୍ରିୟା ବିଫଳ ହେଲେ ଫ୍ୟୁଚର ଗ୍ରୁପ୍‌ ଲିକ୍ୟୁଡେଶନ ପ୍ରକ୍ରିୟା ଦେଇ ଗତି କରିବାକୁ ପଡିବ। ଏହାଦ୍ୱାରା ସାରା ଦେଶର ୫୦ ହଜାର କର୍ମଚାରୀ ଏବଂ ୬ ହଜାର କ୍ଷୁଦ୍ର ଏବଂ ମଧ୍ୟମ ବର୍ଗ ଭେଣ୍ଡର କ୍ଷତିଗ୍ରସ୍ତ ହେବା ଆଶଙ୍କା ଉପୁଜିଛି। ଶୁଣାଣି ପରେ ରିଲାଏନ୍ସର ଷ୍ଟକ୍‌ କାରବାର ପ୍ରାୟ ୨% ଖସିଛି। ସେହିଭଳି ଫ୍ୟୁଚର ଗ୍ରୁପ୍‌ର ଶେୟାର କାରବାର ପ୍ରଭାବିତ ହୋଇଥିବା ଜଣାପଡିଛି। ମୁକେଶ ଅମ୍ବାନୀଙ୍କ ନେତୃତ୍ୱାଧୀନ ଜିଓ ମାର୍ଟ ବର୍ତ୍ତମାନ ଘରୋଇ ବଜାରରେ ପ୍ରବେଶ କରିସାରିଛି। ଏହା ଜେଫ୍‌ ବେଜୋସଙ୍କ ଆମାଜନକୁ କଡା ଟକ୍କର ଦେବ ବୋଲି ବଜାର ବିଶେଷଜ୍ଞ କୁହନ୍ତି। ଏହି ୨ ବ୍ୟକ୍ତିବିଶେଷ ଭାରତରେ ଇ-କମର୍ସ କାରବାରରେ ପତିଆରା ଜମାଇବା ଲାଗି ଲାଗି ପଡିଥିବା ବେଳେ ଏହି ସମୟରେ ଏଭଳି ଏକ ନିଷ୍ପତ୍ତି ଆସିଛି।


Enter your email to get our daily news in your inbox.

All Right Reserved By Dharitri.Com

ରେଲୱେ ପାଇଁ ୧.୧୦ ଲକ୍ଷ କୋଟି: ୨୭ ସହରରେ ମେଟ୍ରୋ ସେବା

ନୂଆଦିଲ୍ଲୀ, ୧।୨: ଚଳିତ ବଜେଟରେ ରେଲଓ୍ବେ ପାଇଁ ୧.୧୦ ଲକ୍ଷ କୋଟି ଟଙ୍କା ଘୋଷଣା କରାଯାଇଛି। ୨୦୩୦କୁ ଦୃଷ୍ଟିରେ ରଖି ସରକାର ରେଲଓ୍ବେ ପାଇଁ ନୂଆ...

ଜନ୍‌ସନ୍‌ ଆଣ୍ଡ ଜନ୍‌ସନ୍‌ ଉପରେ ୨୩୦ କୋଟି ଟଙ୍କାର ଜରିମାନା

ନୂଆଦିଲ୍ଲୀ,୨୬।୧୨: ଜନ୍‌ସନ ଆଣ୍ଡ ଜନ୍‌ସନ୍‌ କମ୍ପାନୀ ଉପରେ ନ୍ୟାଶନାଲ ଆଣ୍ଟି ପ୍ରଫିଟିୟରିଂ ଅଥରିଟି (ଏନ୍‌ଏଏ) ୨୩୦.୪୧ କୋଟି ଟଙ୍କାର ଜରିମାନା ଦେବାକୁ ନିର୍ଦ୍ଦେଶ ଦେଇଛନ୍ତି। ଜିଏସ୍‌ଟି...

ସରକାରୀ କର୍ମଚାରୀଙ୍କୁ ଜିପିଏଫ୍‌ ଝଟକା

ନୂଆଦିଲ୍ଲୀ,୧୭।୭: ମୋଦି ସରକାର ସରକାରୀ କର୍ମଚାରୀଙ୍କୁ ଝଟକା ଦେଇ ଜେନେରାଲ ପ୍ରୋଭିଡେଣ୍ଟ ଫଣ୍ଡ(ଜିପିଏଫ୍‌) ଓ ଏଥିସହିତ ଜଡ଼ିତ ଅନ୍ୟ ଫଣ୍ଡ ଉପରେ ମିଳୁଥିବା ସୁଧ ହାରରେ...

କୋଭିଡ-୧୯ ଲାଗି ସହାୟତା

ନୂଆଦିଲ୍ଲୀ, ୬।୪: କୋଭିଡ୍‌-୧୯ ବିରୋଧି ଲଢେଇରେ ଦେଶର ବିଭିନ୍ନ କର୍ପୋରେଟ ଯୋଗଦାନ ସ୍ବରୂପ ଆର୍ଥତ୍କ ସହାୟତା ଯୋଗାଣ ଧାରା ଜାରି ରଖିଛନ୍ତି। ଦେଶର ପ୍ରମୁଖ କର୍ପୋରେଟ...

ନିଶାନ ‘ଟେରାନୋ’ରେ ମିଳୁଛି ଆକର୍ଷଣୀୟ ରିହାତି

ଭୁବନେଶ୍ୱର,୧୯-୫:ନିଶାନ ମୋଟର କମ୍ପାନୀର ପ୍ରମୁଖ ଲୋକପ୍ରିୟ ମଡେଲ ଯାନ ଟେରାନୋ ଉପରେ କମ୍ପାନୀ ଆକର୍ଷଣୀୟ ରିହାତି ଘୋଷଣା କରିଛି। ଏହି ମଡେଲ ଉପରେ ଗ୍ରାହକ ୨.୩୬...

ବିକାଶ ପୂର୍ବାନୁମାନ ୧.୮%କୁ ଖସାଇଲା ଏସ୍‌ ଆଣ୍ଡ ପି

ନୂଆଦିଲ୍ଲୀ,୧୯।୪: କ୍ରେଡିଟ୍‌ ରେଟିଂ ଏଜେନ୍ସି ଏସ୍‌ ଆଣ୍ଡ ପି ଚଳିତ ଆର୍ଥତ୍କ ବର୍ଷ ଉପରେ ଭାରତର ବିକାଶ ହାର ପୂର୍ବାନୁମାନକୁ ୧.୮%କୁ ଖସାଇ ଦେଇଛି। କରୋନା...

ସାମାଜିକ କାର୍ଯ୍ୟରେ ଶାନ୍ତି ମିଳେ

୮୦ ଦଶକରେ ବର୍ତ୍ତମାନ ଭଳି ନିଯୁକ୍ତି ସୁଯୋଗ ନ ଥିଲା। ତେଣୁ ଉଚ୍ଚ ଶିକ୍ଷା ଶେଷ ପରେ ପାରିବାରିକ ବ୍ୟବସାୟରେ ମନୋନିବେଶ କରିବାକୁ ଜେଜେବାପା ପରାମର୍ଶ...

ଦିଓ୍ବାଲିରେ ହୋମ୍‌ ଟାଉନର ଆକର୍ଷଣୀୟ ଅଫର

ଭୁବନେଶ୍ୱର,୨୦-୧୦(ବ୍ୟୁରୋ): ଫ୍ୟୁଚର ଗ୍ରୁପର ହୋମ୍‌ ସେଗ୍‌ମେଣ୍ଟ ଲାଇଫ ଷ୍ଟାଇଲ ଷ୍ଟୋର ‘ହୋମ୍‌ ଟାଉନ’ ପକ୍ଷରୁ ଦିଓ୍ବାଲି ପାଇଁ ଆକର୍ଷଣୀୟ ଅଫର ଘୋଷଣା କରାଯାଇଛି। ସ୍ଥାନୀୟ ସତ୍ୟନଗର...

Advertisement
Archives

Model This Week