ବେଳେବେଳେ ଅନ୍ୟମନସ୍କତା ଯୋଗୁ ଗ୍ୟାସ୍ରେ ବସିଥିବା କ୍ଷୀର ଉତୁରିଯାଏ। ଏହି କ୍ଷୀର ଉତୁରିବାକୁ କିଏ ଶୁଭ ସୂଚନା ବୋଲି କହିଥାନ୍ତି ତ ଆଉ କିଏ ଏହାକୁ ଖରାପ ସଙ୍କେତ ବୋଲି ଭାବି ନେଇଥାନ୍ତି। ତେବେ ଅନେକ ସମୟରେ ଦେଖାଯାଏ, କେହି କେହି ନୂଆଘରକୁ ପ୍ରବେଶ କରିବା ପୂର୍ବରୁ ପ୍ରଥମେ କ୍ଷୀରକୁ ଗ୍ୟାସ୍ରେ ବସାଇ ଉତୁରାଇଥାନ୍ତି। ସେମାନଙ୍କ ଧାରଣା, ଏପରି କଲେ ଘରେ କୁଆଡ଼େ ସୁଖଶାନ୍ତି ବଜାୟ ରହିବା ସହ ସକାରାତ୍ମକ ଉର୍ଜ୍ଜା ଉତ୍ପନ୍ନ ହୋଇଥାଏ। ଜ୍ୟୋତିଷଶାସ୍ତ୍ରରେ ମଧ୍ୟ ସେୟା ହିଁ ଉଲ୍ଲେଖ ଅଛି। ଜ୍ୟୋତିଷଶାସ୍ତ୍ର ଅନୁଯାୟୀ, କ୍ଷୀର ସିଝୁଥିବା ସମୟରେ ଉତୁରିବା ଏକ ଭଲ ସଙ୍କେତ। କିନ୍ତୁ ଏହି କ୍ଷୀର ଉତୁରିକି ସିଝୁଥିବା ବାସନ ଚାରିପଟେ ହିଁ ଲାଗିଥିବ, ଗ୍ୟାସ୍ ଉପରେ ପଡି ନ ଥିବ। କାରଣ କ୍ଷୀର ସିଝୁଥିବା ବାସନ ଛଡ଼ା କ୍ଷୀର ଯଦି ଗ୍ୟାସ ଉପରେ କିମ୍ବା ବୋହିକି ତଳେ ପଡିଲା, ତା’ହେଲେ ତାହା ଶୁଭ ନୁହେଁ। ସେହିପରି କୁହାଯାଏ, ଥଣ୍ଡା କ୍ଷୀର ଗ୍ଲାସ୍ରୁ ଢାଳି ହୋଇଯିବା ଅବା ହାତରୁ ଖସି ତଳେ ପଡିଯିବା ଜମାରୁ ଶୁଭ ସୂଚନା ନୁହେଁ। ଏମିତି ଯଦି ହୋଇଥାଏ ତା’ହେଲେ ଆଗକୁ କିଛି ବିପଦ ଆସୁଛି ବୋଲି ସତର୍କ ହୋଇଯିବା ଉଚିତ୍।
