ଲଣ୍ଡନ, ୨୬ା୫ : ବ୍ରିଟେନରେ କୁଶଳୀ କର୍ମଚାରୀ ଏବଂ ଛାତ୍ର ଭିଜା ଇସ୍ୟୁରେ ଭାରତୀୟମାନେ ସର୍ବାଗ୍ରେ ରହିଛନ୍ତି। ଗୁରୁବାର ପ୍ରକାଶିତ ଲଣ୍ଡନସ୍ଥିତ ଇମିଗ୍ରେଶନ ଷ୍ଟାଟିଷ୍ଟିକ୍ସ ରିପୋର୍ଟ ଅନୁଯାୟୀ ନୂଆ ଗ୍ରାଜୁଏଶନ ପରବର୍ତ୍ତୀ ଶିକ୍ଷାଗ୍ରହଣ ଲାଗି ଦିଆଯାଇଥିବା ଭିଜାରୁ ୪୧ ପ୍ରତିଶତ ଭାରତୀୟ ଛାତ୍ରୀଛାତ୍ରଙ୍କୁ ମିଳିଛି। ସେହିପରି କର୍ମଚାରୀ ଭିଜାରେ ଭାରତୀୟମାନଙ୍କୁ ୩୩ ପ୍ରତିଶତ ମିଳିଛି। ୨୦୨୩ ମାର୍ଚ୍ଚରେ ଶେଷ ହୋଇଥିବା ବର୍ଷରେ ଗ୍ରାଜୁଏଶନ ପରବର୍ତ୍ତୀ ଶିକ୍ଷା ପାଇଁ ମୋଟ ୯୨,୯୫୧ ଭିଜା ଇସ୍ୟୁ ହୋଇଥିବାବେଳେ ସେଥିରେ ସର୍ବାଧିକ ୪୧ ପ୍ରତିଶତ ଥିଲେ ଭାରତୀୟ। ଭାରତୀୟ କୁଶଳୀ କର୍ମଚାରୀଙ୍କୁ ୨୦୨୧-୨୨ରେ ୧୩,୩୯୦ ଭିଜା ଇସ୍ୟୁ ହୋଇଥିବାବେଳେ ୨୦୨୨-୨୩ରେ ୨୧,୮୩୭ ଇସ୍ୟୁ କରାଯାଇଛି, ଅର୍ଥାତ୍ ବର୍ଷକ ମଧ୍ୟରେ ୬୩ ପ୍ରତିଶତ ବଢ଼ିଛି। ସେହିପରି ସ୍ବାସ୍ଥ୍ୟସେବା କ୍ଷେତ୍ର ଲାଗି ଭାରତୀୟଙ୍କୁ ଦିଆଯାଇଥିବା ଭିଜା ସଂଖ୍ୟା ପୂର୍ବ ବର୍ଷ ତୁଳନାରେ ୧୦୫ ପ୍ରତିଶତ ବଢ଼ିଛି। ୨୦୨୧-୨୨ରେ ୧୪,୪୮୫ ଭିଜା ମିଳିଥିବାବେଳେ ୨୦୨୨-୨୩ରେ ୨୯,୭୨୬ ଭିଜା ଇସ୍ୟୁ ହୋଇଛି।
