ଚଟ୍ଟଗ୍ରାମ,୧୮।୧୨: ପ୍ରଥମ ଟେଷ୍ଟ ମ୍ୟାଚରେ ଟିମ ଇଣ୍ଡିଆ ବାଂଲାଦେଶକୁ ୧୮୮ ରନ ବ୍ୟବଧାନରେ ପରାସ୍ତ କରିଛି। ଏଥି ସହିତ, ଏହି ସିରିଜର ଦ୍ୱିତୀୟ ଏବଂ ଶେଷ ଟେଷ୍ଟ ୨୨ ଡିସେମ୍ବରରୁ ମିରପୁରରେ ଖେଳାଯିବ। ବାଂଲାଦେଶ ବିପକ୍ଷରେ ଭାରତ ପ୍ରଥମ ଟେଷ୍ଟ ଜିତିଛି ଏବଂ ବର୍ତ୍ତମାନ ଦଳ ବିଶ୍ରାମ ନେବାକୁ ଯାଉଛି। ମ୍ୟାଚ ପରେ ଦଳର ଅଧିନାୟକ କେ.ଏଲ ରାହୁଲ ଆଜିର ଯୋଜନା ବିଷୟରେ ପ୍ରକାଶ କରିଛନ୍ତି ଏବଂ ରାତିରେ ଦଳର ଖେଳାଳିମାନେ କଣ କରିବେ ବୋଲି କହିଥିଲେ। ରାହୁଲ କହିଛନ୍ତି, ସମସ୍ତ ଖେଳାଳି ରାତିରେ ଫିଫା ବିଶ୍ୱକପ ୨୦୨୨ର ଫାଇନାଲ ଦେଖିବେ ଏବଂ ଏହି ବଡ ମ୍ୟାଚକୁ ଉପଭୋଗ କରିବେ। କାରଣ ଦୀର୍ଘ ସମୟ ପରେ ଆମେ ଲଗାତାର ପାଞ୍ଚ ଦିନ ଖେଳିଛୁ, ତେଣୁ ଆମେ ଟିକେ ଥକି ଯାଇଛୁ। ଆମ ଦଳର ଅଧିକାଂଶ ଲୋକ ଇଂଲଣ୍ଡ ଏବଂ ବ୍ରାଜିଲ ଦଳକୁ ସମର୍ଥନ କରୁଥିଲେ। କିନ୍ତୁ ଉଭୟ ଦଳ ଫାଇନାଲ୍ରୁ ବାଦ୍ ପଡିଛନ୍ତି। ତଥାପି, ଆମେ ଫାଇନାଲ ମ୍ୟାଚ ଦେଖିବୁ, ଏକାଠି ଖାଇବା ଏବଂ ଏହାକୁ ଉପଭୋଗ କରିବୁ। ଆର୍ଜେଣ୍ଟିନାକୁ କିଏ ସମର୍ଥନ କରିବ ଏବଂ ଫ୍ରାନ୍ସକୁ କିଏ ସମର୍ଥନ କରିବ ତାହା କହିପାରିବ ନାହିଁ, କିନ୍ତୁ ଏହି ମ୍ୟାଚ ରୋମାଞ୍ଚ ହେବ।
