ପିଲାଙ୍କ ଖାଦ୍ୟରେ ଠିକ୍ ମାତ୍ରାରେ ପୋଷଣ ନ ରହିଲେ ସେମାନଙ୍କର ରୋଗ ପ୍ରତିରୋଧକ ଶକ୍ତି କମିବା ସହିତ ଶାରୀରିକ ବିକାଶ ମଧ୍ୟ ହୋଇ ପାରି ନ ଥାଏ। ତେଣୁ କେଉଁଭଳି ଖାଦ୍ୟ ଖାଇଲେ ପିଲାଙ୍କର
ଉଚ୍ଚତା ବୃଦ୍ଧି ପାଇବ ଜାଣି ରଖନ୍ତୁ…
କ୍ଷୀରରେ ପ୍ରଚୁର ମାତ୍ରାରେ କ୍ୟାଲସିୟମ୍ ଓ ପ୍ରୋଟିନ୍ ରହିଛି। ତେଣୁ ପିଲାଙ୍କୁ ପ୍ରତିଦିନ ଅତିକମ୍ରେ ଏକ ଗ୍ଲାସ କ୍ଷୀର ପିଇବାକୁ ଦିଅନ୍ତୁ। କ୍ଷୀର ବ୍ୟତୀତ ଦହି, ପନିର, ଘିଅ ଆଦି ସମସ୍ତ ପ୍ରକାରର ଡାଏରୀ ପ୍ରଡକ୍ଟ ମଧ୍ୟ ଦିଅନ୍ତୁ। ଏହା ଫଳରେ ହାଡ଼ ଶକ୍ତ ହେବା ସହିତ ପିଲାଙ୍କ ଉଚ୍ଚତା ମଧ୍ୟ ବୃଦ୍ଧି ପାଇବ।
ମେଥି, ପାଳଙ୍ଗ, ବନ୍ଧାକୋବି ଆଦି ବିଭିନ୍ନ ପ୍ରକାରର ଶାଗ ଓ ସବୁଜ ପନିପରିବାରେ ଭିଟାମିନ୍-ସି, କ୍ୟାଲସିୟମ୍, ଆଇରନ୍, ମ୍ୟାଗ୍ନେସିୟମ୍, ପୋଟାସିୟମ୍ ଓ ଭିଟାମିନ୍-କେ ଭଳି ପୋଷକ ତତ୍ତ୍ୱ ରହିଛି। ତେଣୁ ଏସବୁ ଖାଦ୍ୟ ଶରୀରକୁ ପୋଷଣ ଦେବା ସହିତ ଉଚ୍ଚତା ବଢ଼ାଇବାରେ ସାହାଯ୍ୟ କରିଥାଏ।
ଅଣ୍ଡାକୁ ପୋଷକ ତତ୍ତ୍ୱର ପାୱାର ହାଉସ୍ କୁହାଯାଏ। ତେଣୁ ପ୍ରତିଦିନ ଅଣ୍ଡା ଖାଇଲେ ପିଲାଙ୍କର ଶାରୀରିକ ଓ ମାନସିକ ବିକାଶ ହୋଇଥାଏ।
ସୋୟାବିନ୍ ମଧ୍ୟ ପ୍ରୋଟିନ୍ର ଏକ ସୁନ୍ଦର ଉତ୍ସ। ତେଣୁ ପିଲାଙ୍କ ଖାଦ୍ୟରେ ଏହାକୁ ସାମିଲ କଲେ ସେମାନଙ୍କ ହାଡ଼ ଶକ୍ତ ହେବା ସହ ଉଚ୍ଚତା ମଧ୍ୟ ବଢ଼ିଥାଏ।
କନ୍ଦମୂଳରେ ଭିଟାମିନ୍-ସି, ଭିଟାମିନ୍ ବି୬ ଏବଂ ପୋଟାସିୟମ୍ ଅଧିକ ରହିଛି। ତେଣୁ ପିଲାଙ୍କ ଉଚ୍ଚତା ବଢ଼ାଇବା ପାଇଁ ଏହା ଖାଇବାକୁ ଦିଅନ୍ତୁ।
ପିଲାଙ୍କ ହାଡ଼, ମାଂସପେଶୀର ବିକାଶ ସହ ଉଚ୍ଚତା ବଢ଼ାଇବା ପାଇଁ ମାଛ ଓ ମାଂସ ଖାଇବାକୁ ଦିଅନ୍ତୁ।
ଭିଟାମିନ୍-ସି ଥିବା ଅଁଳା ମଧ୍ୟ ପିଲାଙ୍କ ଉଚ୍ଚତା ବଢ଼ାଇବାରେ ସାହାଯ୍ୟ କରେ।
ଓଟ୍ସ ଏବଂ ଆଲ୍ମଣ୍ଡ ମଧ୍ୟ ପିଲାଙ୍କ ହାଇଟ୍ ବଢ଼ାଇବାରେ ସହାୟକ ହୋଇଥାଏ। ଷ୍ଟ୍ରବେରୀ, ବ୍ଲାକ୍ବେରୀ ଆଦିରେ ଭିଟାମିନ୍ ସି ଓ ଆଣ୍ଟି ଅକ୍ସିଡାଣ୍ଟ ରହିଛି। ତେଣୁ ଏହା ପିଲାଙ୍କ ଉଚ୍ଚତା ବଢ଼ାଇଥାଏ। ଏହା ସହିତ ଡାଲି ମଧ୍ୟ ପିଲାଙ୍କ ଉଚ୍ଚତା ବଢ଼ାଇଥାଏ।
