ଲୁଚିଛପି ବିବାହ କଲେ ଏହି ଭାରତୀୟ ଖେଳାଳି
2:17 pmFebruary 3, 2021February 3, 2021 / 43

ଭାରତୀୟ କ୍ରିକେଟର ଜୟଦେବ ଉନାଦକଟ ମଙ୍ଗଳବାର ତାଙ୍କ ବାନ୍ଧବୀ ରିନିଙ୍କ ସହ ବିବାହ ବନ୍ଧନରେ ବାନ୍ଧି ହୋଇଛନ୍ତି। ଏହି ବିବାହରେ କେବଳ ନିକଟତର ବନ୍ଧୁ ଉପସ୍ଥିତ ଥିଲେ। ଜୟଦେବ ଏବଂ ରିନି ଗତ ବର୍ଷ ମାର୍ଚ୍ଚରେ ନିର୍ବନ୍ଧ କରିଥିଲେ।
୨୦୧୦ରେ ଅଣ୍ଡର ୧୯ ବିଶ୍ୱକପ୍‌ ଅଧିନାୟକ ଜୟଦେବ ଫେବୃୟାରୀ ୨ରେ ବିବାହ ବନ୍ଧନରେ ବାନ୍ଧି ହୋଇଛନ୍ତି। ତାଙ୍କ ସ୍ତ୍ରୀ ରିନି ପେସାରେ ଜଣେ ଓକିଲ। ସେ ଗୁଜରାଟ ହାଇକୋର୍ଟରେ ଓକିଲ ଅଛନ୍ତି। ଏହି ବିବାହକୁ ଜୟଦେବ ଏବଂ ରିନି ବ୍ୟକ୍ତିଗତ ରଖିଛନ୍ତି। ମାତ୍ର ତାଙ୍କ ହଳଦୀ ଉତ୍ସବର କିଛି ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ତେବେ ଜୟଦେବ ବିବାହ ପୂର୍ବରୁ ତାଙ୍କ ପ୍ରେମିକାଙ୍କ ସହ ସୋସିଆଲ ମିଡିଆରେ ଅନେକ ଫଟୋ ଶେୟାର କରୁଥିଲେ।