ଚେନ୍ନାଇ,୧୪।୨: ଭାରତ-ଇଂଲଣ୍ଡ ମଧ୍ୟରେ ଖେଳାଯାଉଥିବା ଦ୍ୱିତୀୟ ଟେଷ୍ଟର ଦ୍ୱିତୀୟ ଦିନର ଖେଳ ଜାରି ରହିଛି। ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିବା ଭାରତୀୟ ଦଳ ପ୍ରଥମ ଇନିଂସରେ ୩୨୯ରନ୍ କରି ଅଲଆଉଟ୍ ହୋଇଛି। ଏହାପରେ ଇଂଲଣ୍ଡ ଦଳ ପ୍ରଥମ ପାଳିରେ ୪ ଉଇକେଟ ହରାଇ ୩୯ ରନ୍ କରିଛି।
ପ୍ରାରମ୍ଭିକ ପର୍ଯ୍ୟାୟରେ ଇଂଲଣ୍ଡର ବ୍ୟାଟିଂ ବିପର୍ଯ୍ୟୟ ଦେଖିବାକୁ ମିଳିଛି। ଇଶାନ୍ତ ଶର୍ମା ରୋରି ବନର୍ସଙ୍କୁ ଏଲ୍ବିଡବ୍ଲୁ କରିବା ପରେ ଅଶ୍ୱିନ୍ଙ୍କ ଉଲ୍ଲେଖନୀୟ ବୋଲିଂ ଯୋଗୁ ଡୋମ୍ ସିବଲେ(୧୬), ଜୋ ରୁଟ୍(୬), ଡାନ୍ ଲରେନ୍ସ(୯)ଙ୍କ ଉଇକେଟ ହରାଇଛି ଇଂଲଣ୍ଡ ଟିମ୍।
ପ୍ରକାଶ ଯେ, ରବିବାର ୩୦୦/୬ ସ୍କୋର୍ରୁ ଭାରତୀୟ ଦଳ ଖେଳ ଆରମ୍ଭ କରିଥିଲା। ଭାରତୀୟ ଟିମ୍ର ରୋହିତ ଶର୍ମା(୧୬୧), ଅଜିଙ୍କ୍ୟ ରାହାନେ(୬୭)ଙ୍କ ଭାଗିଦାରି ଯୋଗୁ ଦଳ ମଜଭୂତ ସ୍ଥିତିରେ ପହଞ୍ଚିଥିଲା। ଏହାପରେ ରିଷଭ ପନ୍ତ(୫୮)ରନ୍ର ପାଳି ଫଳରେ ଦଳ ୩୨୯ରନ୍ କରିବାରେ ସଫଳ ହୋଇଛି।
