ଭୁବନେଶ୍ୱର,୧୮।୭: ଦେଶର ସମସ୍ତ କରଦାତାଙ୍କ ପାଇଁ ରିଟର୍ନ ଦାଖଲ କରିବା ପ୍ରକ୍ରିୟାକୁ ଆହୁରି ସରଳ କରିଛି ଆୟକର ବିଭାଗ। ବର୍ତ୍ତମାନ କରଦାତା ନିକଟରେ ଥିବା ଡାକଘରେ ସେମାନଙ୍କର ଆୟକର ରିଟର୍ନ (ଆଇଟିଆର୍) ଦାଖଲ କରିପାରିବେ ବୋଲି କୁହାଯାଇଛି। ଏହା ପୂର୍ବରୁ ୧୪ ଜୁଲାଇରେ ଇଣ୍ଡିଆ ପୋଷ୍ଟ ପକ୍ଷରୁ ଟୁଇଟ୍ କରି ଏନେଇ ମଧ୍ୟ ସୂଚନା ଦିଆଯାଇଥିଲା। ଦେଶବ୍ୟାପୀ ଥିବା ଡାକଘରର ସିଏସ୍ସି କାଉଣ୍ଟରରେ ଲୋମାନଙ୍କୁ ଡାକ, ବ୍ୟାଙ୍କିଙ୍ଗ୍ ଏବଂ ବୀମା ଭଳି ସେବା ମିଳିପାରୁଛି। ଏହା ସହ ସରକାର ଡିଜିଟାଲ ଇଣ୍ଡିଆ କାର୍ଯ୍ୟକ୍ରମ ମାଧ୍ୟମରେ ଲୋକମାନଙ୍କୁ ଅନ୍ୟ ଇଲେକ୍ଟ୍ରୋନିକ୍ସ ସେବା ମଧ୍ୟ ପ୍ରଦାନ କରୁଛନ୍ତି। କରଦାତା ନୂଆ ଆୟକର ଓ୍ବେବ୍ସାଇଟ୍ ବ୍ୟତୀତ ଡାକଘର ସିଏସ୍ସିର ବ୍ୟବହାର କରିପାରିବେ ବୋଲି ବିଭାଗ କହିଛି। କିଛି ଟ୍ୟାକ୍ସ ପେୟର ଇଣ୍ଟରନେଟ୍ ବ୍ୟବହାର କରିବାକୁ ଇଚ୍ଛା ପ୍ରକାଶ କରୁ ନ ଥିବାରୁ ସେମାନଙ୍କ ପାଇଁ ପୋଷ୍ଟ ଅଫିସ୍ ସିଏସ୍ସି ସେବା ବେଶ୍ ସହାୟକ ହେବ। ଏହା ପୂର୍ବରୁ ୭ ଜୁନ୍ରେ ନୂଆ ଆୟକର ପୋର୍ଟାଲ ମଧ୍ୟ ଲଞ୍ଚ ହୋଇଛି।
