ନୂଆଦିଲ୍ଲୀ,୨୯।୪: ଆଇପିଏଲ ୨୦୨୧ରେ ଏମଏସ ଧୋନୀଙ୍କ ନେତୃତ୍ୱରେ ଚେନ୍ନାଇ ସୁପର କିଙ୍ଗସ (ସିଏସକେ) କ୍ରମାଗତ ପଞ୍ଚମ ବିଜୟ ହାସଲ କରିଛି। ଏକ ମ୍ୟାଚ୍ରେ ସନରାଇଜର୍ସ ହାଇଦ୍ରାବାଦକୁ ୭ ଉଇକେଟରେ ପରାସ୍ତ କରିଛି ସିଏସ୍କେ। ଏହି ବିଜୟ ସହିତ ସିଏସ୍କେ ପଏଣ୍ଟ ଟେବୁଲର ଶୀର୍ଷରେ ପହଞ୍ଚିଛି। ଏଥି ସହିତ ହାଇଦ୍ରାବାଦର ୬ଟି ମ୍ୟାଚରେ ପଞ୍ଚମ ପରାଜୟ ଭୋଗିଛି। ଦଳ ଏବେ ପଏଣ୍ଟ ଟେବୁଲର ସର୍ବନିମ୍ନରେ ଅଛି। ପ୍ରଥବେ ବ୍ୟାଟିଂ କରି ହାଇଦ୍ରାବାଦ ୩ ଉଇକେଟ୍ ହରାଇ ୧୭୧ ସ୍କୋର କରିଥିଲା। ଏହାର ଜବାବରେ ସିଏସ୍କେ ୧୮.୩ ଓଭରରେ ୩ଟି ଉଇକେଟ ହରାଇ ଲକ୍ଷ୍ୟ ହାସଲ କରିଥିଲା। ଏହି ବିଜୟ ସହ ପଏଣ୍ଟ ଟେବୁଲର ଶୀର୍ଷରେ ପହଞ୍ଚିଛି ଚେନ୍ନାଇ। ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଟିମ୍ ସମାନ ସଂଖ୍ୟକ ପଏଣ୍ଟ ଅଛି, କିନ୍ତୁ ଭଲ ନେଟ ରନ ହାର ହେତୁ ଚେନ୍ନାଇ ଦଳ ଶୀର୍ଷରେ ଅଛି। ଦିଲ୍ଲୀ କ୍ୟାପିଟାଲ୍ସ ତୃତୀୟ ସ୍ଥାନରେ ରହିଛି। ପାଞ୍ଚ ଥର ଚାମ୍ପିୟନ ହୋଇଥିବା ମୁମ୍ବାଇ ଇଣ୍ଡିଆନ୍ସ ଟେବୁଲରେ ଚତୁର୍ଥ ସ୍ଥାନରେ ରହିଛି।
୍ଆଇପିଏଲ ଅରେଞ୍ଜ କ୍ୟାପ: ଚେନ୍ନାଇର ଫାଫ ଡୁ ପ୍ଲେସିସ ଆଇପିଏଲ ୨୦୨୧ରେ ଅରେଞ୍ଜ କ୍ୟାପ ରେସରେ ଶୀର୍ଷରେ ପହଞ୍ଚିଛନ୍ତି । ସେ ୬ଟି ମ୍ୟାଚରେ ୨୭୦ ରନ ସ୍କୋର କରିଥିଲେ। ଦିଲ୍ଲୀ କ୍ୟାପିଟାଲ୍ସର ଶିଖର ଧାୱନ ଦ୍ୱିତୀୟ ସ୍ଥାନରେ ଅଛନ୍ତି। ଧାୱନ ଏପର୍ଯ୍ୟନ୍ତ ୬ଟି ମ୍ୟାଚରେ ୨୬୫ ରନ ସଂଗ୍ରହ କରିଛନ୍ତି। ପଞ୍ଜାବ କିଙ୍ଗ୍ସର ଅଧିନାୟକ କେ.ଏଲ ରାହୁଲ ୨୪୦ ରନ ସହ ଏହି ତାଲିକାରେ ତୃତୀୟ ସ୍ଥାନରେ ଅଛନ୍ତି। ଚତୁର୍ଥ ସ୍ଥାନରେ ଥିବାବେଳେ ଆରସିବିର ଗ୍ଲେନ ମ୍ୟାକ୍ସୱେଲ ୨୨୩ ରନ ସହ ଅଛନ୍ତି।
ଆଇପିଏଲ ପର୍ପଲ କ୍ୟାପ: ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର ହର୍ଷଲ ପଟେଲଙ୍କ ପାଖରେ ଏବେ ପର୍ପଲ କ୍ୟାପ ଅଛ। ପଟେଲ ୬ଟି ମ୍ୟାଚରେ ୧୭ଟି ଉଇକେଟ ନେଇଛନ୍ତି। ଏହି ତାଲିକାରେ ଆବେଶ ଖାନ ୧୨ ଉଇକେଟ ନେଇ ଦ୍ୱିତୀୟ ସ୍ଥାନରେ ଅଛନ୍ତି। ହାଇଦ୍ରାବାଦର ରସିଦ ଖାନ ତୃତୀୟ ସ୍ଥାନରେ ଏବଂ ମୁମ୍ବାଇ ଇଣ୍ଡିଆନ୍ସର ରାହୁଲ ଚହର ୯-୯ ଉଇକେଟ ନେଇ ଚତୁର୍ଥ ସ୍ଥାନରେ ଅଛନ୍ତି।
