ଟ୍ରେଣ୍ଟ ବ୍ରିଜ,୬।୮: ଟେଷ୍ଟ କ୍ରିକେଟ ଇତିହାସରେ ସର୍ବାଧିକ ଉଇକେଟ ନେଇଥିବା ବୋଲରଙ୍କ ତାଲିକାରେ ତୃତୀୟ ସ୍ଥାନ ଅଧିକାର କରିଛନ୍ତି ଇଂଲଣ୍ଡର ବରିଷ୍ଠ ପେସର ଜେମ୍ସ ଆଣ୍ଡରସନ। ଏଥିସହ କିମ୍ବଦନ୍ତୀ ଭାରତୀୟ ଲେଗ୍ ସ୍ପିନର ଅନୀଲ କମ୍ବେଲେଙ୍କୁ ସେ ପଛରେ ଛାଡ଼ି ଦେଇଛନ୍ତି। ଭାରତ ବିପକ୍ଷରେ ଏଠାରେ ଚାଲିଥିବା ପ୍ରଥମ ଟେଷ୍ଟରେ ଲୋକେଶ ରାହୁଲଙ୍କୁ ଆଉଟ୍ କରି ଏହି ବଡ଼ ସଫଳତା ହାସଲ କରିଛନ୍ତି ୩୯ ବର୍ଷୀୟ ପେସର। କୁମ୍ବଲେଙ୍କ ନାମରେ ୬୧୯ ଉଇକେଟ ଥିବା ବେଳେ ଆଣ୍ଡରସନ ୬୨୦ତମ ଶିକାର ପାଲଟିଥିଲେ ରାହୁଲ।
ଟେଷ୍ଟ କ୍ରିକେଟରେ ସର୍ବାଧିକ ଉଇକେଟ ନେବାର ରେକର୍ଡ ଏବେ ମଧ୍ୟ ରହିଛି ଶ୍ରୀଲଙ୍କାର କିମ୍ବଦନ୍ତୀ ଅଫ୍ ସ୍ପିନର ମୁଥିଆ ମୁରଲଧରଣଙ୍କ ନାମରେ। ତାଙ୍କ ନାମରେ ରହିଛି ସର୍ବାଧିକ ୮୦୦ ଉଇକେଟ। ତାଙ୍କ ପଛକୁ ରହିଛନ୍ତି ଅଷ୍ଟ୍ରେଲିଆର ପୂର୍ବତନ ଲେଗ୍ ସ୍ପିନର ଶେନ ଓ୍ବର୍ନ (୭୦୮ ଉଇକେଟ)। ୬୨୦* ଉଇକେଟ ସହ ତାଲିକାର ୩ୟ ସ୍ଥାନରେ ରହିଛନ୍ତି ଆଣ୍ଡରସନ।
