ମାରଗାଓ, ୧୩ା୧୦ (ପି.ଟି.)- ଇଣ୍ଡିଆନ ସୁପର ଲିଗ୍ (ଆଇଏସ୍ଏଲ୍) ଫୁଟ୍ବଲ ଟୁର୍ନାମେଣ୍ଟ ଖେଳିବା ଲାଗି ଅଧିକାଂଶ ଘରୋଇ ଖେଳାଳି ଗୋଆରେ ପହଞ୍ଚତ୍ସାରିଲେଣି। ଆସନ୍ତା ମାସରେ କୋଭିଡ୍-୧୯ ପ୍ରୋଟୋକଲ ଅଧୀନରେ ତିନୋଟି ଭେନ୍ୟୁରେ ଲିଗ୍ ଖେଳାଯିବ। ଆଇଏସ୍ଏଲର ଏହି ସିଜନ ୧୧ଟି ଦଳକୁ ନେଇ ହେବ। ତିନୋଟି ଭେନ୍ୟୁ ଯଥା ମାରଗାଓସ୍ଥିତ ଜବାହରଲାଲ ନେହେରୁ ଷ୍ଟାଡିୟମ, ବାମ୍ବୋଲିମ୍ର ଜିଏମ୍ସି ଆଥଲେଟିକ୍ ଷ୍ଟାଡିୟମ ଏବଂ ଭାସ୍କୋସ୍ଥିତ ତିଳକ ମୈଦାନ ଷ୍ଟାଡିୟମରେ ମ୍ୟାଚ୍ଗୁଡ଼ିକ ବିନା ଦର୍ଶକରେ ଖେଳାଯିବ। ଏଫ୍ସି ଗୋଆ, ହାଇଦ୍ରାବାଦ ଏଫ୍ସି ଏବଂ କେରଳ ବ୍ଲାଷ୍ଟର୍ସ ଏଫ୍ସି ଭଳି କିଛି ଦଳ ସେମାନଙ୍କ ଭେନ୍ୟୁରେ ପ୍ରି-ସିଜନ ଟ୍ରେନିଂ ଆରମ୍ଭ କରିଛନ୍ତି। ବେଙ୍ଗାଲୁରୁ ଏଫ୍ସି ଚଳିତ ମାସରେ ବେଲାରିସ୍ଥିତ ସେମାନଙ୍କ ଏକାଡେମୀରେ ପ୍ରସ୍ତୁତି ଆରମ୍ଭ କରିଛି। ଧାର୍ଯ୍ୟ କ୍ୱାରାଣ୍ଟାଇନ୍ ପିରିୟଡ ଶେଷ କରିବା ପରେ ଅବଶିଷ୍ଟ କ୍ଲବଗୁଡ଼ିକ ଚଳିତ ସପ୍ତାହ ଶେଷରେ ସେମାନଙ୍କ ଟ୍ରେନିଂ ଆରମ୍ଭ କରିବେ ବୋଲି ଆଇଏସ୍ଏଲ୍ ପକ୍ଷରୁ ଏକ ବିବୃତିିରେ କୁହାଯାଇଛି। ଚେନ୍ନାଇନ ଏଫ୍ସି ଏବଂ ସେମାନଙ୍କ କୋଚିଂ ଷ୍ଟାଫ୍ ଗୋଆରେ କେବେ ପହଞ୍ଚତ୍ବେ ତାହା ଏପର୍ଯ୍ୟନ୍ତ ଘୋଷଣା ହୋଇ ନ ଥିବାବେଳେ ନୂଆ ଦଳ ଏସ୍ସି ଇଷ୍ଟବେଙ୍ଗଲ ଅକ୍ଟୋବର ୧୬ ସୁଦ୍ଧା ଗୋଆରେ ପହଞ୍ଚତ୍ୟିବ ବୋଲି ଆଶା କରାଯାଉଛି।
