ଅହମଦାବାଦ,୩୦।୪: ଆଇପିଏଲ୍ ୨୦୨୧ର ଏକ ମ୍ୟାଚ୍ରେ ଆକ୍ରମଣାତ୍ମକ ଓପନର୍ ପୃଥ୍ବୀ ଶ’ଙ୍କ ଚମତ୍କାର ଇନିଂସ ବଳରେ ଦିଲ୍ଲୀ କ୍ୟାପିଟାଲ୍ସ କୋଲକାତା ନାଇଟ ରାଇଡର୍ସକୁ ୭ ଉଇକେଟ୍ରେ ପରାସ୍ତ କରିଛି। ଦିଲ୍ଲୀ ଆଗରେ ୧୫୫ ରନ ଲକ୍ଷ୍ୟ ଥିଲା, ଯାହାକୁ ପିଛା କରି ୧୬.୩ ଓଭରରେ ତିନି ଉଇକେଟ ପାଇଁ ୧୫୬ ରନ ସ୍କୋର କରି ଦଳ ହାସଲ କରିଥିଲା। ଶ’ ୪୧ ବଲରେ ୮୨ ରନ କରିଥିଲେ। ଏଥିରେ ୧୨ଟି ଚୌକା ତିନି ଛକା ଥିଲା। ସେ କେକେଆର୍ର ଦ୍ରୁତ ବୋଲର୍ ଶିଭମ ମାଭି ଏକ ଓଭରରୁ ଲଗାତାର ୬ଟି ଚୌକା ଲଗାଇଥିଲା। ଏହି ଓଭରରେ ମୋଟ ୨୫ ରନ୍ ହୋଇଥିଲା। ଆଇପିଏଲ୍ ଇତିହାସରେ ଦ୍ୱିତୀୟଥର ଗୋଟିଏ ଓଭରରେ ୬ଟି ଚୌକା ହୋଇଛି। ଏହାପୂର୍ବରୁ ୨୦୧୨ରେ ଅଜିଙ୍କେ ରାହାନେ ଏହି କାରନାମା ହାସଲ କରିଥିଲେ। ଏହି ମ୍ୟାଚ୍ରେ ଶ’ ୧୮ଟି ବଲ୍ରୁ ଅର୍ଦ୍ଧଶତକ ହାସଲ କରିଥିଲେ। ମ୍ୟାଚ୍ରେ ପରେ ଶ’ ଏବଂ ଶିଭମଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଭିଡିଓରେ ଉଭୟ ମଜା କରୁଥିବାବେଳେ ଶ’ଙ୍କ ତଣ୍ଟିକୁ ଚିପିଦେଇଥିଲେ ଶିଭମ। ୁଭୟଙ୍କ ମଧ୍ୟରେ ଏଭଳି ମଜାଦାର ଭିଡିଓକୁ ଦର୍ଶକ ପସନ୍ଦ କରିଛନ୍ତି।
