Advertisement
Posted inଖେଳ

ଭାରତୀୟ ମହିଳା ପ୍ରଥମ ପିଙ୍କ୍‌ବଲ ଟେଷ୍ଟ ଖେଳିବ

ନୂଆଦିଲ୍ଲୀ,୨୧।୫(ପି.ଟି.): ଭାରତୀୟ ମହିଳା କ୍ରିକେଟ ଦଳ ପ୍ରଥମଥର ପାଇଁ ପିଙ୍କ୍‌ବଲ ଟେଷ୍ଟ ଖେଳିବାର ସୌଭାଗ୍ୟ ହାସଲ କରିବ। ଆଗାମୀ ଅଷ୍ଟ୍ରେଲିଆ ଗସ୍ତରେ ଭାରତୀୟ ମହିଳା ଦିବାରାତ୍ର ଟେଷ୍ଟ ଖେଳି ଇତିହାସ ସୃଷ୍ଟି କରିବ। ସେପ୍ଟେମ୍ବର ୩୦ରୁ ଅକ୍ଟୋବର ୩ ମଧ୍ୟରେ ଭାରତ ଅଷ୍ଟ୍ରେଲିଆ ଗସ୍ତରେ ଯିବାର କାର୍ଯ୍ୟକ୍ରମ ରହିଛି।
ଏହି ଦିବାରାତ୍ର ମ୍ୟାଚ୍‌ ପର୍ଥରେ ଆୟୋଜନ ହେବ। ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ସମ୍ପାଦକ ଜୟ ଶାହା ଏ ନେଇ ଘୋଷଣା କରିବା ପରେ କ୍ରିକେଟ ଅଷ୍ଟ୍ରେଲିଆ ପର୍ଥରେ ଅବଶ୍ୟ ଏ ପର୍ଯ୍ୟନ୍ତ କୌଣସି ଦିବାରାତ୍ର ଟେଷ୍ଟ ଖେଳାଯାଇ ନାହିଁ ବୋଲି ସୂଚନା ଦେଇଛି। ମହିଳ କ୍ରିକେଟର ପ୍ରଚାର ଓ ପ୍ରସାର ପାଇଁ ଆମର ପ୍ରୟାସ ଜାରି ରହିଛି। ଫଳସ୍ବରୂପ ଭାରତୀୟ ମହିଳା ଦଳ ଏହି ପିଙ୍କ ବଲ୍‌ ଟେଷ୍ଟ ଖେଳିବ ବୋଲି ଶାହା ଟୁଇଟ କରି ଜଣାଇଛନ୍ତି। ଦୀର୍ଘ ୭ ବର୍ଷ ପରେ ଭାରତୀୟ ମହିଳା ଦଳ ଜୁନ ୧୬ରେ ଇଂଲଣ୍ଡରେ ପ୍ରଥମଥର ପାଇଁ ଟେଷ୍ଟ ଖେଳିବ। ଏହାପରେ ଅଷ୍ଟ୍ରେଲିଆ ଗସ୍ତରେ ଆଉ ଏକ ଟେଷ୍ଟ ଖେଳିବ। ଭାରତ ମଧ୍ୟ ସେପ୍ଟେମ୍ବର ୧୯ରୁ ୨୪ ମଧ୍ୟରେ ୩ଟି ଦିନିକିଆ ଓ ଅକ୍ଟୋବର ୭ରୁ ୧୧ ମଧ୍ୟରେ ୩ଟି ଟି୨୦ ମ୍ୟାଚ୍‌ ଖେଳିବ। ୨୦୦୬ରେ ଭାରତ ଶେଷଥର ପାଇଁ ଅଷ୍ଟ୍ରେଲିଆ ବିପକ୍ଷରେ ଟେଷ୍ଟ ଖେଳିଥିଲା। ମହିଳା କ୍ରିକେଟ ଇତିହାସରେ ଭାରତ ଓ ଅଷ୍ଟ୍ରେଲିଆ ଦ୍ୱିତୀୟ ପିଙ୍କ୍‌ ବଲ୍‌ ଟେଷ୍ଟରେ ପରସ୍ପରକୁ ଭେଟିବେ। ତେବେ ଏ ପର୍ଯ୍ୟନ୍ତ ୨୦୧୭ ନଭେମ୍ବରରେ ଇଂଲଣ୍ଡ ଓ ଅଷ୍ଟ୍ରେଲିଆ ମଧ୍ୟରେ ଏକମାତ୍ର ଦିବାରାତ୍ର ଟେଷ୍ଟ ଖେଳାଯାଇଛି ଓ ଏହା ଅମୀମାଂସିତ ରହିଥିଲା।
ପିଙ୍କ୍‌ବଲ ଟେଷ୍ଟ ଭାରତ ପାଇଁ ନିଶ୍ଚିତ ଭାବେ ଏକ ଚ୍ୟାଲେଞ୍ଜ ବୋଲି ଜଣେ ପୂର୍ବତନ କ୍ରିକେଟର କହିଛନ୍ତି। ଭାରତୀୟ ମହିଳା କ୍ରିକେଟରମାନେ ପୂର୍ବରୁ ପିଙ୍କ୍‌ବଲରେ ଖେଳି ନାହାନ୍ତି। ଫଳରେ ଭାରତକୁ ନିଶ୍ଚିତ ଭାବେ ଅଭ୍ୟାସ ମ୍ୟାଚ୍‌ ଖେଳିବାର ସୁଯୋଗ ମିଳିବ। ଇଂଲଣ୍ଡ ଓ ଅଷ୍ଟ୍ରେଲିଆ ମହିଳା ଦଳ ନିୟମିତ ଭାବେ ଟେଷ୍ଟ ଖେଳିଆସୁଛନ୍ତି। ଏବେ ଭାରତ ଏହି ଦୁଇ ଶ୍ରେଷ୍ଠ ଦଳ ବିପକ୍ଷରେ ଟେଷ୍ଟ ଖେଳିବ। ଟେଷ୍ଟ ଖେଳିବାକୁ ଆମେ ବ୍ୟଗ୍ର ଅଛୁ ବୋଲି ଅଷ୍ଟ୍ରେଲିଆ ଅଧିନାୟିକା ମେଗ୍‌ ଲାନିଂ କହିଛନ୍ତି। ଏହି ପିଙ୍କ୍‌ବଲ ଟେଷ୍ଟ ନିଶ୍ଚିତ ଭାବେ ରୋମାଞ୍ଚକ ହେବ ବୋଲି ସେ ଆଶା ପ୍ରକାଶ କରିଛନ୍ତି।
କାର୍ଯ୍ୟସୂଚୀ
ତାରିଖ ମ୍ୟାଚ୍‌ ଭେନ୍ୟୁ
ସେପ୍ଟେମ୍ବର ୧୯ ପ୍ରଥମ ଦିନିକିଆ ସିଡ୍‌ନୀ ଓଭାଲ (ଦିବାରାତ୍ର)
ସେପ୍ଟେମ୍ବର ୨୨ ଦ୍ୱିତୀୟ ଦିନିକିଆ ଜଙ୍କସନ ଓଭାଲ
ସେପ୍ଟେମ୍ବର ୨୪ ତୃତୀୟ ଦିନିକିଆ ଜଙ୍କସନ ଓଭାଲ
ସେପ୍ଟେମ୍ବର ୩୦- ଅକ୍ଟୋବର ୩ ପିଙ୍କ୍‌ବଲ ଟେଷ୍ଟ ଓ୍ବାକା ଗ୍ରାଉଣ୍ଡ (ଦିବାରାତ୍ର)
ଅକ୍ଟୋବର ୭ ପ୍ରଥମ ଟି୨୦ ନର୍ଥ ସିଡ୍‌ନୀ ଓଭାଲ
ଅକ୍ଟୋବର ୯ ଦ୍ୱିତୀୟ ଟି୨୦ ନର୍ଥ ସିଡ୍‌ନୀ ଓଭାଲ
ଅକ୍ଟୋବର ୧୧ ତୃତୀୟ ଟି୨୦ ନର୍ଥ ସିଡ୍‌ନୀ ଓଭାଲ


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ବିରାଟ-ଅନୁଷ୍କାଙ୍କ ରୋମାଣ୍ଟିକ୍‌ ଫଟୋ ଉଠାଇଲେ ଏହି ପ୍ରସିଦ୍ଧ କ୍ରିକେଟର୍‌, ଦେଖିଲେ କହିବେ ସାବାସ୍‌

ବଲିଉଡ୍‌ ଅଭିନେତ୍ରୀ ଅନୁଷ୍କା ଶର୍ମା ଏବେ ଗର୍ଭବତୀ ଅଛନ୍ତି। ସେ ଏହି ସମୟକୁ ବେଶ୍‌ ଉପଭୋଗ କରୁଛନ୍ତି। ଗର୍ଭାବସ୍ଥାର ଅନୁଭବକୁ ନିଜ ପ୍ରଶଂସକଙ୍କ ସହ ବେଳେବେଳେ...

ଆଇପିଏଲ୍‌ରେ ଟସ୍‌ ଜିତି ବୋଲିଂ ନେବା ଧାରା ଜାରି

ମୁମ୍ବାଇ,୧୮।୪: ଇଣ୍ଡିଆନ ପ୍ରିମିୟର ଲିଗ୍‌(ଆଇପିଏଲ୍‌)ର ସୋମବାର ୩୦ତମ ମ୍ୟାଚ ରାଜସ୍ଥାନ ରୟାଲ୍ସ ଓ କୋଲକାତା ନାଇଟ୍‌ ରାଇଡର୍ସ ମଧ୍ୟରେ ଚାଲିଛି। କୋଲକାତା ଅଧିନାୟକ ଶ୍ରେୟସ୍‌ ଆୟର...

ଭାରତୀୟ ଖେଳାଳିଙ୍କ ଅଜାଣତରେ ହୋଟେଲ୍‌ ବିଲ୍‌ ଦେଲେ ପ୍ରଶଂସକ: ରୋହିତ ଶର୍ମା ଜାଣିବା ପରେ…

ମେଲବୋର୍ନ,୨।୧: ଭାରତରେ କ୍ରିକେଟର କ୍ରେଜ ଅଧିକ। ଖେଳ ପ୍ରତି ସମ୍ମାନ ତଥା ଖେଳାଳିଙ୍କ ପ୍ରତି ଥିବା ଭଲପାଇବାକୁ ଭଳିକି ଭଳି ଉପାୟରେ ଦେଖାଇଥାନ୍ତି ପ୍ରଶଂସକ। ସେଭଳି...

କୋହଲିଙ୍କୁ ପଛରେ ପକାଇ ଦେଲେ ଏହି ଅଷ୍ଟ୍ରେଲୀୟ ମହିଳା କ୍ରିକେଟର୍‌

ବ୍ରିସବେନ୍‌, ୫।୧୦: ଭ୍ରମଣକାରୀ ନ୍ୟୁଜିଲାଣ୍ଡ ମହିଳା କ୍ରିକେଟ୍‌ ଦଳ ବିପକ୍ଷରେ ଏଠାରେ ଅନୁଷ୍ଠିତ ୨ୟ ଦିନିକିଆ ମ୍ୟାଚ୍‌ରେ ଅଷ୍ଟ୍ରେଲିଆ ୪ ଉଇକେଟ୍‌ରେ ବିଜୟ ହାସଲ କରିଛି।...

ମାତ୍ର ୪ ବଲ୍‌ରେ ମ୍ୟାଚ୍‌ ଶେଷ, ମ୍ୟାଚ୍‌ର ସ୍କୋର ବୋର୍ଡ ଦେଖିଲେ ହେବେ ଆଶ୍ଚର୍ଯ୍ୟ

ମୁମ୍ବାଇ,୧୭।୩: କ୍ରିକେଟକୁ ଅନିଶ୍ଚିତତାର ଖେଳ କୁହାଯାଏ। ଏଠାରେ କିଛି ଅସମ୍ଭବ ନୁହେଁ। ପ୍ରତିଦିନ ରେକର୍ଡ ତିଆରି କରାଯାଏ ଏବଂ ଭାଙ୍ଗିଯାଏ, ଏମିତି ଆଶ୍ଚର୍ଯ୍ୟ ହୋଇଯାଇଥିଲେ କାରଣ...

ବିସିସିଆଇ ଆପେକ୍ସ କାଉନ୍‌ସିଲ ବୈଠକ ୧୭ରେ

ନୂଆଦିଲ୍ଲୀ, ୬ା୭ (ପି.ଟି.)- ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଆପେକ୍ସ କାଉନ୍‌ସିଲର ୪ର୍ଥ ବୈଠକ ଚଳିତମାସ ୧୭ ତାରିଖରେ ବସିବ। ଏଥିରେ ଭାରତର ସଂଶୋଧିତ...

ସୁନ୍ଦରୀ ପ୍ରତିଯୋଗିତାରୁ ରାଜ୍ୟଗୋଷ୍ଠୀ ପଦକ

ବର୍ମିଂହାମ୍‌,୩ା୮: ଇଂଲଣ୍ଡ ଭାରୋତ୍ତୋଳିକା ସାରା ଡେଭିସ୍‌ ୭୧ କିଗ୍ରା ଓଜନ ବର୍ଗରେ ରେକର୍ଡ କରିବା ସହିତ ସ୍ବର୍ଣ୍ଣ ପଦକ ବିଜୟୀ ହୋଇଛନ୍ତି। କ୍ଲିନ୍‌ ଆଣ୍ଡ ଜର୍କରେ...

ନ୍ୟୁଜିଲାଣ୍ଡ-ଆଫଗାନିସ୍ତାନ ମ୍ୟାଚ ବାତିଲ

ମେଲବୋର୍ନ, ୨୭ା୧୦ (ପି.ଟି.): ଲଗାଣବର୍ଷା ଯୋଗୁ ଏଠାରେ ବୁଧବାର ନ୍ୟୁଜିଲାଣ୍ଡ ଓ ଆଫଗାନିସ୍ତାନ ମଧ୍ୟରେ ଖେଳାଯିବାକୁଥିବା ଟି୨୦ ବିଶ୍ୱକପ୍‌ ମ୍ୟାଚ ବାତିଲ କରିଦିଆଯାଇଛି। ଗ୍ରୁପ୍‌-୧ର ଏହି...

Advertisement
Archives

Model This Week