ୱାଶିଂଟନ,୨୩ ।୩: ବେବି ପାଉଡରରୁ କ୍ୟାନସର ହେବା ଘଟଣାକୁ ନେଇ ୩୮ ହଜାର ମାମଲା ଓ ହଜାର କୋଟି ଡଲାରର ଜରିମାନା ରାଶିକୁ ନେଇ ଅଡୁଆରେ ପଡିଯାଇଥିବା ଆମେରିକାର ଫାର୍ମା କମ୍ପାନୀ ଜନସନ ଆଣ୍ଡ ଜନସନ ଏଥିରୁ ଆଶ୍ୱସ୍ତି ପାଇବାକୁ ଏବେ ସୁପ୍ରିମକୋର୍ଟ ଯାଇପାରେ । ଏହାର ସହଯୋଗୀ ଏଲଟିଏଲ ମ୍ୟାନେଜମେଣ୍ଟକୁ ଦେବାଳିଆ ଘୋଷଣା କରିବାକୁ ସେ ସୁପ୍ରିମକୋର୍ଟଙ୍କୁ ବିଚାର କରିବାକୁ କହିବ । କମ୍ପାନୀର ଏମିତି ଏକ ପ୍ରସ୍ତାବକୁ ଆମେରିକାର ଅପିଲିୟ କୋର୍ଟ ଜାନୁୟାରୀରେ ଖାରଜ କରିଦେଇନ୍ତି । ଏହା ଉପରେ ପୁଣିଥରେ ବିଚାରର ଅପିଲକୁ ବୁଧବାରକୁ ଏକମତରେ ଖାରଜ କରି ଦିଆଯାଇଛି । ଅପିଲ ଖାରଜ କରିଥିବା ଫିଲାଡେଲଫିଆର କୋର୍ଟ କହିଛନ୍ତି, ଏଳଟିଏଲ ମ୍ୟାନେଜମେଣ୍ଟନା ଆର୍ଥିକ ଭାବେ ସଙ୍କଟରେ ରହିଛି ନା କମ୍ପାନୀକୁ ଦେବାଳିଆ ଘୋଷଣା କରିବା ଆଇନ ଦୃଷ୍ଟିରୁ ଠିକ ।
ସୂଚନାଯୋଗ୍ୟ, ଜନସନ ବେବି ପାଉଡର ବ୍ୟବହାର ଯୋଗୁ କ୍ୟାନସର ହେଉଥିବା ଦାବି କରି ଆମେରିକାବାସୀ କୋର୍ଟରେ ଏହାର କ୍ଷତିପୂରଣ ଦାବି କରିଥିଲେ । ଏହାର ରାୟରେ କମ୍ପାନୀ ଉପରେ ହଜାର କୋଟିର ଜରିମାନା ଲାଗୁ କରାଯାଇଛି । ଏବେ ଜନସନ ଆଣ୍ଡ ଜନସନ ଚେଷ୍ଟା କରୁଛି ଯେ ତା’ ଉପରେ ଆସିଥିବା ୩୮ ହଜାର ମାମଲାକୁ କେମିତି ଅଟକାଇ ହେବ ।
