ରିଚାର୍ଜ ପିଟ୍‌ ପ୍ରକଳ୍ପରେ ଅନିୟମିତତା

ପଟ୍ଟାମୁଣ୍ଡାଇ,୧୯।୩ (ଡି.ଏନ.ଏ.): ଦିନକୁ ଦିନ କମିବାରେ ଲାଗିଛି ଭୂତଳ ଜଳସ୍ତର । ସେହି ଜଳକୁ ନିୟନ୍ତ୍ରଣ କରିବା ପାଇଁ ସରକାର ଜଳ ଅମଳ ପ୍ରକଳ୍ପ ଭଳି କାର୍ଯ୍ୟକ୍ରମକୁ ଗୁରୁତ୍ୱ ଦେଉଛନ୍ତି ା ସେଥିପାଇଁ ଭୂତଳ ଜଳକୁ କିପରି ସଂରକ୍ଷିତ ରଖାଯିବ ସେନେଇ ବିଭିନ୍ନ ପ୍ରକଳ୍ପ କାମ କରୁଛି । କେନ୍ଦ୍ର ସରକାରଙ୍କ ସ୍ବଚ୍ଛ ଭାରତ ଯୋଜନା ଅଧୀନରେ ସଚଳ ନଳକୂପ ପାଖରେ ତିଆରି ହୋଇଛି ଲିଚ୍‌ ପିଟ୍‌ (ରିଚାର୍ଜ ପିଟ୍‌ )ପ୍ରକଳ୍ପ। ନଳକୂପର ଅନାବଶ୍ୟକ ଜଳ ଲିଚ୍‌ ପିଟ୍‌ ଦେଇ ଭୂତଳକୁ ଯିବ ା ଏହାଦ୍ୱାରା ମାଟିତଳ ଜଳସ୍ତର ହ୍ରାସ ନିୟନ୍ତ୍ରଣ କରିବାରେ ସହାୟକ ହେବ ା ଏନେଇ କେନ୍ଦ୍ରାପଡ଼ା ଜିଲା ପଟ୍ଟାମୁଣ୍ଡାଇ ବ୍ଲକର ୩୦ ପଞ୍ଚାୟତରେ ସମସ୍ତ ନଳକୂପ ପାଖରେ ତିଆରି କରାଯାଇଛି ଲିଚ୍‌ ପିଟ୍‌ ା ମାତ୍ର ଗ୍ରାଉଣ୍ଡ ଜିରୋରେ ସ୍ଥିତି ପରଖିବା ବେଳେ ଦେଖିବାକୁ ମିଳିଛି ସବୁଗୁଡିକ ଅଧପନ୍ତରିଆ ଅବସ୍ଥାରେ ରହିଛି ା ଏଣେ ନିମ୍ନମାନର କାମ ହୋଇଥିବା ବେଳେ ଭଙ୍ଗା ନଳକୂପ ପାଖରେ ମଧ୍ୟ ଲିଚ୍‌ପିଟ୍‌ ହୋଇଛି । ପ୍ରତି ପ୍ରକଳ୍ପ ବାବଦରେ ୧୪ ହଜାର ଟଙ୍କା ବ୍ୟୟ କରାଯାଇ ବିଲ୍‌ ହୋଇଛି । ଏନେଇ ପିଡି ରାଜେନ୍ଦ୍ର ପଣ୍ଡାଙ୍କୁ ଯୋଗାଯୋଗ କରିବାରୁ ସ୍ଥାନୀୟ ବିଡିଓଙ୍କ ସହିତ ଯୋଗାଯୋଗ କରନ୍ତୁ ବୋଲି ସେ କହିଛନ୍ତି ା ପଟ୍ଟାମୁଣ୍ଡାଇ ବ୍ଲକର ୩୦ ପଞ୍ଚାୟତରେ ଦେଖିବାକୁ ମିଳିବ ଲିଚ୍‌ପିଟ୍‌ କାମରେ କେମିତି ଦୁର୍ନୀତି ହୋଇଛି । ନଳକୂପଗୁଡିକ ସମ୍ମୁଖରେ ତିଆରି ହୋଇଥିବା ଭୂତଳ ଜଳ ଅମଳ ପ୍ରକଳ୍ପର ହାଲ୍‌ ବେହାଲ୍‌ ହୋଇଯାଇଛି । ବ୍ଲକ ପ୍ରଶାସନ ପକ୍ଷରୁ ହୋଇଥିବା ଏହି ପ୍ରକଳ୍ପଗୁଡିକ ହେବାର ବର୍ଷେ ବି ହୋଇନି, ହେଲେ କେଉଁଠି ଫାଟିଗଲାଣି କେଉଁଠି ଲୁହାରଡ୍‌ ବାହାରିଗଲାଣି । କେଉଁଠି ଢାଙ୍କୁଣି ଦିଆଯାଇନି ଆଉ କେଉଁଠି ପ୍ଲାଷ୍ଟର କରାଯାଇନି।
ପଟ୍ଟାମୁଣ୍ଡାଇ ବ୍ଲକରେ ପ୍ରାୟ ୪୦୦ ପ୍ରକଳ୍ପ କରାଯାଇଥିବା ସରକାରୀ ତଥ୍ୟ କହୁଛି। ହିସାବ କଲେ ପାଖାପାଖି ୫୬ ଲକ୍ଷ ଟଙ୍କା ଟଙ୍କା ଖର୍ଚ୍ଚରେ ତିଆରି ହୋଇଛି ସମସ୍ତ ପ୍ରକଳ୍ପ । କିନ୍ତୁ କାମ ଅଧା କରି ଛାଡିଦେଇ ଠିକାଦାର ବିଲ୍‌ ନେଇ ସାରିଛନ୍ତି । ଲିଚପିଟ୍‌ ପ୍ରକଳ୍ପର ଗଭୀରତା ଓ ଗୋଲେଇ ୫ ଫୁଟ୍‌ ହେବା କଥା, କିନ୍ତୁ କେଉଁଠି ୩ ଫୁଟ୍‌, କେଉଁଠି ୨ ଫୁଟର ହୋଇଛି ବୋଲି ଅଭିଯୋଗ ହୋଇଛି। ଅନ୍ୟପକ୍ଷେ ଗତ ୪ ରୁ ୫ ବର୍ଷ ହେବ ଅଧିକାଂଶ ଗ୍ରାମରେ ଅଚଳ ହୋଇପଡିଥିବା ଓ ଟିକେ ହେଲେ ବି ପାଣି ବାହାରୁ ନ ଥିବା ନଳକୂପ ପାଖରେ ହୋଇଛି ଲିଚ୍‌ପିଟ୍‌ ା ଏହାକୁ ନେଇ ଗ୍ରାମବାସୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି ା କେତେକ ସ୍ଥାନରେ ପାଣି ଭୂତଳକୁ ଯିବା ବଦଳରେ ରାସ୍ତା ଉପରେ ଭାସୁଛି । ଅନ୍ୟ କେତେକ ସ୍ଥାନରେ କେବଳ ମାଟି ଖୋଳାଯାଇଛି, କିନ୍ତୁ ପ୍ରକଳ୍ପ ହୋଇନାହିଁ। ବ୍ଲକରେ ଏକାଧିକ ଦୁର୍ନୀତିଖୋର ଠିକାଦାର ଏହି ପ୍ରକଳ୍ପ କରିଥିବା ବେଳେ କେଉଁଠି ମଧ୍ୟ ଉଦ୍ଦେଶ୍ୟ ସାଧିତ ହେଉନି । ସରପଞ୍ଚମାନଙ୍କୁ ପଚାରିବାରୁ ସେମାନେ ଏନେଇ ବିଡିଓ ଓ ଜିଲାପାଳଙ୍କୁ ଜଣାଇବେ ବୋଲି କହିଛନ୍ତି। ବିଡିଓ ଶୁଭ୍ରାଂଶୁ ସାହୁ କହିଛନ୍ତି, ନଳକୂପଗୁଡିକର ଭୂତଳ ଜଳକୁ ସଂରକ୍ଷିତ ରଖିବା ଏବଂ ପରିବେଶ ସ୍ବଚ୍ଛ ରଖିବା ପାଇଁ ସରକାର ଲିଚ୍‌ ପିଟ୍‌ ଯୋଜନା କରିଛନ୍ତି ା ଯଦି ନିମ୍ନମାନର କାମ ଓ ଭଙ୍ଗା ନଳକୂପ ପାଖରେ ଏହି ପ୍ରକଳ୍ପ ହୋଇଥିବା ଜଣାପଡିବ ଠିକାଦାରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେ ସୂଚନା ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି: ପ୍ରଥମ ମ୍ୟାଚ୍‌ରେ ମାଲେସିଆକୁ ଭେଟିବ ଭାରତ

ଭୋପାଳ,୧୮।୧୧: ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି ଟୁର୍ନାମେଣ୍ଟ ଗୁରୁବାରଠାରୁ ଆରମ୍ଭ ହେବାକୁ ଯାଉଛି। ଚଳିତ ସିଜନରେ ଚମତ୍କାର ଫର୍ମରେ ଥିବା ଭାରତୀୟ ଦଳ ଟୁର୍ନାମେଣ୍ଟ ଜିତିବା…

ବାତ୍ୟା ଅକ୍ବାନ: ଝିପିଝିପି ବର୍ଷା ଆରମ୍ଭ, ଦୁର୍ଗମ ଅଞ୍ଚଳରୁ ଲୋକଙ୍କୁ ଉଦ୍ଧାର ଜାରି

ପାତ୍ରପୁର,୧୮ା୧୧(ଉମା ଚରଣ ନେପାକ): ସମ୍ଭାବ୍ୟ ବାତ୍ୟା ଅକ୍ବାନକୁ ନେଇ ପାତ୍ରପୁର ବ୍ଲକ ପ୍ରଶାସନ ପକ୍ଷରୁ ସତର୍କତାମୂଳକ ପଦକ୍ଷେପ ଜୋରଦାର କରାଯାଇଛି । ପାହାଡ଼ିଆ ଓ ନଦୀ ଅବବାହିକାରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?