ନୂଆଦିଲ୍ଲୀ,୨୨।୨: ଭାରତର ତାରକା ବ୍ୟାଟ୍ସମ୍ୟାନ୍ ରୋହିତ ଶର୍ମା ନିଜର ବିସ୍ଫୋରକ ବ୍ୟାଟିଂ ପାଇଁ ସାରା ବିଶ୍ୱରେ ଜଣାଶୁଣା। ସେ ଦୁନିଆର ପ୍ରତ୍ୟେକ ମଇଦାନରେ ରନ୍ ସ୍କୋର କରିଛନ୍ତି। ନିକଟରେ ତାଙ୍କ ଅଧିନାୟକତ୍ୱରେ ଟିମ୍ ଇଣ୍ଡିଆ ଦିନିକିଆ ଏବଂ ଟି-୨୦ ସିରିଜରେ ଓ୍ବେଷ୍ଟଇଣ୍ଡିଜକୁ ପରାସ୍ତ କରିଛି। ଏବେ ସମସ୍ତଙ୍କ ଆଖି ଫେବୃୟାରୀ ୨୪ରୁ ଆରମ୍ଭ ହେବାକୁ ଥିବା ଶ୍ରୀଲଙ୍କା ବିପକ୍ଷ ସିରିଜ ଉପରେ ଅଛି। ଏହି ସିରିଜରେ ଯଦି ଅଧିନାୟକ ରୋହିତ ଶର୍ମାଙ୍କ ବ୍ୟାଟ୍ ଚାଲେ ତେବେ ସେ ଅନେକ ରେକର୍ଡ ନିଜ ନାମରେ କରିବେ।
ଏଯାବତ ରୋହିତ ୧୫୪ ଛକା ମାରିଛନ୍ତି। ଯଦି ସେ ଆଉ ୧୨ଟି ଛକା ମାରିବାରେ ସଫଳ ହୁଅନ୍ତି ତେବେ ସେ ନ୍ୟୁଜିଲାଣ୍ଡର ମାର୍ଟିନ ଗୁପ୍ଟିଲଙ୍କୁ ଟପିଯିବେ। ଫଳରେ ସେ ଅନ୍ତର୍ଜାତୀୟ କ୍ରିକେଟରେ ସର୍ବାଧିକ ଛକା ମାରିଥିବା ବ୍ୟାଟ୍ସମ୍ୟାନ ପାଲଟିବେ।
ସେହିଭଳି ଶ୍ରୀଲଙ୍କା ବିପକ୍ଷ ସିରିଜରେ ରୋହିତ ଆଉ ୩୭ ରନ୍ କଲେ ସେ ଟି-୨୦ ଅନ୍ତର୍ଜାତୀୟ କ୍ରିକେଟରେ ସର୍ବାଧିକ ରନ୍ ସ୍କୋର କରିଥିବା ବ୍ୟାଟ୍ସମ୍ୟାନ୍ ପାଲଟିବେ। ଏବେ ତାଙ୍କଠାରୁ ଆଗରେ ଭାରତର ସୁପରଷ୍ଟାର ବ୍ୟାଟ୍ସମ୍ୟାନ୍ ବିରାଟ କୋହଲି ଏବଂ ମାର୍ଟିନ ଅଛନ୍ତି।
କିଛି ଏପରି ଅଛି ରେକର୍ଡ:
ଟି-୨୦ ଫର୍ମାଟରେ ସର୍ବାଧିକ ରନ୍:
ମାର୍ଟିନ ଗୁପ୍ଟିଲ: ୧୧୨ ମ୍ୟାଚ୍, ୩୨୯୯ ରନ୍
ବିରାଟ କୋହଲି: ୯୭ ମ୍ୟାଚ୍, ୩୨୯୬ ରନ୍
ରୋହିତ ଶର୍ମା: ୧୨୨ ମ୍ୟାଚ୍, ୩୨୬୩ ରନ୍
ଟି-୨୦ ଫର୍ମାଟରେ ଅଧିକାଂଶ ଛକା:
ମାର୍ଟିନ: ୧୧୨ ମ୍ୟାଚ୍, ୧୬୫ ଛକା
ରୋହିତ: ୧୨୨ ମ୍ୟାଚ୍, ୧୫୪ ଛକା
କ୍ରିସ୍ଗେଲ(ଓ୍ବେଷ୍ଟଇଣ୍ଡିଜ୍): ୭୯ ମ୍ୟାଚ୍, ୧୨୪ ଛକା
ଇଏନ ମୋର୍ଗାନ(ଇଂଲଣ୍ଡ)-୧୧୫ ମ୍ୟାଚ୍, ୧୨୦ ଛକା
