ଜମ୍ମୁ,୭।୫: ଜମ୍ମୁ-କଶ୍ମୀରର ପୁଲଓ୍ବାମାରେ ପୋଲିସକୁ ବଡ ସଫଳତା ମିଳିଛି। ଦକ୍ଷିଣ କଶ୍ମୀରର ଏକ ଜିଲାରେ ୫ କିଲୋଗ୍ରାମ ଇମ୍ପ୍ରୋଭାଇଜ୍ଡ ଏକ୍ସପ୍ଲୋସିଭ ଡିଭାଇସ(ଆଇଇଡି) ସହ ଜଣେ ଜଣେ ଆତଙ୍କବାଦୀଙ୍କ ସହଯୋଗୀଙ୍କୁ ପୋଲିସ ଗିରଫ କରିଛି। ଆଇଇଡି ଜବତ କରାଯିବ ପରେ ଏକ ବଡ ଆକ୍ରମଣ ଯୋଜନା ପଣ୍ଡ ହୋଇଥିବା ପୋଲିସ ଦାବି କରିଛି। ପୋଲିସ ଅଧିକରୀ କହିଛନ୍ତି, ଏହି ଓଜିଡବ୍ଲୁଙ୍କ ପରିଚୟ ଇସଫାକ ଅହମଦ ଓ୍ବାନି ଭାବେ କରାଯାଇଛି।
ରାଜ୍ୟ ପୋଲିସ ଏକ ତଲାସି ଅଭିଯାନ ସମୟରେ ଏହି ଓଜେଡବ୍ଲୁକୁ ପୁଲଓ୍ବାମାର ଅରିଗାନ ଅଞ୍ଚଳରୁ ଗିରଫ କରିଛି। ଧରାପଡିଥିବା ଉଗ୍ରବାଦୀ ସହଯୋଗୀଙ୍କ ଆଧାରରେ ୫-୬ କିଲୋଗ୍ରାମର ପୂର୍ବ ନିର୍ମିତ ଏକ ଆଇଇଡି ଜବତ କରାଯାଇଛି। ପୋଲିସ କହିଛି ଆଗାମୀ ଦିନରେ ଜି-୨୦ ବୈଠକ ପୂର୍ବରୁ ସୁରକ୍ଷାକର୍ମୀଙ୍କ ଗାଡି ଉପରେ ଆଇଇଡି ବ୍ୟବହାର କରିବାର ଯୋଜନା ଥିଲା, ଯାହାଦ୍ୱାରା ଏକ ବଡ ଦୁର୍ଘଟଣାକୁ ଏଡାଇ ଦେଇ ହୋଇଛି। ପୋଲିସ କହିଛି ଏହାକୁ ନେଇ ମାମଲା ଦାୟର କରାଯାଇଛି ଓ ଯାଞ୍ଚ ଆରମ୍ଭ କରାଯାଇଛି।
