ତିବ୍ବତରେ ଶି ଜିନ୍‌ପିଙ୍ଗ୍‌

ବେଜିଂ,୨୪ା୭: ରାଷ୍ଟ୍ରପତି ଶି ଜିନ୍‌ପିଙ୍ଗ୍‌ ତିବ୍ବତକୁ ଆକସ୍ମିକ ଗସ୍ତ କରିଥିବା ନେଇ ଚାଇନାର ସରକାରୀ ଗଣମାଧ୍ୟମଗୁଡ଼ିକ ପକ୍ଷରୁ ଶୁକ୍ରବାର ଭିଡିଓ ଫୁଟେଜ୍‌ ଜାରି କରାଯାଇଛି। ଜିନ୍‌ପିଙ୍ଗ୍‌ ତିବ୍ବତୀୟମାନଙ୍କୁ ଅଭିବାଦନ ଜଣାଉଥିବା ଏଥିରେ ଦେଖିବାକୁ ମିଳିଛି। ସେ ନିଜ ବିମାନରୁ ରେଡ୍‌ କାର୍ପେଟକୁ ଓହ୍ଲାଇବା ପରେ ତାଙ୍କୁ ସ୍ଥାନୀୟ ଅଧିବାସୀ ପାରମ୍ପରିକ ପୋଷାକ ପରିଧାନ କରି ଭବ୍ୟ ସ୍ବାଗତ କରିଥିଲେ। ଭାରତ-ଚାଇନା ମଧ୍ୟରେ ସୀମା ବିବାଦ ଲାଗିରହିଥିବାବେଳେ ରାଜନୈତିକ ଦୃଷ୍ଟିରୁ ସମ୍ବେଦନଶୀଳ ଅଞ୍ଚଳ ଦକ୍ଷିଣ-ପୂର୍ବ ତିବ୍ବତକୁ ଜିନ୍‌ପିଙ୍ଗ୍‌ ଗସ୍ତ କରି ଅରୁଣାଚଳ ପ୍ରଦେଶ ସୀମା ସଂଲଗ୍ନ ନ୍ୟୁଙ୍ଗ୍‌ଚି ମେନ୍‌ଲିଙ୍ଗ୍‌ ବିମାନବନ୍ଦରରେ ବୁଧବାର ପହଞ୍ଚତ୍ଥିଲେ। କିନ୍ତୁ ଏନେଇ ଗତ ଦୁଇଦିନ ମଧ୍ୟରେ କୌଣସି ସୂଚନା ଦିଆଯାଇ ନ ଥିଲା। ଜିନ୍‌ପିଙ୍ଗ୍‌ ନ୍ୟୁଙ୍ଗ୍‌ଚିି ସିଟି ପ୍ଲାନିଂ ମ୍ୟୁଜିୟମ୍‌ ପରିଦର୍ଶନ କରିବା ସହ ଉନ୍ନୟନମୂଳକ କାର୍ଯ୍ୟର ଅଗ୍ରଗତି ନେଇ ସମୀକ୍ଷା କରିଥିଲେ। ସେ ଗୁରୁବାର ନ୍ୟୁଙ୍ଗ୍‌ଚି ରେଲଓ୍ବେ ଷ୍ଟେଶନକୁ ଯାଇ ସିଚୁଆନ୍‌-ତିବ୍ବତ ରେଲଓ୍ବେ ଯୋଜନା ସମ୍ପର୍କରେ ବୁଝାଶୁଝା କରିବା ପରେ ଲହସାକୁ ଟ୍ରେନ୍‌ ଯାତ୍ରା କରିଥିଲେ। ୨୦୦୮ରୁ ତିବ୍ବତରେ ଚାଇନା ପକ୍ଷରୁ ବିପୁଳ ପୁଞ୍ଜିନିବେଶ କରାଯାଉଛି। ୩ ଦଶନ୍ଧିରୁ ଊର୍ଦ୍ଧ୍ୱ ସମୟ ପରେ ତିବ୍ବତକୁ ଏହା ଚାଇନାର କୌଣସି ଶୀର୍ଷ ନେତାଙ୍କ ପ୍ରଥମ ଗସ୍ତ। ଏହା ପୂର୍ବରୁ ଜିନ୍‌ପିଙ୍ଗ୍‌ ୧୯୯୮ରେ କମ୍ୟୁନିଷ୍ଟ ପାର୍ଟି ଅଫ୍‌ ଚାଇନା(ସିପିସି)ର ଫୁଜିଆନ୍‌ ପ୍ରଦେଶ ମୁଖ୍ୟ ଭାବେ ଏବଂ ୨୦୧୧ରେ ଉପରାଷ୍ଟ୍ରପତି ଥିବାବେଳେ ତିବ୍ବତ ଗସ୍ତ କରିଥିଲେ। ୧୯୯୦ରେ ଜିଆଙ୍ଗ୍‌ ଜେମିନ୍‌ ରାଷ୍ଟ୍ରପତି ଥିବାବେଳେ ତିବ୍ବତ ଯାଇଥିଲେ।

 

ଭାରତ ପାଇଁ ଚିନ୍ତାର ବିଷୟ

ବିଶ୍ୱର ଛାତ ନାମରେ ପରିଚିତ ତିବ୍ବତ ଉପରେ ଚାଇନା ଆଧିପତ୍ୟ ବିସ୍ତାର ପାଇଁ ୧୯୫୦ରେ ହଜାର ହଜାର ସୈନ୍ୟଙ୍କୁ ପଠାଇଥିଲା। ଏହାର କିଛି ଅଂଶକୁ ସ୍ବୟଂଶାସିତ ଅଞ୍ଚଳ ଭାବେ ଘୋଷଣା କରାଯାଇଥିବାବେଳେ ଅନ୍ୟ କିଛି କ୍ଷେତ୍ରକୁ ଚାଇନା ସହ ବିଲୟ କରାଯାଇଥିଲା। ୧୯୫୯ରେ ଚାଇନା ବିରୋଧରେ ହୋଇଥିବା ବିଫଳ ବିଦ୍ରୋହ ପରେ ଚତୁର୍ଦ୍ଦଶ ଦଲାଇ ଲାମାଙ୍କୁ ତିବ୍ବତ ଛାଡ଼ି ଭାରତର ଶରଣ ନେବାକୁ ପଡ଼ିଥିଲା। ତିବ୍ବତକୁ ଚାଇନାରେ ଏକ ସ୍ବୟଂଶାସିତ କ୍ଷେତ୍ର ରୂପେ ମାନ୍ୟତା ମିଳିଛି। ଚାଇନା ନିୟନ୍ତ୍ରଣରେ ଥିବା ଏହି ଅଞ୍ଚଳର ଅଧିକାଂଶ ଅଧିବାସୀ ନିଜ ନିର୍ବାସିତ ଧର୍ମଗୁରୁ ଦଲାଇ ଲାମାଙ୍କ ପ୍ରତି ଆନୁଗତ୍ୟ ପ୍ରଦର୍ଶନ କରିଥାଆନ୍ତି। ସେମାନଙ୍କ ଅନୁସାରେ ଦଲାଇ ଲାମା ଜଣେ ଜୀବିତ ଈଶ୍ୱର। କିନ୍ତୁ ବେଜିଂ ତାଙ୍କୁ ଜଣେ ବିଚ୍ଛିନ୍ନତାବାଦୀ ଓ ଚାଇନା ପ୍ରତି ବିପଦ ବୋଲି ବିବେଚନା କରିଥାଏ।
ନେପାଳ ସହ ବାଣିଜି୍ୟକ ସମ୍ପର୍କ ମଜଭୁତ କରିବା ପାଇଁ ଲହସା-ନ୍ୟୁଙ୍ଗ୍‌ଚି ରେଳପଥ ଗୁରୁତ୍ୱପୂର୍ଣ୍ଣ ଭୂମିକା ନେବାକୁ ଯାଉଛି। ଲହସାରୁ ନ୍ୟୁଙ୍ଗ୍‌ଚିକୁ ଗତିଶୀଳ ୧,୭୪୦ କି.ମି. ବିଶିଷ୍ଟ ଏହି ରେଲଓ୍ବେ ପ୍ରୋଜେକ୍ଟ ସିଚୁଆନ୍‌ ସହ ଲହସାକୁ ଯୋଡ଼ିବ। ଏହା ଉପରେ ୧୬୦ କି.ମି. ବେଗରେ ବୁଲେଟ ଟ୍ରେନ୍‌ ମଧ୍ୟ ଗଡ଼ୁଛି। ଭାରତ ସୀମା ସଂଲଗ୍ନ ଅଞ୍ଚଳରେ ଚାଇନା ପକ୍ଷରୁ ଯେଭଳି ଭାବେ ଭିତ୍ତିଭୂମି ବିକାଶ କରାଯାଉଛି ତାହା ନୂଆଦିଲ୍ଲୀ ପାଇଁ ଚିନ୍ତାର ବିଷୟ ପାଲଟିଛି। ତିବ୍ବତକୁ ନେଇ ଜିନ୍‌ପିଙ୍ଗ୍‌ଙ୍କ ଅଚାନକ ବଢ଼ିଥିବା ରୁଚି ଆହୁରି ଚିନ୍ତାର କାରଣ ପାଲଟିବ ବୋଲି କୁହାଯାଉଛି। ଏହା ଜରିଆରେ ଚାଇନା ଭାରତ ଉପରେ ଚାପ ପକାଇବାକୁ ଚାହୁଁଛି ବୋଲି ବିଶେଷଜ୍ଞମାନେ ମତ ଦେଇଛନ୍ତି।
ତିବ୍ବତରେ ଚାଇନାକୁ ବୌଦ୍ଧ ଧର୍ମାବଲମ୍ବୀଙ୍କ ସାଂସ୍କୃତିକ ଓ ଧର୍ମୀୟ ସ୍ବାଧୀନତାର ଦମନକାରୀ ରୂପେ ବିବେଚନା କରାଯାଉଥିବାବେଳେ ଜିନ୍‌ପିଙ୍ଗ୍‌ ବୌଦ୍ଧମଠ ଦ୍ରେପୁଙ୍ଗ୍‌କୁ ଯାଇ ପ୍ରାଚୀନ କୀର୍ତ୍ତିରାଜି ସମ୍ପର୍କରେ ପଚାରି ବୁଝିଥିଲେ। ଲହସାରେ ଏକ ସଭାକୁ ସମ୍ବୋଧିତ ସେ କରି କହିଥିଲେ, ଆମେ କମ୍ୟୁନିଷ୍ଟ ପାର୍ଟିକୁ ଅନୁସରଣ କରୁଥିବା ପର୍ଯ୍ୟନ୍ତ ସାମ୍ୟବାଦ ପଥର ଅନୁଗାମୀ ହୋଇ ରହିବା। ଆମ ପାଇଁ ରାଷ୍ଟ୍ର ନିର୍ମାଣ ସହଜ ହୋଇଯିବ।

 


Enter your email to get our daily news in your inbox.

All Right Reserved By Dharitri.Com

ମଝି ଆକାଶରେ ପାକିସ୍ତାନ ସୈନ୍ୟ ବାହିନୀ ହେଲିକପ୍ଟର ଦୁର୍ଘଟଣାଗ୍ରସ୍ତ: ୪ ମୃତ

ମୁଲତାନ୍‌,୨୭।୧୨: ପାକିସ୍ତାନ ସୈନ୍ୟ ବାହିନୀର ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି। ଏହି ଘଟଣାରେ ୪ ଜଣଙ୍କ ମୃତ୍ୟୁ ଘଟିଛି। ଉଦ୍ଧାର କାର୍ଯ୍ୟରେ ନିୟୋଜିତ ଥିବା ହେଲିକପ୍ଟର କୌଣସି...

ଟଳିପାରେ ଯୁଦ୍ଧ ଆଶଙ୍କା

ମସ୍କୋ,୨୧ା୨: ୟୁରୋପ ଉପରୁ ଯୁଦ୍ଧ ଆଶଙ୍କା ଟଳିପାରେ। ରୁଷିଆ ରାଷ୍ଟ୍ରପତି ଭ୍ଲାଦମିର ପୁଟିନ ଓ ୟୁକ୍ରେନ ରାଷ୍ଟ୍ରପତି ଭୋଲୋଦିମିର ଜେଲେନସ୍କିଙ୍କ ସହ ଫ୍ରାନ୍ସର ରାଷ୍ଟ୍ରପତି ଏମାନୁଏଲ୍‌...

ଦୁନିଆର ଏମିତି ଫ୍ରିଜ୍‌ ମାଗଣାରେ ଯିଏ ଭରେ ସବୁ ଭୋକିଲାଙ୍କ ପେଟ: କେବେ ହୁଏନି ଖାଲି

ସାଧାରଣତଃ ଲୋକମାନେ ବାହାରୁ ଘରୁକୁ ଆସିଲେ ସେମାନେ ପ୍ରଥମେ ଫ୍ରିଜ ଖୋଲି ଖାଦ୍ୟ କିମ୍ବା ପାନୀୟ ଖୋଜନ୍ତି। ସେହିପରି ଲୋକଙ୍କୁ ସାହାଯ୍ୟ କରିବା ପାଇଁ ଜୋର୍ଡାନରେ...

ଭୁଲ୍‌ କୋଭିଡ୍‌ ତଥ୍ୟ ପ୍ରତି ସତର୍କ ରୁହ

ଓ୍ବାଶିଂଟନ୍‌, ୧୯ା୫: ଭାରତରେ କରୋନାର ଘାତକ ଦ୍ୱିତୀୟ ଲହର ଜାରି ଥିବାବେଳେ ଭାରତୀୟ-ଆମେରିକୀୟ ଏବଂ ଭାରତୀୟଙ୍କୁ କରୋନା ସମ୍ପର୍କିତ ମିଥ୍ୟା ଖବର ପ୍ରତି ସତର୍କ ରହିବାକୁ...

ସିଧା ପ୍ରସାରଣ ସମୟରେ ଖସି ପଡିଲା ମହିଳା ଆଙ୍କରଙ୍କ ଦାନ୍ତ

କ୍ୱିଭ,୧୮।୭: ୟୁକ୍ରେନର ଜଣେ ଟେଲିଭିଜନ ନ୍ୟୁଜ ଆଙ୍କର ମରିକା ପଡଲ୍କୋ ସମାଚାର ପଢିବା ସମୟରେ ହଠାତ୍‌ ତାଙ୍କର ଏକ ଦାନ୍ତ ଖସି ପଡିଥିଲା। ହେଲେ ସେ...

୧୦ ଦେଶର ରାଷ୍ଟ୍ରଦୂତଙ୍କୁ ଦେଶରୁ ବାହାର କରିବାକୁ ନିର୍ଦ୍ଦେଶ ଜାରି କଲା ତୁର୍କୀ…

ଆଙ୍କ୍ରା,୨୪।୧୦: ମାନବାଧିକାର କର୍ମୀ ଓସମାନ କଓ୍ବାଲାଙ୍କୁ ମୁକ୍ତ କରିବାକୁ ଦାବି କରୁଥିବା ୧୦ଟି ଦେଶର ରାଷ୍ଟ୍ରଦୂତଙ୍କୁ ବହିଷ୍କାର କରିବାକୁ ତୁର୍କୀ ରାଷ୍ଟ୍ରପତି ରିସେପ ତାଇପ ଏର୍ଦୋଗନ...

ରିପୋର୍ଟ ପଜିଟିଭ ଆସିବାରୁ ଟଏଲେଟରେ ରଖିଦେଲେ

ନ୍ୟୁୟର୍କ, ୩୧।୧୨: ବିମାନ ଯାତ୍ରା ସମୟରେ ଜଣେ ମହିଳା ଯାତ୍ରୀ କୋଭିଡ୍‌ ପଜିଟିଭ୍‌ ଚିହ୍ନଟ ହେବାରୁ ତାଙ୍କୁ ହଟ୍ଟହଟା ହେବାକୁ ପଡ଼ିଛି। ଉକ୍ତ ଯାତ୍ରୀଙ୍କୁ ବିମାନ...

କାବୁଲରେ କାର୍‌ ବୋମା ବିସ୍ଫୋରଣ, ୧୦ମୃତ

କାବୁଲ,୫।୯: ଆଫଗାନିସ୍ତାନ ରାଜଧାନୀ କାବୁଲରେ ଗୁରୁବାର ସକାଳେ କାର୍‌ ବୋମା ବିସ୍ଫୋରଣ ହୋଇଛି। ଏହି ଦୁର୍ଘଟଣାରେ ୧୦ଜଣଙ୍କ ମୃତ୍ୟୁ ହୋଇଥିବା ବେଳେ ୪୦ରୁ ଊର୍ଦ୍ଧ୍ୱ ଆହତ...

Advertisement
Archives

Model This Week