ନୂଆଦିଲ୍ଲୀ,୧୦।୫: ଅପରେଶନ ସିନ୍ଦୂର ପରେ ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନା କମ କରିବା ପାଇଁ ଶନିବାର ଅସ୍ତ୍ରବିରତି ଘୋଷଣା କରାଯାଇଥିଲା, କିନ୍ତୁ ୩ ଘଣ୍ଟା ମଧ୍ୟରେ ପାକିସ୍ତାନ ଯୁଦ୍ଧବିରତି ଉଲଘଂନ କରି ଅନେକ ସ୍ଥାନରେ ପ୍ରବଳ ଗୁଳିବର୍ଷା କରିଛି। ବୈଦେଶିକ ମନ୍ତ୍ରଣାଳୟର ଏକ ପ୍ରେସ ବ୍ରିଫିଂରେ କହିଛି ଯେ ଭାରତୀୟ ସେନା ଯୁଦ୍ଧବିରତି ପାଳନ କରିବ, କିନ୍ତୁ ଯେକୌଣସି ଅପରେଶନ ପାଇଁ ସମ୍ପୂର୍ଣ୍ଣ ପ୍ରସ୍ତୁତ।
commodore ରଘୁ ଆର ନାୟାର କହିଛନ୍ତି ଯେ, ଆଜି ହୋଇଥିବା ଚୁକ୍ତିକୁ ପାଳନ କରିବୁ, ଯାହା ଭାରତୀୟ ସେନା, ଭାରତୀୟ ନୌସେନା ଏବଂ ଭାରତୀୟ ବାୟୁସେନା ମଧ୍ୟରେ ହୋଇଛି। ଆମେ ସମ୍ପୂର୍ଣ୍ଣ ପ୍ରସ୍ତୁତ ଏବଂ ସର୍ବଦା ସଜାଗ। ଆମେ ମାତୃଭୂମିର ସାର୍ବଭୌମତ୍ୱ ଏବଂ ଅଖଣ୍ଡତାକୁ ରକ୍ଷା କରିବା ପାଇଁ ପ୍ରତିବଦ୍ଧ।
ସେ ଆହୁରି ମଧ୍ୟ କହିଛନ୍ତି ଯେ ପାକିସ୍ତାନର ପ୍ରତ୍ୟେକ ଦୁଃସାହସର କଡ଼ା ଜବାବ ଦିଆଯାଇଛି ଏବଂ ଭବିଷ୍ୟତରେ ଯେତେବେଳେ ପରିସ୍ଥିତି ଖରାପ ହେବ, ଏକ ନିର୍ଣ୍ଣାୟକ ଜବାବ ଦିଆଯିବ। ରାଷ୍ଟ୍ରକୁ ସୁରକ୍ଷା ଦେବା ପାଇଁ ଆମେ ଯେକୌଣସି ପ୍ରକାରର ଅପରେଶନ ଆରମ୍ଭ କରିବାକୁ ସମ୍ପୂର୍ଣ୍ଣ ପ୍ରସ୍ତୁତ। ଆମେରିକାର ବୈଦେଶିକ ବିଭାଗରୁ ମିଳିଥିବା ସୂଚନା ଅନୁଯାୟୀ, ଅନେକ ରଣନୈତିକ ଏବଂ ମାନବିକ ପ୍ରସଙ୍ଗରେ ଆଲୋଚନା ହେବାର ଆଶା କରାଯାଉଛି। ଦ୍ୱିପାକ୍ଷିକ ସମ୍ପର୍କକୁ ପ୍ରଭାବିତ କରୁଥିବା ବ୍ୟାପକ ଉତ୍ତେଜନା ଏପର୍ଯ୍ୟନ୍ତ ସମାଧାନ ହୋଇନାହିଁ।
ପାକିସ୍ତାନ ସେନା ଘୋର୍ ଅସ୍ତ୍ରବିରତି ଉଲ୍ଲଙ୍ଘନ କରିଛି। ଏନେଇ ପ୍ରେସମିଟ କରି ସୂଚନା ଦେଇଛନ୍ତି ବୈଦେଶିକ ସଚିବ ବିକ୍ରମ ମିଶ୍ରି। ସେ କହିଛନ୍ତି, ଏନେଇ ସେନାକୁ କଡ଼ା ପଦକ୍ଷେପ ନେବାକୁ କୁହାଯାଇଛି। ଅସ୍ତ୍ରବିରତି ଉଲ୍ଲଙ୍ଘନ ପାଇଁ ପାକିସ୍ତାନ ଦାୟୀ। ପାକିସ୍ତାନ ପରିସ୍ଥିତିର ଗମ୍ଭୀରତାକୁ ବୁଝିବା ଦରକାର।
ପାକିସ୍ତାନ ଶନିବାର ଦିନ ଯୁଦ୍ଧବିରତି ଚୁକ୍ତିକୁ ଉଲ୍ଲଂଘନ କରି ଭାରତ ଉପରେ ଡ୍ରୋନ ଏବଂ ଶେଲିଂ ମାଧ୍ୟମରେ ଆକ୍ରମଣ କରିଛି। ଏହି ଘଟଣା ମାତ୍ର କିଛି ଘଣ୍ଟା ପୂର୍ବରୁ ଉଭୟ ଦେଶ ମଧ୍ୟରେ ସନ୍ଧି ସ୍ଥାପନ ପାଇଁ ଏକ ଯୁଦ୍ଧବିରତି ଚୁକ୍ତି ହୋଇଥିବା ବେଳେ ଘଟିଛି। ଭାରତର ବୈଦେଶିକ ମନ୍ତ୍ରଣାଳୟ (MEA) ଏହାକୁ ଦୃଢ଼ ଭାବେ ନିନ୍ଦା କରିଛି ଏବଂ ଭାରତୀୟ ସେନାକୁ ଏହି ଆକ୍ରମଣର ଦୃଢ଼ ଏବଂ ଉପଯୁକ୍ତ ଜବାବ ଦେବାକୁ ନିର୍ଦ୍ଦେଶ ଦେଇଛି। ଶନିବାର ସନ୍ଧ୍ୟାରେ ଜମ୍ମୁ ଓ କାଶ୍ମୀରର ଶ୍ରୀନଗର ଏବଂ ଜମ୍ମୁରେ ବିସ୍ଫୋରଣର ଶବ୍ଦ ଶୁଣାଯାଇଥିଲା। ଜମ୍ମୁ ଓ କାଶ୍ମୀରର ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ସୋସିଆଲ ମିଡିଆ ପ୍ଲାଟଫର୍ମ Xରେ ପୋଷ୍ଟ କରି କହିଛନ୍ତି, “ଯୁଦ୍ଧବିରତିରେ କ’ଣ ହେଲା? ଶ୍ରୀନଗରରେ ବିସ୍ଫୋରଣର ଶବ୍ଦ ଶୁଣାଗଲା!”
ପାକିସ୍ତାନର ଡ୍ରୋନ ଆକ୍ରମଣ ଓ ଭାରତର ଜବାବ ପାକିସ୍ତାନ ଶ୍ରୀନଗର, ଉଧମପୁର, ବାରମୁଲ୍ଲା, କଚ୍ଛ ଏବଂ ଫିରୋଜପୁର ଆଦି ଅଞ୍ଚଳରେ ପ୍ରାୟ ୪୦-୫୦ଟି ଡ୍ରୋନ ପଠାଇଥିଲା, ଯାହାକୁ ଭାରତୀୟ ସେନାର ବାୟୁ ପ୍ରତିରକ୍ଷା ଇଉନିଟ ସଫଳତାର ସହ ନଷ୍ଟ କରିଛି। ଏହା ସହିତ ରାଜସ୍ଥାନର ଜୈସଲମେରରେ ପାକିସ୍ତାନର ଏକ ଅବଦାଲି ମିସାଇଲକୁ ମଧ୍ୟ ଭାରତୀୟ ସେନା ମଝି ଆକାଶରେ ଧ୍ୱଂସ କରିଛି।
ବୈଦେଶିକ ମନ୍ତ୍ରଣାଳୟର ସଚିବ ବିକ୍ରମ ମିଶ୍ରୀ ଗଣମାଧ୍ୟମକୁ କହିଛନ୍ତି, “ପାକିସ୍ତାନ ଆଜି ଯୁଦ୍ଧବିରତି ଚୁକ୍ତିକୁ ଉଲ୍ଲଂଘନ କରିଛି। ଆମ ସଶସ୍ତ୍ର ବାହିନୀକୁ ସୀମାରେ ଏହି ଉଲ୍ଲଂଘନର ଦୃଢ଼ ଜବାବ ଦେବାକୁ ନିର୍ଦ୍ଦେଶ ଦିଆଯାଇଛି।”
ଆନ୍ତର୍ଜାତୀୟ ପ୍ରତିକ୍ରିୟା ଯୁକ୍ତରାଷ୍ଟ୍ରର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଶନିବାର ଦିନ ଘୋଷଣା କରିଥିଲେ ଯେ ଭାରତ ଏବଂ ପାକିସ୍ତାନ ଏକ “ପୂର୍ଣ୍ଣ ଏବଂ ତୁରନ୍ତ ଯୁଦ୍ଧବିରତି”ରେ ସହମତ ହୋଇଛନ୍ତି। କିନ୍ତୁ ପାକିସ୍ତାନର ଏହି ଉଲ୍ଲଂଘନ ପରେ ଏହି ଚୁକ୍ତି ପ୍ରଶ୍ନବାଚୀ ହୋଇଛି। ପାକିସ୍ତାନର ପ୍ରଧାନମନ୍ତ୍ରୀ ଶେହବାଜ ଶରିଫ ଟ୍ରମ୍ପଙ୍କୁ ଧନ୍ୟବାଦ ଜଣାଇଥିବା ବେଳେ ପାକିସ୍ତାନ ସେନା ଏହି ଆକ୍ରମଣ ଜାରି ରଖିଛି, ଯାହା ଦେଶରେ ନୀତିଗତ ଅସଙ୍ଗତିକୁ ସୂଚାଇଛି।
ସୀମାନ୍ତରେ କଡ଼ା ସୁରକ୍ଷା ପଞ୍ଜାବ, ରାଜସ୍ଥାନ, ଗୁଜରାଟ ଏବଂ ଜମ୍ମୁ ଓ କାଶ୍ମୀରର ଅନେକ ସ୍ଥାନରେ ସମ୍ପୂର୍ଣ୍ଣ ବ୍ଲାକଆଉଟ ଘୋଷଣା କରାଯାଇଛି। ସୀମା ସୁରକ୍ଷା ବାହିନୀ (BSF)କୁ ପାକିସ୍ତାନର ମୁକାବିଲା ପାଇଁ ମୁକ୍ତ ହସ୍ତ ଦିଆଯାଇଛି। ଗୁଜରାଟର ଗୃହମନ୍ତ୍ରୀ ହର୍ଷ ସାଙ୍ଘଭୀ କହିଛନ୍ତି, “କଚ୍ଛ ଜିଲ୍ଲାରେ ଅନେକ ଡ୍ରୋନ ଦେଖାଯାଇଛି। ସମ୍ପୂର୍ଣ୍ଣ ବ୍ଲାକଆଉଟ ଲାଗୁ କରାଯାଉଛି। ଭାରତର ଅବସ୍ଥାନ ବୈଦେଶିକ ମନ୍ତ୍ରୀ ଏସ. ଜୟଶଙ୍କର କହିଛନ୍ତି ଯେ ଭାରତ ଆତଙ୍କବାଦ ବିରୁଦ୍ଧରେ ଅବିଚଳିତ ଏବଂ ଦୃଢ଼ ଅବସ୍ଥାନ ଜାରି ରଖିବ। ଏହି ଘଟଣାକ୍ରମ ଭାରତ ଓ ପାକିସ୍ତାନ ମଧ୍ୟରେ ଚାପକୁ ଆହୁରି ବଢ଼ାଇଛି।
