ନୂଆଦିଲ୍ଲୀ,୨୨।୪: ଭାରତୀୟ ମହାକାଶ ଅନୁସନ୍ଧାନ ସଙ୍ଗଠନ(ଇସ୍ରୋ) ଶନିବାର ଅର୍ଥାତ୍ ୨୨ ଏପ୍ରିଲରେ ତା’ର ଏକ ବଡ ମିଶନରେ ପୋଲାର ସାଟେଲାଇଟ ଲଞ୍ଚ ଭେଇକଲ(ପିଏସଏଲଭି)ଲଞ୍ଚ କରିଛି। ଏହି ରକେଟ ସିଙ୍ଗାପୁରର ଦୁଇଟି ବଡ ସାଟେଲାଇଟ ଓ ଏକ ଇନ-ହାଉସ ପ୍ଲାଟଫର୍ମ ସହ ଉତକ୍ଷେପଣ କରାଯାଇଛି।
ସୂଚନାଯୋଗ୍ୟ, ଆନ୍ଧ୍ରପ୍ରଦେଶର ଶ୍ରୀହରିକୋଟା ସ୍ଥିତି ସତୀଶ ଧଓ୍ବନ ସ୍ପେସ ସେଣ୍ଟରରୁ ପିଏସଏଲଭି-ସି୫୫ ମିଶନ ଅପରାହ୍ନ ୨ଟା ୧୯ରେ ଆରମ୍ଭ କରାଯାଇଥିଲା। ଏହା ହେଉଛି ପିଏସଏଲଭିର ୫୭ ତମ ଉତକ୍ଷେପଣ ଓ ପିଏସଏଲଭି କୋର ଆଲୋନ କନଫିଗରେଶନର ବ୍ୟବହାର କରୁଥିବା ୧୬ତମ ମିଶନ। ଏହି ମିଶନକୁ ଟିଏଲଇଓଏସ-୨ ନାମ ଦିଆଯାଇଛି।
ଇସ୍ରୋ ସିଙ୍ଗାପୁରର ଦୁଇଟି ଉପଗ୍ରହ ଉତକ୍ଷେପଣ କରିବା ସମ୍ପର୍କରେ ଟୁଇଟର ହ୍ୟାଣ୍ଡେଲରେ ସୂଚନା ଦେଇଛି। ଇସ୍ରୋ କହିଛି ଶନିବାର ଶ୍ରୀହରିକୋଟାରୁ ପିଏସଏଲଭି ରକେଟ ପିଏସଏଲଭି-ସି୫୫ ସିଙ୍ଗାପୁରକୁ ୭୪୧ କିଲୋ ଓଜନ ଉପଗ୍ରହ ଟିଇଏଲଇଓଏସ-୨ ଓ ୧୬ କିଲୋ ଓଜନ ବାଲା ଲୁମିଲାଇଟ-୪ ସାଟେଲାଇଟ ଅର୍ବିଟକୁ ପଠାଇବ।
