ସଡ଼କ ଦୁର୍ଘଟଣାରେ ଅଷ୍ଟ୍ରେଲୀୟ କ୍ରିକେଟର ଆଣ୍ଡ୍ରିୟୁ ସାଇମଣ୍ଡ୍ସଙ୍କ ମୃତ୍ୟୁ ହୋଇଛି। ଯାହାକି ଅତ୍ୟନ୍ତ ଦୁର୍ଭାଗ୍ୟଜନକ। କେବଳ ଆଣ୍ଡ୍ରିୟୁ ନୁହନ୍ତି, ଭାରତର ଅନେକ ପ୍ରସିଦ୍ଧ ବ୍ୟକ୍ତି ମଧ୍ୟ ଦୁର୍ଘଟଣାରେ ପ୍ରାଣ ହରାଇଛନ୍ତି।
ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ସାନପୁଅ ସଞ୍ଜୟ ଗାନ୍ଧୀ ବିମାନ ଦୁର୍ଘଟଣାରେ ପ୍ରାଣ ହରାଇଥିଲେ। ସେ ନିଜେ ବିମାନ ଚଳାଉଥିଲେ। କୁହାଯାଏ, ନିୟନ୍ତ୍ରଣ ହରାଇ ବିମାନଟି ଦୁର୍ଘଟଣାଗ୍ରସ୍ତ ହୋଇଥିଲା। ଜୁନ ୧୯୮୦ରେ ତାଙ୍କର ଦେହାନ୍ତ ହୋଇଥିଲା।
୨୦୨୧ ଡିସେମ୍ବରରେ ହେଲିକପ୍ଟର ଦୁର୍ଘଟଣାରେ ଭାରତର ପ୍ରତିରକ୍ଷା କର୍ମଚାରୀ ବିପିନ ରାଓ୍ବତଙ୍କର ପ୍ରାଣହାନି ଘଟିଥିଲା। ସେ ସୁଲୁରରୁ କୁନୁରକୁ ଯାଉଥିଲେ। ତାଙ୍କ ସ୍ତ୍ରୀଙ୍କ ସମେତ ୧୩ ଜଣ ଲୋକ ଯାଉଥିଲେ।
କଂଗ୍ରେସର ବରିଷ୍ଠ ନେତା ମାଧବ ରାଓ ସିନ୍ଧିଆ ୯ ଥର ଲୋକ ସଭା ଏମ୍ପି ଭାବରେ ନିର୍ବାଚିତ ହୋଇଥିଲେ। ୧୯୭୧ ପରଠାରୁ ସେ ଗୋଟିଏ ବି ନିର୍ବାଚନ ହାରି ନ ଥିଲେ। ୫୬ ବର୍ଷ ବସୟରେ ସେ ୨୦୦୧ରେ ମେନ୍ପୁରୀ ନିକଟରେ ଏକ ବିମାନ ଦୁର୍ଘଟଣାରେ ପ୍ରାଣ ହରାଇଥିଲେ।
୨୦୦୦ ମସିହାରେ ସଚିନ ପାଇଲଟଙ୍କ ପିତା ତଥା କଂଗ୍ରେସ ନେତା ରାଜେଶ ପାଇଲଟଙ୍କର ଏକ ସଡ଼କ ଦୁର୍ଘଟଣାରେ ମୃତ୍ୟୁ ଘଟିଥିଲା। ଯେତେବେଳେ ସେ ରାଜସ୍ଥାନର ଡାଉସା ଠାରୁ ଜୟପୁର ଫେରୁଥିଲେ ସେତେବେଳେ ତାଙ୍କ ସହିତ ଏହି ଘଟଣା ଘଟିଥିଲା।
ସେହିପରି ଜ୍ଞାନୀ ଜୟଲ ସିଂ, ଅଭିନେତା ଯଶପାଲ ଭଟ୍ଟି, ଅମିତାଭ ବଚ୍ଚନଙ୍କ ସହ ‘ସୂର୍ଯ୍ୟବଂଶୀ’ରେ ନଜର ଆସିଥିବା ଅଭିନେତ୍ରୀ ସୌନ୍ଦର୍ଯ୍ୟାଙ୍କର ମଧ୍ୟ ଦୁର୍ଘଟଣାରେ ମୃତ୍ୟୁ ହୋଇଥିଲା।
