ବହୁ ସମୟରେ ନିଜ ପସନ୍ଦର ବୃତ୍ତି ତଥା ସ୍ବାଧୀନ ଭାବେ ରୋଜଗାର କରିବା ଲକ୍ଷ୍ୟରେ ଅନେକେ ସୁରକ୍ଷିତ ଓ ଉଚ୍ଚ ବେତନର ଚାକିରି ଛାଡ଼ି ଦେଇଥାନ୍ତି। ଏମିତି ଜଣେ ବ୍ୟକ୍ତି ହେଉଛନ୍ତି ହରିୟାଣର ଦୀପକ ସିଂ। ଦୀପକ ରହୁଛନ୍ତି ମହେନ୍ଦ୍ରଗଡ଼ରେ। ସେ ଶିକ୍ଷକ ଚାକିରି ଛାଡ଼ି ଜିଆଖତ ପ୍ରସ୍ତୁତ କରୁଛନ୍ତି। ପ୍ରତି ମାସରେ ସେ ୬୦,୦୦୦ ଟଙ୍କା ରୋଜଗାର କରୁଛନ୍ତି। ଦୀପକ ମହାମାରୀ ସମୟରେ ଛୁଟିରେ ଗାଁରେ ରହିବା ପରେ ଏହା ଆରମ୍ଭ କରିଥିଲେ। ସ୍କୁଲ ଖୋଲିବା ପରେ ସେ ନିଜ ଡ୍ୟୁଟି କରିବା ସହ ଏହାକୁ ଜାରି ରଖିଥିଲେ। ପରେ ଏହାର ଚାହିଦା ବଢ଼ିବା ଯୋଗୁ ସେ ଚାକିରି ଛାଡ଼ି ଏହି ବ୍ୟବସାୟ କରୁଛନ୍ତି। ଜିଆଖତ ପ୍ରସ୍ତୁତ କରି କୃଷକମାନଙ୍କୁ ମଧ୍ୟ ଜୈବିକ ଚାଷ କରିବାକୁ ପ୍ରେରିତ କରୁଛନ୍ତି। ଏବେ ସେ ୧୦୦ରୁ ଅଧିକ ବେଡ୍ରେ ଜିଆଖତ ତିଆରି କରୁଛନ୍ତି। ଏହି କାର୍ଯ୍ୟରେ ସେ ଅନେକଙ୍କୁ ନିଯୁକ୍ତ କରିଛନ୍ତି ।
