Odisha Elections 2024
Posted inଖେଳ

ସେପ୍ଟେମ୍ବର ୧୯ରୁ ଆଇପିଏଲ୍‌: ନଭେମ୍ବର ୮’ ରେ ଫାଇନାଲ

ନୂଆଦିଲ୍ଳୀ,୨୪।୭(ପି.ଟି.): ହାଇପ୍ରୋଫାଇଲ ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌)ର ୧୩ତମ ସଂସ୍କରଣ ଆହେୟାଜନ ହେବା ସ୍ପଷ୍ଟ ହୋଇଛି। ୟୁନାଇଟେଡ ଆରମ୍ଭ ଏମିରାଟ୍ସ (ୟୁଏଇ)ରେ ସେପ୍ଟେମ୍ବର ୧୯ ତାରିଖରୁ ଆଇପିଏଲ୍‌ ଆରମ୍ଭ ହୋଇ ନଭେମ୍ବର ୮ ତାରିଖରେ ଶେଷ ହେବ। ଏ ନେଇ ଆଇପିଏଲ ଚେୟାରମ୍ୟାନ ବ୍ରିଜେଶ ପଟେଲ ସୂଚନା ଦେଇଛନ୍ତି। ତେବେ ଆଇପିଏଲ୍‌ ଗଭର୍ନିଂ କାଉନସିଲ ଆସନ୍ତା ସପ୍ତାହରେ ବୈଠକ ବସି ଆଇପିଏଲ୍‌ ସମ୍ପର୍କରେ ଅନ୍ତିମ ନିଷ୍ପତ୍ତି ନେବ। ଆଇପିଏଲ କାର୍ଯ୍ୟସୂଚୀ ସ୍ଥିର କରାଯିବା ଉପରେ ମଧ୍ୟ ନିଷ୍ପତ୍ତି ନିଆଯିବ। ଏ ସଂକ୍ରାନ୍ତରେ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ସବୁ ଫ୍ରାଞ୍ଚାଇଜଗୁଡିକୁ ଅନୌପଚାରିକ ଭାବେ ଅବଗତ କରାଇଛି।
ଖୁବଶୀଘ୍ର ଗଭର୍ଣ୍ଣିଂ କାଉନସିଲ ବୈଠକ ବସିବ। କିନ୍ତୁ କାର୍ଯ୍ୟସୂଚୀକୁ ଅନ୍ତିମ ରୂପ ଦିଆଯାଇଛି। ଆଇପିଏଲ ସେପ୍ଟେମ୍ବର ୧୯ରୁ ଆରମ୍ଭ ହୋଇ ନେଭେମ୍ବର ୮ ତାରିଖରେ ଶେଷ ହେବ। ସରକାର ମଧ୍ୟ ଏହି ଟୁର୍ନାମେଣ୍ଟ ଆୟୋଜନ କରିବାକୁ ଅନୁମତି ଦେବେ ବୋଲି ପଟେଲ ଆଶା ପ୍ରକାଶ କରିଛନ୍ତି। ଆଇପିଏଲ ପୂରା ୫୧ ଦିନ ମଧ୍ୟରେ ଆୟୋଜନ ହେବ ସେ ଗୁରୁବାର ସ୍ପଷ୍ଟ କରିଛନ୍ତି।
କୋଭିଡ୍‌-୧୯ ମହାମାରୀ କାରଣରୁ ଅନ୍ତର୍ଜାତୀୟ କ୍ରିକେଟ କାଉନସିଲ୍‌ (ଆଇସିସି) ଅଷ୍ଟ୍ରେଲିଆରେ ଆୟୋଜନ ହେବାକୁ ଥିବା ଟି୨୦ ବିଶ୍ୱକପ୍‌କୁ ଘୁଞ୍ଚାଇ ଦେଇଛି। ଫଳରେ ଆଇପିଏଲ୍‌ ଆୟୋଜନ ହେବା ନେଇ ବାଟ ଖୋଲିଥିଲା। ମହାମାରୀ କାରଣରୁ ବିଶ୍ୱକପ୍‌ ଆୟୋଜନ କରିବାକୁ ଅଷ୍ଟ୍ରେଲିଆ ଅକ୍ଷମତା ପ୍ରକାଶ କରିଥିଲା। କୋଭିଡ୍‌-୧୯ ବିରୋଧରେ ଏକ ଷ୍ଟାଣ୍ଡାର୍ଡ ଅପରେଟିଂ ପ୍ରସିଡ୍ୟୁର (ଏସ୍‌ଓପି) ପ୍ରସ୍ତୁତ କରାଯାଉଛି ଓ ଏ ନେଇ ବିସିସିଆଇ ଔପଚାରିକ ଭାବେ ଏମିରାଟ୍ସ କ୍ରିକେଟ ବୋର୍ଡକୁ ଚିଠି ଲେଖି ଜଣାଇଛି।
ଆଗାମୀ କିଛି ଦିନ ମଧ୍ୟରେ ଏସ୍‌ଓପି ପ୍ରସ୍ତୁତ କରିବୁ। ତେବେ ଷ୍ଟାଡିୟମରେ ଦର୍ଶକଙ୍କୁ ମ୍ୟାଚ ଦେଖିବାର ସୁଯୋଗ ଦେବା ନେଇ ୟୁଏଇ ସରକାର ନିଷ୍ପତ୍ତି ନେବେ। ଏ ସଂକ୍ରାନ୍ତରେ ୟୁଏଇ ବୋର୍ଡକୁ ଆମେ ଔପଚାରିକ ଭାବେ ଚିଠି ଲେଖି ଜଣାଇବୁ ବୋଲି ପଟେଲ କହିଛନ୍ତି। ୟୁଏଇରେ ୩ଟି ଗ୍ରାଉଣ୍ଡ ଯଥା ଦୁବାଇ ଇଣ୍ଟନ୍ୟାଶନାଲ ଷ୍ଟାଡିୟମ, ସେଖ୍‌ ଜାଏଦ୍‌ ଷ୍ଟାଡିୟମ (ଆବୁଧାବି) ଓ ଶାରଝା ଗ୍ରାଉଣ୍ଡ ରହିଛି। ଏହି ୩ଟି ଷ୍ଟାଡିୟମ୍‌ର ଆଇପିଲେ ଆୟୋଜନ ହେବାର କାର୍ଯ୍ୟକ୍ରମ ରହିଛି। ବିସିସିଆଇ ଆଇସିସି ଏକାଡେମୀର ଗ୍ରାଉଣ୍ଡଗୁଡିକୁ ଅଭ୍ୟାସ ପାଇଁ ହାତରେ ରଖିବ। ଆଇସିସି ଏକାଡେମୀରେ ୨ଟି ଫୁଲ ସାଇଜ୍‌ର କ୍ରିକେଟ ଗ୍ରାଉଣ୍ଡ ରହିଛି ଓ ଏଥିରେ ୩୮ଟି ଟର୍ଫ ପିଚ୍‌, ୬ଟି ଇନ୍‌ଡୋର ପିଚ୍‌, ୫୭୦୦ ସ୍କୋୟାର ଫୁଟର ଆଉଟ୍‌ଡୋର କଣ୍ଡିସନିଂ ଏରିଆ ସହିତ ଫିଜିଓଥେରାପି ଓ ମେଡିସିନ ସେଣ୍ଟର ରହିଛି। ଦୁବାଇରେ ହେଲ୍‌ଥ ପ୍ରୋଟୋକଲ ଅନୁସାରେ ନେଗେଟିଭ୍‌ କୋଭିଡ୍‌-୧୯ ଟେଷ୍ଟ ରିପୋର୍ଟ ଥିଲେ କୌଣସି ବ୍ୟକ୍ତି କ୍ୱାରାଣ୍ଟାଇନ୍‌ରେ ରହିବାର ଆବଶ୍ୟକତା ନାହିଁ। ତେବେ ଯଦି ନେଗେଟିଭ୍‌ ରିପୋର୍ଟ ନାହିଁ ତାହାଲେ ଟେଷ୍ଟ କରିବାକୁ ହେବ। ପୂର୍ବରୁ ଆଇପିଏଲ୍‌ ସେପ୍ଟେମ୍ବର ୨୬ରେ ଆରମ୍ଭ ହେବା ବୋଲି ଅନୁମାନ କରାଯାଉଥିଲା। ତେବେ ଭାରତର ଅଷ୍ଟ୍ରେଲିଆ ଗସ୍ତ ନେଇ କୌଣସି ସମସ୍ୟା ନ ରଖିବାକୁ ବିସିସିଆଇ ଆଗୁଆ ଗୋଟିଏ ସପ୍ତାହ ଆଇପିଏଲ୍‌ ଆରମ୍ଭ କରିବା ଲକ୍ଷ୍ୟରେ ରହିଛି। ସରକାରଙ୍କ ନିୟମ ଅନୁସାରେ ଅଷ୍ଟ୍ରେଲିଆ ଭାରତୀୟ ଦଳ ବାଧ୍ୟତାମୂଳକ ଭାବେ ୧୪ ଦିନ କ୍ୱାରାଣ୍ଟାଇନାରେ ରହିବା ନିୟମ ରହିଛି। ଏଥିରେ ଡେରି ହେଲେ ସମସ୍ୟା ରହିବାର ସମ୍ଭାବନା ରହିଛି। ପୂରା ୭ ସପ୍ତାହ ଆଇପିଏଲ ଖେଳାଯିବାର କାର୍ଯ୍ୟକ୍ରମ ସ୍ଥିରିକୃତ ହୋଇଥିବାରୁ ବ୍ରାଡକାଷ୍ଟରମାନେ ଖୁସି ଅଛନ୍ତି। ପ୍ରତ୍ୟେକ ଶନିବାର ଓ ରବିବାର ଦୁଇଟି ଲେଖାଏ ମ୍ୟାଚ ଖେଳାଯିବ। ଆଇପିଏଲ୍‌ ପରେ ଭାରତ ଅଷ୍ଟ୍ରେଲିଆରେ ଡିସେମ୍ବର ୩ ତାରିଖରୁ ୪ ମ୍ୟାଚ୍‌ ବିଶିଷ୍ଟ ଟେଷ୍ଟ ସିରିଜ ଖେଳିବା ଆରମ୍ଭ କରିବ। ଟ୍ରେନିଂ ନେବାକୁ ଗୋଟିଏ ମାସ ଅତିକମ୍‌ରେ ଜରୁରୀ। ତେଣୁ ଅଗଷ୍ଟ ୨୦ ସୁଦ୍ଧା ଫ୍ରାଞ୍ଚାଇଜ୍‌ମାନେ ବେସ୍‌ରେ ପହଞ୍ଚିବେ। ପ୍ରଥମେ ମାର୍ଚ୍ଚ ଶେଷରେ ଆଇପିଏଲ୍‌ ଆରମ୍ଭ ହେବାର କାର୍ଯ୍ୟକ୍ରମ ରହିଥିଲା। ତେବେ କୋଭିଡ୍‌-୧୯ ମହାମାରୀ କାରଣରୁ ଏହାକୁ ଅନିର୍ଦ୍ଧିଷ୍ଟ କାଳ ପାଇଁ ଘୁଞ୍ଚାଇ ଦିଆଯାଇଥିଲା। ଆଇପିଏଲ ଚଳିତ ବର୍ଷ ଆୟୋଜନ ହେବ ବୋଲି ବିସିସିଆଇ ସଭାପତି ସୌରଭ ଗାଙ୍ଗୁଲି ଜୋର ଦେଇ କହିଆସୁଥିଲେ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଏଥର ଟି-୨୦ ବିଶ୍ୱକପ୍‌ କିଏ ହେବ ଚାମ୍ପିୟନ୍‌: ଜୟ ଶାହା କଲେ ଖୁଲାସା

ନୂଆଦିଲ୍ଲୀ,୧୮।୫: ୱେଷ୍ଟଇଣ୍ଡିଜ ଏବଂ ଆମେରିକା ଟି-୨୦ ବିଶ୍ୱକପ ପାଇଁ ପ୍ରସ୍ତୁତ। ଏହି ଟୁର୍ନାମେଣ୍ଟ ଜୁନ ୨ରୁ ଆରମ୍ଭ ହେଉଛି। ଏଥି ସହିତ ରୋହିତ ଶର୍ମାଙ୍କ ନେତୃତ୍ୱରେ...

ଉଇକେଟ୍‌ ନ ମିଳିବାକୁ ରାଗିଗଲେ ଅର୍ଜୁନ ତେନ୍ଦୁଲକର: କଲେ ଏମିତି କାମ…

ମୁମ୍ବାଇ,୧୮।୫: ମୁମ୍ବାଇ ଇଣ୍ଡିଆନ୍ସ ସଚିନ ତେନ୍ଦୁଲକରଙ୍କ ପୁଅ ଅର୍ଜୁନଙ୍କୁ ଲକ୍ଷ୍ନୌ ସୁପର ଜିଆଣ୍ଟସ ବିପକ୍ଷ ମ୍ୟାଚରେ ଖେଳିବାର ସୁଯୋଗ ଦେଇଥିଲା। ଫଳରେ ଅର୍ଜୁନ ଆଇପିଏଲ ୨୦୨୪ରେ...

ପାଣ୍ଡ୍ୟାଙ୍କୁ ବଡ଼ ଝଟକା: ଲାଗିଲା ପ୍ରତିବନ୍ଧକ

ମୁମ୍ବାଇ,୧୮।୫: ମୁମ୍ବାଇ ଇଣ୍ଡିଆନ ଅଧିନାୟକ ହାର୍ଦ୍ଦିକ ପାଣ୍ଡ୍ୟାଙ୍କୁ ଏକ ବଡ଼ ଝଟକା ଲାଗିଛି। ଗୋଟିଏ ମ୍ୟାଚ ପାଇଁ ପାଣ୍ଡ୍ୟାଙ୍କୁ ବାସନ୍ଦ କରାଯାଇଛି। ସେ ଆଗାମୀ ସିଜନର...

ଲଜ୍ଜାଜନକ ରେକର୍ଡ ହାସଲ କଲା ମୁମ୍ବାଇ ଇଣ୍ଡିଆନ୍ସ

ମୁମ୍ବାଇ,୧୮।୫: ଲକ୍ଷ୍ନୌ ସୁପର ଜିଆଣ୍ଟସ ଆଇପିଏଲ ୨୦୨୪ର ୬୭ତମ ମ୍ୟାଚରେ ମୁମ୍ବାଇ ଇଣ୍ଡିଆନ୍ସକୁ ପରାସ୍ତ କରିଛି। ପ୍ରଥମେ ବ୍ୟାଟିଂ କରି ଲକ୍ଷ୍ନୌ ୨୧୪ ରନ ସଂଗ୍ରହ...

ବକ୍ସର ପରବିନଙ୍କୁ ସସ୍‌ପେଣ୍ଡ କଲା ଓ୍ବାଡା

ନୂଆଦିଲ୍ଲୀ, ୧୮ା୫ ବିଶ୍ୱ ଚାମ୍ପିୟନଶିପ୍‌ ବ୍ରୋଞ୍ଜ ପଦକ ବିଜୟୀ ବକ୍ସର ପରବିନ ହୁଦା ତାଙ୍କ ପ୍ୟାରିସ ଅଲିମ୍ପିକ କୋଟା ହରାଇ ପାରନ୍ତି। ସେ ୧୨ମାସ ମଧ୍ୟରେ...

ଆଜି ଆର୍‌ସିବି-ସିଏସ୍‌କେ ମହାମୁକାବିଲା: ମ୍ୟାଚ ବାତିଲ ହେଲେ ଏହି ଦଳକୁ ଫାଇଦା

ବେଙ୍ଗାଲୁରୁ, ୧୮।୫ ଚଳିତ ଇଣ୍ଡିଆନ ପ୍ରିମିୟର ଲିଗ୍‌ର ବହୁ ପ୍ରତୀକ୍ଷିତ ମ୍ୟାଚ ଶନିବାର ଏଠାରେ ଅନୁଷ୍ଠିତ ହେବ। ଏଥିରେ ପରସ୍ପରର ମୁକାବିଲା କରିବେ ରୟାଲ ଚ୍ୟାଲେଞ୍ଜର୍ସ...

‘ଅବସର ନିଷ୍ପତ୍ତି ସ୍ବତଃପ୍ରବୃତ୍ତ ଥିଲା’

ନୂଆଦିଲ୍ଲୀ, ୧୮।୫ : ଖେଳିବା ସମୟରୁ ଭାରତୀୟ ଫୁଟ୍‌ବଲରେ ଲିଭିଂ ଲିଜେଣ୍ଡର ମାନ୍ୟତା ପାଉଥିବା ସୁନୀଲ ଛେତ୍ରୀଙ୍କ ଅବସର ଘୋଷଣାକୁ ନେଇ ଚର୍ଚ୍ଚା ଜାରି ରହିଛି।...

ଟି୨୦ ବିଶ୍ୱକପ୍‌ ଜିତି ପାରିବ ନାହିଁ ଟିମ୍‌ ଇଣ୍ଡିଆ…କୋହଲିଙ୍କ ନାଁ ନେଇ ଏ କ’ଣ କହିଦେଲେ…

ନୂଆଦିଲ୍ଲୀ,୧୭।୫: ଆଉ କିଛି ଦିନର ବ୍ୟବଧାନ ପରେ ଆରମ୍ଭ ହେବାକୁ ଯାଛି ଟି୨୦ ବିଶ୍ୱକପ୍‌। ଏହାକୁ ନେଇ ପ୍ରଶଂସକ ଦିନ ଗଣିବା ଆରମ୍ଭ କରିଦେଇଥିବା ବେଳେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri