ଜଗତ୍‌ସିଂହପୁର ପୌର ପରିଷଦ: ୨ନଂ. ୱାର୍ଡରେ ହେବ ଜୋରଦାର ଲଢ଼େଇ

ଜଗତ୍‌ସିଂହପୁର ଅଫିସ, ୧୪ା୩: ଜଗତ୍‌ସିଂହପୁର ପୌର ପରିଷଦ ୨ନଂ. ୱାର୍ଡ ଉପରେ ଲୋକଙ୍କ ନଜର। କାରଣ ଏହି ୱାର୍ଡଟି କଂଗ୍ରେସର ଦୁର୍ଗ ଥିଲା। ଜଗତ୍‌ସିଂହପୁର ଏନ୍‌ଏସିରୁ ପୌର ପରିଷଦ ହେବା ପର୍ଯ୍ୟନ୍ତ କେବଳ ଥରେ ଅଣ କଂଗ୍ରେସ ପ୍ରାର୍ଥୀ ଜିତିଥିଲେ। ଅବଶିଷ୍ଟ ୫ଟି ନିର୍ବାଚନରେ କଂଗ୍ରେସ ପ୍ରାର୍ଥୀମାନେ ଜିତି ପରିଷଦରେ ସ୍ବତନ୍ତ୍ର ସ୍ଥାନ ଦଖଲ କରିଥିଲେ। କିନ୍ତୁ ଏଥର ତ୍ରିମୁଖୀ ପ୍ରତିଦ୍ୱନ୍ଦ୍ୱିତା ହେବା ଆଭାସ ମିଳୁଛି।
୨ନଂ. ୱାର୍ଡ କହିଲେ, ମାର୍କଣ୍ଡପୁର ମୌଜାର ବୁଥ୍‌ ସଂଖ୍ୟା ୨ ଓ ୩କୁ ବୁଝାଏ। ଗତଥର କାଉନସିଲର ପଦବୀଟି ଅନୁସୂଚିତ ଜାତିଙ୍କ ପାଇଁ ସଂରକ୍ଷିତ ଥିଲା। ସେତେବେଳେ ୧,୩୮୨ଜଣ ଭୋଟରଙ୍କ ମଧ୍ୟରୁ ୧,୧୭୦ ଜଣ ମତଦାନ କରିଥିଲେ। ପ୍ରତିଦ୍ୱନ୍ଦ୍ୱିତାରେ କଂଗ୍ରେସ ପ୍ରାର୍ଥୀ ନିରଞ୍ଜନ ସେଠୀଙ୍କୁ ୬୧୩ ଖଣ୍ଡ, ବିଜେଡିର ପ୍ରଶାନ୍ତ କୁମାର ସେଠୀଙ୍କୁ ୫୪୦ ଓ ଭାଜପାର ଶରତ ଗୋଚ୍ଛାୟତଙ୍କୁ ମାତ୍ର ୧୭ ଖଣ୍ଡ ଭୋଟ ମିଳିଥିଲା। ଏଥିରେ ବିଜେଡି ପ୍ରାର୍ଥୀଙ୍କୁ ୭୩ ଖଣ୍ଡ ଭୋଟରେ ପଛରେ ପକାଇ କଂଗ୍ରେସ ପ୍ରାର୍ଥୀ ବିଜୟୀ ହୋଇଥିଲେ। ଏଥର ଆସନଟି ମହିଳାଙ୍କ ପାଇଁ ସଂରକ୍ଷିତ ଅଛି। ମୋଟ ଭୋଟର ଅଛନ୍ତି ୧,୪୩୦ ଜଣ। ଯେଉଁଥିରୁ ମହିଳା ୬୮୬ ଓ ପୁରୁଷ ଭୋଟର ୭୪୪ ରହିଛନ୍ତି। ପ୍ରାର୍ଥୀ ହୋଇଛନ୍ତି, କଂଗ୍ରେସରୁ ମିଲି ସେଠୀ, ବିଜେଡିର ସୁପ୍ରଭା ବେହେରା ଓ ଭାଜପାରୁ ମିନା ରାୟ। ବିଜେଡି ଓ କଂଗ୍ରେସ ପ୍ରାର୍ଥୀଙ୍କ ନିଜ ଗଁା ହୋଇଥିବାବେଳେ ଭାଜପା ପ୍ରାର୍ଥୀ ଜଗତ୍‌ସିଂହପୁର ମୌଜାର ବୋଲି ଜଣାପଡିଛି। ଏ ସମ୍ପର୍କରେ କଂଗ୍ରେସ ପ୍ରାର୍ଥୀ ମିଲି କହିଛନ୍ତି, ତାଙ୍କ ସ୍ବାମୀ ଗତଥର ଏହି ୱାର୍ଡରୁ ପାରିଷଦ ଭାବେ ନିର୍ବାଚିତ ହୋଇ ଅନେକ କାମ କରିଛନ୍ତି। ତଥାପି ଆହୁରି କିଛି ବାକି ରହିଯାଇଛି। ୱାର୍ଡରେ ଡ୍ରେନ୍‌ ସମସ୍ୟା ରହିଛି। ପ୍ରଧାନମନ୍ତ୍ରୀ ଆବାସ ଯୋଜନାରେ ଯୋଗ୍ୟ ହିତାଧିକାରୀ ଘର, ବିପଜ୍ଜନକ ଅବସ୍ଥାରେ ଥିବା ପୁରୁଣା ବିଦ୍ୟୁତ୍‌ ଖୁଣ୍ଟ ଓ ତାର ବଦଳା ଯିବ। ଅଟକିଥିବା ୩୨ଟି ପାଇଖାନା, ଆଉ ଏକ ଅଙ୍ଗନୱାଡି କେନ୍ଦ୍ର କରାଯିବ ବୋଲି ମିଲି କହିଛନ୍ତି। ବିଜେଡି ପ୍ରାର୍ଥୀ ସୁପ୍ରଭା ମଧ୍ୟ ଅନୁରୂପ ଦାବି ଦୋହରାଇଛନ୍ତି। ସେ କହିଛନ୍ତି ୱାର୍ଡର ମୁଖ୍ୟ ସମସ୍ୟା ଡ୍ରେନ୍‌। ଏହାର ସ୍ଥାୟୀ ପ୍ରତିକାର କରାଯିବ। ୱାର୍ଡର ସମସ୍ତ ଯୋଗ୍ୟ ହିତାଧିକାରୀଙ୍କୁ ଆବାସ ଯୋଜନାରେ ପକ୍କା ଘର ଯୋଗାଇ ଦିଆଯିବ। ବିଦ୍ୟୁତ୍‌ ସମସ୍ୟା ଦୂର ସହ ଆଲୋକୀକରଣ ଉପରେ ଗୁରୁତ୍ୱ ଦିଆଯିବ। ବଡ କଥା ହେଲା ୧୧ଟି ମହିଳା ସ୍ବୟଂ ସହାୟକ ଗୋଷ୍ଠୀ ଜରିଆରେ ଏଥିମଧ୍ୟରେ ଅନେକ କିଛି ଉନ୍ନୟନମୂଳକ କାମ କରାଯାଇଥିଲେ ସୁଦ୍ଧା ଆଗକୁ ଅଧିକ କାମ ହେବ। ବିଜେଡି ସପକ୍ଷରେ କଂଗ୍ରେସର ଜଣେ ପୂର୍ବତନ ପାରିଷଦ ଓ ଅସନ୍ତୁଷ୍ଟ ଯୋଡି ହୋଇଥିବାରୁ ତାଙ୍କ ସପକ୍ଷରେ ଜନମତ ବଢୁଛି। ଭାଜପା ପ୍ରାର୍ଥୀ ମିନା ମଧ୍ୟ ତାଙ୍କ ସପକ୍ଷରେ ଜନମତ ବଢିଥିବା ଯୁକ୍ତି ବାଢିଛନ୍ତି। ୨୦୧୩ରେ ସାଙ୍ଗଠନିକ କାର୍ଯ୍ୟ ଏତେ ନ ଥିଲା। କିନ୍ତୁ ଏହା ଭିତରେ ସଙ୍ଗଠନ ଶକ୍ତିଶାଳୀ ହୋଇଛି। ଯାହାର ପ୍ରତିଫଳନ ୨୦୧୯ ସାଧାରଣ ନିର୍ବାଚନରେ ଦେଖିବାକୁ ମିଳିଥିଲା। ଭାଜପା ବିଧାୟକ ପ୍ରାର୍ଥୀ ସତ୍ୟବ୍ରତ ମହାପାତ୍ରଙ୍କ ସପକ୍ଷରେ ୱାର୍ଡର ପାଖାପାଖି ୩୭୦ ଜଣ ଭୋଟର ମତଦାନ କରିଥିଲେ। ତେଣୁ ଏହାଠାରୁ ଅଧିକ ଭୋଟ ତାଙ୍କ ସପକ୍ଷରେ ଯିବ ବୋଲି ସେ ଆଶାବ୍ୟକ୍ତ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ସରକାରଙ୍କୁ ଘେରିବାକୁ ବିରୋଧୀ ପ୍ରସ୍ତୁତ

ଭୁବନେଶ୍ୱର,୨୫।୬(ବ୍ୟୁରୋ): ଷୋଡ଼ଶ ବିଧାନସଭାର ପ୍ରଥମ ଅଧିବେଶନ ମଙ୍ଗଳବାର ଠାରୁ ଆରମ୍ଭ ହେଉଛି। ଉଭୟ ବିରୋଧୀ ଓ ଶାସକ ପରସ୍ପରକୁ ଘେରିବାକୁ ରଣନୀତି ପ୍ରସ୍ତୁତ କରିଛନ୍ତି। ଏଥର...

ନାଳକୁ ଖସିଲା କାର: ଅଳ୍ପକେ ବର୍ତ୍ତିଲେ ଚାଳକ

ପାଟଣା,୧୪।୧(ସ୍ବ.ପ୍ର.): କେନ୍ଦୁଝର ଜିଲା ପାଟଣା ମୁଖ୍ୟାଳୟ ଦେଇ ଯାଇଥିବା ୨୨୦ ନମ୍ବର ରାଞ୍ଚି ବିଜୟୱାଡା ଜାତୀୟ ରାଜପଥର ସ୍ବାମ ନାଳର ବାଇପାସ ନିକଟରେ ଏକ ଦୁର୍ଘଟଣା...

ସ୍ନେହାଙ୍ଗୀନି ଛୁରିଆ ବିଜେଡି ମହିଳା ସଭାନେତ୍ରୀ

ଭୁବନେଶ୍ୱର,୩୧ା୧୨(ବ୍ୟୁରୋ)- ବିଜୁ ଜନତା ଦଳର ମହିଳା ସଭାନେତ୍ରୀ ଭାବେ ପୂର୍ବତନ ମନ୍ତ୍ରୀ ସ୍ନେହାଙ୍ଗୀନି ଛୁରିଆଙ୍କୁ ନିଯୁକ୍ତି ଦିଆଯାଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅନୁମୋଦନ କ୍ରମେ ଏହି...

ବାର୍‌ହା ଫାସରେ ଗଲା ମହିଳାଙ୍କ ଜୀବନ

ବୁଗୁଡ଼ା,୨୭ା୧୨(ଡି.ଏନ୍‌.ଏ.): ଗଞ୍ଜାମ ଜିଲା ବୁଗୁଡ଼ା ଥାନା ବାଲିପଦର ଫାଣ୍ଡି ଅଧୀନ ଗୌଡିଆ ବରୋଦା ପଞ୍ଚାୟତର ଗାନ୍ଧୀ ଗ୍ରାମରେ ବାର୍‌ହା ଶିକାର ପାଇଁ ବିଛା ଯାଇଥିବା ବିଦ୍ୟୁତ୍‌...

ବିଶ୍ୱ କାମଳ ରୋଗ ଦିବସ: ଗଞ୍ଜାମରେ ସଚେତନତା ଶୋଭାଯାତ୍ରା

ବ୍ରହ୍ମପୁର ଅଫିସ୍‌,୨୮।୭: ଗଞ୍ଜାମ ଜିଲାରେ କାମଳ ରୋଗୀଙ୍କ ସଂଖ୍ୟା ବଢ଼ିବାରେ ଲାଗିଛି। ଏ ସଂପର୍କରେ ବ୍ୟାପକ ସଚେତନତା ସୃଷ୍ଟି ଲକ୍ଷ୍ୟରେ ରବିବାର ବିଶ୍ୱ କାମଳ ରୋଗ...

ଭଦ୍ରକରେ ପହଞ୍ଚିଲା ତୃତୀୟ ଶ୍ରମିକ ସ୍ବତନ୍ତ୍ର ଟ୍ରେନ୍‌

ଭଦ୍ରକ ଅଫିସ,୧୩ା୫: ଭଦ୍ରକ ଷ୍ଟେଶନରେ ବୁଧବାର ତୃତୀୟ ସ୍ବତନ୍ତ୍ର ଶ୍ରମିକ ଟ୍ରେନ୍‌ ପହଞ୍ଚିଛି। ଏଥିରେ ସମୁଦାୟ ବିଭିନ୍ନ ଜିଲାର ୧୮୪ ଜଣ ଓହ୍ଲାଇଛନ୍ତି। ଭଦ୍ରକର ୫୧,...

ଗାଈ ଚରାଉଛନ୍ତି ଜାତୀୟସ୍ତରର କବାଡ଼ି ଖେଳାଳି

ଜୟପୁର,୨୩ା୨(ନି.ପ୍ର.) ନୁଆଁଣିଆ ଟିଣ ଛପର ଘର ଖଣ୍ଡେ। ଆଉ ଏହାରି ମଧ୍ୟରେ ମା’-ବାପାଙ୍କ ସହ ନିଜ ଭାଗ୍ୟକୁ ଆଦରି ପଡ଼ିରହିଛନ୍ତି ଜଣେ ଯୁବକ। କେତେବେଳେ ଘର...

ଡିଭିଜନାଲ ଶ୍ରମ କମିଶନରଙ୍କ କାର୍ଯ୍ୟାଳୟ ଆଗରେ ଧାରଣା

ଯାଜପୁର ରୋଡ୍‌,୨୨।୧୧(ନି.ପ୍ର.): ଯାଜପୁର ଜିଲା ଅଣସଂଘଟଠିତ ଶ୍ରମିକ ସଂଗଠନ ସମନ୍ବୟ କମିଟି ପକ୍ଷରୁ ଶୁକ୍ରବାର ୧୩ଦଫା ଦାବିରେ ସ୍ଥାନୀୟ ଡିଭିଜନାଲ ଶ୍ରମ କମିଶନରଙ୍କ କାର୍ଯ୍ୟାଳୟ ସମ୍ମୁଖରେ...

Advertisement
Archives

Model This Week