ଚଣ୍ଡିଗଡ଼, ୯।୧ : ପଞ୍ଜାବରେ କରୋନା ଆକ୍ରାନ୍ତଙ୍କ ସଂଖ୍ୟାରେ ବୃଦ୍ଧି ଘଟିବାରେ ଲାଗିଛି। ଏହା ବ୍ୟତୀତ ଗତ ୨୪ ଘଣ୍ଟା ମଧ୍ୟରେ ଅକ୍ସିଜେନ୍ ସପୋର୍ଟ ଆକ୍ରାନ୍ତଙ୍କ ସଂଖ୍ୟା ୨୬୪ ପ୍ରତିଶତ ବଢ଼ିଛି। ପ୍ରକାଶିତ ରାଜ୍ୟ ମେଡିକାଲ ବୁଲେଟିନ ଅନୁଯାୟୀ, ଶୁକ୍ରବାର କେବଳ ୬୩ ଆକ୍ରାନ୍ତ ଅକ୍ସିଜେନ୍ ସପୋର୍ଟରେ ଥିଲେ। କିନ୍ତୁ ଶନିବାର ଏହି ସଂଖ୍ୟା ୨୨୬କୁ ବୃଦ୍ଧି ପାଇଛି। ୧୬୪ ଜଣ ନୂଆ ଆକ୍ରାନ୍ତ ଏବେ ଅକ୍ସିଜେନ୍ ସପୋର୍ଟରେ ରହିଛନ୍ତି। ଏହାପୂର୍ବରୁ ଜାନୁଆରୀ ୧ରେ ୨୩ ଜଣ ଅକ୍ସିଜେନ୍ ସପୋର୍ଟରେ ଥିଲେ।
ଶୁକ୍ରବାର ରାଜ୍ୟରେ ୨,୯୦୧ କରୋନା ଆକ୍ରାନ୍ତ ଥିଲେ। କିନ୍ତୁ ଶନିବାର ଏହି ସଂଖ୍ୟା ୩,୬୪୩ କୁ ବୃଦ୍ଧି ପାଇଛି। ଜାନୁଆରୀ ୧ରେ ରିପୋର୍ଟ ହୋଇଥିବା କରୋନା ଆକ୍ରାନ୍ତଙ୍କ ସଂଖ୍ୟା ମାତ୍ର ୩୩୨ ଥିଲା। ତେବେ ଇତିମଧ୍ୟରେ ଏଥିରେ ୧୭୫ ପ୍ରତିଶତ ବୃଦ୍ଧି ଘଟିଛି।
ରାଜ୍ୟରେ ସକ୍ରିୟ ମାମଲା ସଂଖ୍ୟା ୧୨,୬୧୪କୁ ବୃଦ୍ଧି ପାଇଛି। ୩୬୯ ଜଣ ସୁସ୍ଥ ହେବା ସହିତ ଆରୋଗ୍ୟ ଙ୍କ ସଂଖ୍ୟା ୫୮୮୨୫୭ କୁ ବୃଦ୍ଧି ପାଇଛି।
ଶନିବାର ମୋହାଲି ଜିଲାରେ ନମୁନା ପରୀକ୍ଷା କରିଥିବା ୫୬୩ ଜଣଙ୍କ ମଧ୍ୟରେ ମୁଖ୍ୟମନ୍ତ୍ରୀ ଚରଣଜିତ୍ ସିଂ ଚାନ୍ନିଙ୍କର ତିନିଜଣ ପରିବାର ସଦସ୍ୟ ଅଛନ୍ତି। ମୋହାଲି ସିଭିଲ ସର୍ଜନ ଆଦର୍ଶପାଲ କୌର କହିଛନ୍ତି ଯେ ମୁଖ୍ୟମନ୍ତ୍ରୀଙ୍କ ପତ୍ନୀ ଡ. କମଲଜିତ କୌର, ତାଙ୍କ ପୁଅ ନବଜିତ ସିଂ ଏବଂ ବୋହୂ ସିମରନ୍ଧିର କୌରଙ୍କ ରିପୋର୍ଟ କରୋନା ପଜିଟିଭ୍ ଆସିଛି। ସାନ ପୁଅ ଏବଂ ମୁଖ୍ୟମନ୍ତ୍ରୀଙ୍କ ରିପୋର୍ଟ ନେଗେଟିଭ୍ ଆସିଛି।
