ନୂଆଦିଲ୍ଳୀ,୧୧।୬: ହରିୟାଣାର ଇଣ୍ଡିଆନ୍ କାଉନ୍ସିଲ୍ ଅଫ୍ ଏଗ୍ରିକଲ୍ଚର ରିସର୍ଚ୍ଚ (ଆଇସିଏଆର୍) ଏବଂ ନ୍ୟାଶନାଲ ରିସର୍ଚ୍ଚ ସେଣ୍ଟର (ଏନ୍ଆର୍ସି) ମିଳିତ ଭାବେ ପଶୁଙ୍କ ପାଇଁ କରୋନା ଭାକ୍ସିନ ‘ଏନୋକୋଭାକ୍ସ’ ଆବିଷ୍କାର କରିଛନ୍ତି। କେନ୍ଦ୍ରୀୟ କୃଷିମନ୍ତ୍ରୀ ନରେନ୍ଦ୍ର ସିଂ ତୋମାରଙ୍କ ଦ୍ୱାରା ଏହି ଟିକାକୁ ଲଞ୍ଚ୍ କରାଯାଇଛି। ଏହା ଉଭୟ ଡେଲଟା ଏବଂ ଓମିକ୍ରନ୍ କରୋନା ଭୂତାଣୁଙ୍କ ବିରୋଧରେ କାମ କରିବ। ଏନୋକୋଭାକ୍ସକୁ କୁକୁର, ବିରାଡ଼ି, ମୂଷା, ଚିତାବାଘ ଏବଂ ସିଂହଙ୍କୁ ଦିଆଯାଇପାରିବ। ଏହି ଟିକାରେ ସାରର୍ସ-କୋଭ୍-୨ ଆଣ୍ଟିଜେନ୍ ଏବଂ ଆଲୁମିନିୟମ୍ ହାଇଡ୍ରୋଜେନ୍ ରହିଛି। ପଶୁଙ୍କ ଶରୀରରେ ଆଣ୍ଟିବଡି ଚିହ୍ନଟ ପାଇଁ ଏକ କିଟ୍ ମଧ୍ୟ ତିଆରି କରାଯାଇଛି, ଯାହାର ନାମ ରହିଛି ଏଲିସା କିଟ୍। ୨୦୨୧ରେ ହାଇଦ୍ରାବାଦ୍ ଚିଡ଼ିଆଖାନାରେ ୮ ସିଂହ କରୋନା ଦ୍ୱାରା ଆକ୍ରାନ୍ତ ହୋଇଥିବା ବେଳେ ଗୁଜରାଟରେ କୁକୁର, ଜାଇ ଏବଂ ମଇଁଷି କୋଭିଡ୍ରେ ଆକ୍ରାନ୍ତ ହୋଇଥିବା ଖବର ପ୍ରକାଶ ପାଇଥିଲା। ସେହିପରି ଚେନ୍ନାଇ ଚିଡ଼ିଆଖାନାରେ ୨ଟି ସିଂହଙ୍କ ମୃତ୍ୟୁ କରୋନା କାରଣରୁ ହୋଇଥିଲା।
