ପୁରୁଷୋତ୍ତମପୁର,୯ା୨(ସୀମାଞ୍ଚଳ ମିଶ୍ର): ପୁରୁଷୋତ୍ତମପୁର ରଥସାହି ଜଗନ୍ନାଥ ମନ୍ଦିର ପରିଚାଳନା ଟ୍ରଷ୍ଟି ଭାବେ ନାରାୟଣ ମହାପାତ୍ର ନିଯୁକ୍ତ ହୋଇଛନ୍ତି। ବ୍ରହ୍ମପୁର ଦେବୋତ୍ତର ବିଭାଗର ଅତିରିକ୍ତ ସହକାରୀ କମିଶନର ତାଙ୍କୁ ନିଯୁକ୍ତ କରିବା ସହ ମନ୍ଦିରର ସମସ୍ତ ଦାୟିତ୍ୱ ହସ୍ତାନ୍ତର କରିବା ଲାଗି ପୂର୍ବତନ ଟ୍ରଷ୍ଟିଙ୍କୁ ଚିଠିରେ ନିର୍ଦ୍ଦେଶ ଦେଇଛନ୍ତି।
ସୂଚନାଯୋଗ୍ୟ, ମନ୍ଦିର ପରିଚାଳନା ଲାଗି ଗତ ଡିସେମ୍ବର ୧୫ ତାରିଖରେ ନିର୍ଦ୍ଦେଶନାମା ଚିଠି ନଂ ୧୭୧୯(୧୧) ପ୍ରକାରେ ୧୧ ଜଣିଆ କମିଟିକୁ ନିଯୁକ୍ତି ଦେଇଥିଲେ। ଏଥିରେ ପୁରୁଷୋତ୍ତମପୁର ତହସିଲଦାର, ଏସଡିପିଓ, ଆଇଆଇସିଙ୍କ ସମେତ ଶିକ୍ଷାବିତ୍ ସୁବାଷ ଚନ୍ଦ୍ର ପାଢୀ, ପ୍ରଦ୍ୟୁମ୍ନ ମହାପାତ୍ର, ଆଇନଜୀବୀ ମନୋଜ କୁମାର ମହାପାତ୍ର, ଗଣମାଧ୍ୟମ ପ୍ରତିନିଧି ସୁରେନ୍ଦ୍ର ମହାନ୍ତି, ପ୍ରତାପ ଚନ୍ଦ୍ର ପଣ୍ଡା, ସମାଜସେବୀ ନାରାୟଣ ମହାପାତ୍ର, ନିରଞ୍ଜନ ମହାପାତ୍ର, ପରିବା ବ୍ୟବସାୟୀ ସଂଘ ସଭାପତି କିଶୋର ଚନ୍ଦ୍ର ଦାଶଙ୍କୁ ନିଯୁକ୍ତି ଦେଇ ସେଥିମଧ୍ୟରୁ ପରିଚାଳନା ଟ୍ରଷ୍ଟି ନିର୍ବାଚନ କରିବା ଲାଗି ନିର୍ଦ୍ଦେଶ ଦେଇଥିଲେ। ଏହାକୁ ନେଇ ଗତ ଜାନୁଆରୀ ୨୪ରେ ହୋଇଥିବା ନିର୍ବାଚନରେ ନାରାୟଣ ମହାପାତ୍ର ନିର୍ଦ୍ୱନ୍ଦ୍ୱରେ ନିର୍ବାଚିତ ହୋଇଥିଲେ।
