ଦୁବାଇ,୧୮।୧୦: ଭାରତ-ଇଂଲଣ୍ଡ ମଧ୍ୟରେ ସୋମବାର ଟି-୨୦ ବିଶ୍ୱକପ୍ର ଅଭ୍ୟାସ ମ୍ୟାଚ୍ ଅନୁଷ୍ଠିତ ହେବ। ଉଭୟ ଟିମ୍ ସୁପର-୧୨ରେ ଅଛନ୍ତି। ଚଳିତ ସପ୍ତାହରୁ ଦଳଗୁଡ଼ିକ ନିଜ ନିଜର ଅଭିଯାନ ଆରମ୍ଭ କରିବେ। ତେବେ ପାକିସ୍ତାନ ବିପକ୍ଷରେ ଅକ୍ଟୋବର ୨୪ରେ ଭାରତ ବିଶ୍ୱକପ୍ର ପ୍ରଥମ ମୁକାବିଲା ଖେଳିବ। ସେହିଭଳି ଇଂଲଣ୍ଡ ଟିମ୍ ଅକ୍ଟୋବର ୨୩ରେ ଓ୍ବେଷ୍ଟଇଣ୍ଡିଜ ବିପକ୍ଷରେ ପ୍ରଥମ ମ୍ୟାଚ୍ ଖେଳିବ।
ଭାରତୀୟ ଟିମ୍ ଅଭିଯାନ ଆରମ୍ଭ କରିବା ପୂର୍ବରୁ ଇଂଲଣ୍ଡ ଏବଂ ଅଷ୍ଟ୍ରେଲିଆ ବିପକ୍ଷରେ ଦୁଇଟି ଅଭ୍ୟାସ ମ୍ୟାଚ୍ ଖେଳିବ। ଏହି ମ୍ୟାଚ୍ରେ ଉଭୟ ଟିମ୍ ନିଜ ନିଜ ଖେଳାଳିଙ୍କ ପ୍ରଦର୍ଶନ ଉପରେ ନଜର ରଖିବ। ତେବେ ଆସନ୍ତୁ ଜାଣିବା ସୋମବାର ଅନୁଷ୍ଠିତ ହେବାକୁ ଥିବା ମ୍ୟାଚ୍କୁ କେବେ ଏବଂ କେଉଁଠି ଦେଖିବେ।
କେବେ ଏବଂ କେଉଁ ସମୟରେ ଅଭ୍ୟାସ ମ୍ୟାଚ୍ ଆରମ୍ଭ ହେବ?
ଭାରତ ବନାମ ଇଂଲଣ୍ଡର ଅଭ୍ୟାସ ମ୍ୟାଚ୍ ସୋମବାର ଭାରତୀୟ ସମୟାନୁସାରେ ଅପରାହ୍ନ ୭ଟା ୩୦ ମିନିଟ୍ରେ ଆରମ୍ଭ ହେବ। ୭ଟାରେ ଟସ୍ ପଡ଼ିବ।
କେଉଁ ଚ୍ୟାନେଲରେ ଏହାର ଲାଇଭ ପ୍ରସାରଣ ହେବ?
ଏହି ଅଭ୍ୟାସ ମ୍ୟାଚ୍ର ଲାଇଭ ପ୍ରସାରଣ ଷ୍ଟାର ସ୍ପୋଟ୍ସର ସମସ୍ତ ଭାଷାର ଚ୍ୟାନେଲରେ ଉପଲବ୍ଧ ହେବ।
ଅନ୍ଲାଇନ୍ରେ କେଉଁଠି ଦେଖିବେ?
ଏହି ଅଭ୍ୟାସ ମ୍ୟାଚ୍କୁ ଅନ୍ଲାଇନ୍ରେ ଡିଜ୍ନି+ହଟ୍ଷ୍ଟାର ଆପ୍ରେ ଦେଖିପାରିବେ।
