ଆମ ପାଇଁ ସବୁଦିନ ଭାଲେଣ୍ଟାଇନ୍ସ ଡେ’: ଜ୍ୟାଙ୍କଲିନ୍‌-ଅରବିନ୍ଦ

ଓଡ଼ିଆ ଟେଲି ଇଣ୍ଡଷ୍ଟ୍ରୀର ଏମାନେ ଏକ ଚର୍ଚ୍ଚିତ ଯୋଡ଼ି । ଖୋଲାଖୋଲି ଭାବେ ଭଲ ପାଇଥିଲେ । ବିବାହ ବି କଲେ। ଏବେ ଏକ ସୁନ୍ଦର ଭବିଷ୍ୟତ ଗଢ଼ିବାର ସ୍ବପ୍ନ ନେଇ ଆଗେଇ ଚାଲିଛନ୍ତି । ସେ ହେଉଛନ୍ତି ଅରବିନ୍ଦ- ଜ୍ୟାଙ୍କଲିନ୍‌, ଯାହାଙ୍କୁ ସମସ୍ତେ ଜାଣନ୍ତି ଅରଜାନ୍‌ ଭାବେ । ପ୍ରେମ ଦିବସରେ ଚାଲନ୍ତୁ ଜାଣିବା ତାଙ୍କ ଲଭ୍‌ଷ୍ଟୋରି…

ପ୍ରେମର ଆରମ୍ଭ କେମିତି ହେଇଥିଲା?
ଜ୍ୟାଙ୍କଲିନ୍‌: ଶୁଟିଂସେଟ୍‌ରେ ଅରବିନ୍ଦଙ୍କ ସହ ପ୍ରଥମ ଦେଖା। ଆଉ ପ୍ରଥମ ଦେଖାରୁ ହଁି ସେ ମତେ ଭଲ ଲାଗିଥିଲେ। କହିବାକୁ ଗଲେ ଲଭ୍‌ ଆଟ୍‌ ଫଷ୍ଟ ସାଇଟ୍‌ ଥିଲା ମୋ ପାଇଁ।

ଅରବିନ୍ଦ: ସେତେବେଳେ ମୁଁ ମୋର ପ୍ରଥମ ରିଲେଶନଶିପ୍‌ର ବ୍ରେକ୍‌ଅପ୍‌ ଡିପ୍ରେସନ୍‌ରୁ ବହୁ କଷ୍ଟରେ ବାହାରିଥାଏ। ସେଥିଲାଗି ପ୍ରେମ ଉପରୁ ବିଶ୍ୱାସ ଉଠିଯାଇଥିଲା। ଆଉ କ୍ୟାରିୟର୍‌ ଉପରେ ଗୁରୁତ୍ୱ ଦେଉଥିଲି। ଏମିତିରେ ଜ୍ୟାଙ୍କଲିନ୍‌ଙ୍କର ମୋ ପ୍ରତି ଦୁର୍ବଳତା ଥିବା ଦେଖି କ୍ଲିୟର୍‌ କରିଦେଇଥିଲି ମୁଁ ଏସବୁରେ ପଡ଼ିବାକୁ ଚାହେଁନି ବୋଲି। ହେଲେ ପରେ ଶୁଟିଂସେଟ୍‌ରେ ଜ୍ୟାଙ୍କଲିନ୍‌ଙ୍କର ଅନେକ ଭଲ ଗୁଣ ମୋତେ ଆଟ୍ରାକ୍ଟ କରିଥିଲା। ଆଉ କେବେ ପ୍ରେମ ହୋଇଗଲା ଜଣାପଡିଲାନି।

କେମିତି ଏତେ ଓପନ ଥିଲା ଆପଣଙ୍କ ପ୍ରେମ କାହାଣୀ?
ଜ୍ୟାଙ୍କଲିନ୍‌: ବିବାହର ୨ ବର୍ଷ ପୂର୍ବରୁ ଯେବେ ଦୁହେଁ ନିଶ୍ଚିତ ହେଲୁ ଯେ, ଆମେ ଜୀବନସାଥୀ ହେବୁ ତା’ପରଠାରୁ ସୋସିଆଲ ମିଡିଆରେ ଖୋଲାଖୋଲି ଭାବେ ରିଲେଶନ୍‌ଶିପ୍‌ରେ ଥିବା ଜଣାଇଥିଲୁ। ଆମ ଘରେ ଖାଲି ବାପା ଏତେଟା ରାଜି ନ ଥିଲେ। କିନ୍ତୁ ମୁଁ ଭଲ ପାଇଛି ମାନେ ପଛକୁ ଫେରିବାର ପ୍ରଶ୍ନ ଉଠୁ ନ ଥିଲା।
ଅରବିନ୍ଦ: ଆମ ପରିବାର ତରଫରୁ କିଛି ସମସ୍ୟା ନ ଥିଲା। ତା’ଛଡା ଜୀବନସାଥୀ ହେବାକୁ ନିଷ୍ପତ୍ତି ନେଇଥିଲୁ। ତେଣୁ ଲୁଚାଇ ରଖିବାର କିଛି ନ ଥିଲା।

ପ୍ରଥମ ଉପହାର କ’ଣ ଥିଲା?
ଜ୍ୟାଙ୍କଲିନ୍‌ ହସି ହସି ଅରବିନ୍ଦଙ୍କୁ: କ’ଣ ଦେଇଥିଲ ତ?
ଅରବିନ୍ଦ: ଭୁଲି ଯାଇଛ, ଏତେ କଷ୍ଟ କରିଥିଲି! ବର୍ଥ ଡେ’ ପାଇଁ ଏକ ରୁମ୍‌ ବୁକ୍‌ କରି ଆମର ବିଭିନ୍ନ ଫଟୋକୁ ସୁନ୍ଦରଭାବେ ସଜାଇ ଏକ ବଡ଼ ପାଣ୍ଡା ସଫ୍ଟ ଟୟ ଦେଇଥିଲି। ଏକଥା କ’ଣ ମନେ ନାଇଁ? ଏହାଛଡ଼ା ମୁଁ ସବୁବେଳେ ପ୍ଲାନ କରେ କିଛି ଇନୋଭେଟିଭ୍‌ ଗିଫ୍ଟ ଦେବାକୁ। ଜ୍ୟାଙ୍କଲିନ୍‌ଙ୍କର ଅନ୍ୟ ଏକ ବର୍ଥଡେରେ ତ ମୁଁ ନଦୀ ବାଲି ଉପରେ ମୁରୁଜରେ ୨୦ ଫୁଟ୍‌ ଆକାରର ଲେଟର୍‌ରେ ହାପି ବର୍ଥଡେ ଲେଖିଥିଲି। ଖାଲି ମୁଁ ନୁହେଁ ଜ୍ୟାଙ୍କଲିନ୍‌ ବି ମତେ ଅନେକ ଗିଫ୍ଟ ଦେଇଛନ୍ତି। ହେଲେ ମତେ ଲାଗେ ଭଲ ପାଇବା ଉପରୁ ବିଶ୍ୱାସ ଉଠିଯାଇଥିବା ସମୟରେ ସେ ମତେ ଦେଇଥିବା ଭଲ ପାଇବା ଓ ଲୟାଲିଟି ହେଉଛି ମୋ ପାଇଁ ବଡ଼ ଉପହାର।

ପ୍ରଥମେ ଆଇ ଲଭ୍‌ ୟୁ କେବେ କହିଥିଲେ?
ଜ୍ୟାଙ୍କଲିନ୍‌-ଅରବିନ୍ଦ: ନା, କେବେ କହିନୁ। ଆମେ ଦୁହେଁ ଦୁହିଁଙ୍କ ହୃଦୟର କଥାକୁ ଅନୁଭବ କରିପାରିଥିଲୁ। ଆଇ ଲଭ୍‌ ୟୁ କହିବାର ଆବଶ୍ୟକତା ପଡିନି।
ଝଗଡ଼ା ହୁଏ?
ଅରବିନ୍ଦ: ଝଗଡ଼ା ନ ଥିଲେ ସେ କି ଭଲ ପାଇବା। ଜ୍ୟାଙ୍କଲିନ୍‌ ଜିଦିଆ, ମୁଁ ଟିକେ ରାଗି। ତେଣୁ ବେଳେ ବେଳେ ଝଗଡ଼ା ହୋଇଯାଏ। ଯଦି ମୋର ଭୁଲ୍‌ ଥାଇ ଝଗଡ଼ା ହୁଏ ମୁଁ ଘଣ୍ଟେ ଦୁଇ ଘଣ୍ଟା ଭିତରେ ଯାଇ ବୁଝାଇଦିଏ। ଆଉ ଜ୍ୟାଙ୍କଲିନ୍‌ଙ୍କର ଭୁଲ୍‌ ଥିଲେ ଦିନେ ଦୁଇ ଦିନ ପରେ ସେ ଆସି ମୋତେ ବୁଝାଇଥାନ୍ତି।

କେଉଁ ଗୁଣ ଭଲ ଲାଗେନି?
ଅରବିନ୍ଦ: ଜ୍ୟାଙ୍କଲିନ୍‌ ନିଜର କେୟାର ନିଅନ୍ତିନି। ଖାଇବା, ପାଣି ପିଇବାରେ ଅବହେଳା କରନ୍ତି। ସେଇଟା ମୋତେ ଭଲ ଲାଗେନି। ଏଥିପାଇଁ ଅନେକ ସମୟରେ ଝଗଡ଼ା ବି ହୁଏ।
ଜ୍ୟାଙ୍କଲିନ୍‌: ଅରବିନ୍ଦ ବହୁତ ଭୁଲ୍‌କଡ୍‌। ଅନେକ କଥା ଭୁଲି ଯାଆନ୍ତି, ଯୋଉଟା ମୋତେ ଭଲ ଲାଗେନି।

ଅନ୍‌ସ୍କ୍ରିନ୍‌ ରୋମାନ୍ସ ବେଳେ ଜେଲସି ହୁଏ?
ଅରବିନ୍ଦ: ନୂଆ ନୂଆ ଭଲ ପାଇବା ସମୟରେ ମୋତେ ଭାରି ଈର୍ଷା ହେଉଥିଲା। ମୋ ଗର୍ଲଫ୍ରେଣ୍ଡ ହୋଇ କେମିତି ଅନ୍ୟକୁ ହଗ୍‌ କରୁଛି ଭାବି ରାଗ ଲାଗୁଥିଲା। ହେଲେ ପରେ ବୁଝିପାରିଥିଲି। ଏମିତିକି ପରବର୍ତ୍ତୀ ସମୟରେ ରୋମାଣ୍ଟିକ୍‌ ସିନ୍‌ ପାଇଁ ତାଙ୍କୁ ଟିପ୍ସ ବି ଦେଇଛି।
ଜ୍ୟାଙ୍କଲିନ୍‌: ମୁଁ ବହୁତ ମାଚ୍ୟୋର୍‌। ଆମର କାମ କ’ଣ ମୁଁ ଭଲରେ ଜାଣିଛି।

ଭାଲେଣ୍ଟାଇନ୍ସ ଡେ’ କେମିତି ସେଲିବ୍ରେଟ୍‌ କରନ୍ତି?
ଅରବିନ୍ଦ-ଜ୍ୟାଙ୍କଲିନ୍‌: ଆଗରୁ ଆମ ପାଖରେ ଏତେ ସମୟ ରହୁ ନ ଥିଲା। ହେଲେ ଭାଲେଣ୍ଟାଇନ୍ସ ଡେ’ ଦିନ ଶୁଟିଂ ସେଟ୍‌ରେ ଆମେ ଆଗୁଆ କହି ଦେଉଥିଲୁ କିଛି ସମୟ ବାହାରକୁ ଯିବୁ ବୋଲି। ଆଉ ଆମେ ଆମର ପ୍ରିୟ ଜାଗା ଚନ୍ଦ୍ରଭାଗା ଯାଉଥିଲୁ। ସେଠି ଏକାଠି ସୂର୍ଯ୍ୟାସ୍ତ ଦେଖିବା ସହ କିଛି ନିରୋଳା ମୁହୂର୍ତ୍ତ ବିତାଉଥିଲୁ। ତେବେ ପ୍ରକୃତରେ କହିବାକୁ ଗଲେ ଆମ ପାଇଁ ସବୁଦିନ ଭାଲେଣ୍ଟାଇନ୍ସ ଡେ’। ତେଣୁ ସବୁଦିନକୁ ଖାସ୍‌ କରିବାକୁ ଚାହୁଁ।

କ୍ୟାରିୟର ବଦଳାଇବାର କାରଣ କ’ଣ?
ଅରବିନ୍ଦ: ଆମେ ଦୁହେଁ ଅଭିନୟ ଛାଡିନୁ କି ଛାଡି ପାରିବୁନି। ଖାଲି ଟିକେ ବିରତି ନେଇଛୁ। ଓଲିଉଡ ଇଣ୍ଡଷ୍ଟ୍ରୀରେ ଅଭିନୟକୁ ନେଇ ବଞ୍ଚତ୍ବା କଷ୍ଟକର। ତେଣୁ ଏକ ସୁନ୍ଦର ଭବିଷ୍ୟତ ଗଢିବା ତଥା ଆର୍ଥିକଭାବେ ସ୍ବଚ୍ଛଳ ହେବା ଲାଗି ଦିଲ୍ଲୀର ଗୁରୁଗ୍ରାମରେ ସଫ୍ଟଓ୍ବେର ଇଞ୍ଜିନିୟର ଭାବେ କାମ କରୁଛି। ଆର୍ଥିକସ୍ଥିତି ସୁଦୃଢ ହେଲେ ଚାକିରି ସହ ଅଭିନୟ କରିବୁ। ବଲିଉଡ୍‌ରେ ଟ୍ରାଏ କରିବାକୁ ବି ଯୋଜନା ଅଛି। କିଛି ଥିଏଟର୍‌ରେ ଯୋଗ ଦେବାକୁ କଥା ହେଇଛି।
ଜ୍ୟାଙ୍କଲିନ୍‌: ମୋର ଏବେ ପିଜି ସରିଲା। ଚାକିରି କରିବାକୁ ଯୋଜନା ରଖିଛି। ଏହାପରେ ଅଭିନୟ କରିବି। -ଶିବାନୀ ମହାନ୍ତି

 


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି

ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

IPL ନିଲାମୀ ପୂର୍ବରୁ ବଡ଼ ଟ୍ରେଡ୍‌: ବଦଳିବ ଶାମିଙ୍କ ଠିକଣା, ଲକ୍ଷ୍ନୌ ଛାଡ଼ି ଏହି ଦଳକୁ ଯିବେ!

ନୂଆଦିଲ୍ଲୀ,୧୬।୧୧: IPL ନିଲାମୀ ପୂର୍ବରୁ ଖେଳାଳିଙ୍କ ଅଦଳବଦଳ ପ୍ରକ୍ରିୟା ଜୋର୍‌ ଧରିବାରେ ଲାଗିଛି। ଏହି କ୍ରମରେ ଭାରତୀୟ ଦ୍ରୁତ ବୋଲର ମହମ୍ମଦ ଶାମିଙ୍କୁ ନେଇ ଏକ ବଡ଼…

ଥାନାରେ ପଶି ପୋଲିସ ଅଧିକାରୀଙ୍କୁ ହତ୍ୟା ଉଦ୍ୟମ: ଗିରଫ ହୋଇ ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୬।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ଥାନାରେ ପଶି ଏସ୍‌ଆଇ ରାଜ କିଶୋର ପାତ୍ର ଏବଂ ହୋମଗାର୍ଡ ଲକ୍ଷ୍ମୀକାନ୍ତ ମହାପାତ୍ରଙ୍କୁ ହତ୍ୟା ଉଦ୍ୟମ ଘଟଣାରେ ସମ୍ପୃକ୍ତ…

ସେହୱାଗଙ୍କ ପୁଅ ଆର୍ଯ୍ୟବୀରଙ୍କୁ ଲାଗିଲା ବଡ଼ ଝଟ୍‌କା: ଭଲ ପ୍ରଦର୍ଶନ ସତ୍ତ୍ୱେ ଖେଳିପାରିବେନି ଅଣ୍ଡର-୧୯ ବିଶ୍ୱକପ, ଜାଣନ୍ତୁ କାରଣ…

ନୂଆଦିଲ୍ଲୀ,୧୬।୧୧: ଭାରତର ପୂର୍ବତନ ବିସ୍ଫୋରକ ଓପନର ବ୍ୟାଟର ବୀରେନ୍ଦ୍ର ସେହୱାଗଙ୍କ ପୁଅ ଆର୍ଯ୍ୟବୀର ସେହୱାଗ ନିକଟରେ ଅଣ୍ଡର-୧୯ ଏସିଆ କପରେ ନିଜର ଦମଦାର ପ୍ରଦର୍ଶନ ବଳରେ ସମସ୍ତଙ୍କ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?