ବେଙ୍ଗାଲୁରୁ,୧୧।୩: ଭାରତ ଏବଂ ଶ୍ରୀଲଙ୍କା ମଧ୍ୟରେ ଚାଲିଥିବା ଦୁଇ ଟେଷ୍ଟ ସିରିଜର ଶେଷ ମ୍ୟାଚ ମାର୍ଚ୍ଚ ୧୨ରୁ ବେଙ୍ଗାଲୁରୁର ଏମ୍ ଚିନ୍ନାସ୍ବାମୀ ଷ୍ଟାଡିୟମରେ ଖେଳାଯିବ। ଅଧିନାୟକ ଭାବେ ରୋହିତ ଶର୍ମା ବିଜୟ ସହ ଟେଷ୍ଟ ସିରିଜ୍ ଆରମ୍ଭ କରିଛନ୍ତି। ଦିନିକିଆ ଭଳି ଟେଷ୍ଟରେ ମଧ୍ୟ ଶ୍ରୀଲଙ୍କାର ବିପକ୍ଷରେ କ୍ଲିନ୍ସୁଇପ୍ କରିବାକୁ ଭାରତ ନଜର ରହିଛି। କିନ୍ତୁ ଭାରତର ପୂର୍ବତନ କିମ୍ବଦନ୍ତୀ କ୍ରିକେଟର ସୁନୀଲ ଗାଭାସ୍କରଙ୍କ ଆଖି ରୋହିତଙ୍କ ବ୍ୟାଟିଂ ଉପରେ ରହିଛି। ରୋହିତ ବ୍ୟାଟ ସହିତ ଭଲ ପ୍ରଦର୍ଶନ କରିବାରେ ବିଫଳ ହୋଇଛନ୍ତି। ଗାଭାସ୍କର ରୋହିତଙ୍କୁ ବ୍ୟାଟିଂରେ ପରିବର୍ତ୍ତନ ଆଣିବାକୁ କହିଛନ୍ତି। ଏଥିପାଇଁ ସେ କିଛି ଟିପ୍ସ ମଧ୍ୟ ଦେଇଛନ୍ତି।
ସୁନୀଲ ଗାଭାସ୍କର ରୋହିତ ଶର୍ମାଙ୍କୁ ତାଙ୍କ ପ୍ରିୟ ସଟ ନ ଖେଳିବାକୁ ପରାମର୍ଶ ଦେଇଛନ୍ତି। ପୁଲ ସଟ ହେଉଛି ରୋହିତଙ୍କ ପ୍ରିୟ ସଟ। କିନ୍ତୁ ଗାଭାସ୍କର ବିଶ୍ୱାସ କରନ୍ତି, ଯଦି ରୋହିତ ପୁଲ ସଟ ଖେଲିବା ବନ୍ଦ କରନ୍ତି ତେବେ ସେ ଅଧିକ ରନ ସ୍କୋର କରିପାରିବେ। ଏକ ସାକ୍ଷାତକାରରେ ଗାଭାସ୍କର କହିଛନ୍ତି, ତାଙ୍କୁ ଏ ବିଷୟରେ ଚିନ୍ତା କରିବାକୁ ପଡ଼ିବ। କିନ୍ତୁ ପୁଲ ସଟ୍ ଏକମାତ୍ର ସଟ ନୁହେଁ ଯେଉଁଥିରୁ ସେ ରନ କରିପାରିବେ। ତାଙ୍କର ଅନ୍ୟ ସଟ ଖେଳିବାର କ୍ଷମତା ମଧ୍ୟ ଅଛି। ଯେଉଁ ବୋଲରଙ୍କ ଟିକିଏ ଗତି ଅଛି, ସେ ତାଙ୍କ ବିପକ୍ଷରେ ସର୍ଟ ବଲ ବ୍ୟବହାର କରିବେ। କିନ୍ତୁ ସବୁ ବଲ୍ରେ ସେ ପୁଲ୍ ସଟ ଖେଲିବାକୁ ଚେଷ୍ଟା କରିବା ଉଚିତ୍ ନୁହେଁ ବୋଲି ସେ କହିଛନ୍ତି।
ରୋହିତ ଶର୍ମା ତାଙ୍କ ପୁଲ ସଟ ପାଇଁ ବହୁତ ପ୍ରସିଦ୍ଧ। ଏହି ସଟ ଖେଳି ସେ ବହୁତ ରନ ସ୍କୋର କରିଛନ୍ତି। ସେ କେବଳ ପୁଲ ସଟ ମାଧ୍ୟମରେ ଅନେକ ଲମ୍ବା ଛକା ମାରିଛନ୍ତି।
