ଏଥର ପାରମ୍ପରିକ କଂକ୍ରିଟ ଘର ବଦଳରେ ଏମିତି ଘର ତୋଳିବେ ଯେଉଁଥିରେ ତାପମାତ୍ର ୭ ଡିଗ୍ରୀ ରହିବ ଓ ଶୀତଳତା ପ୍ରଦାନ କରିବ। ହରିୟାଣାର ଡ. ଶିବଦର୍ଶନ ମଲିକଙ୍କ ଦ୍ୱାରା ଏଭଳି ଘର ନିର୍ମାଣ କରିବା ସମ୍ଭବ ହୋଇପାରିଛି। ସେ ଗବେଷଣା କରି ଗୋବରରୁ ପ୍ରସ୍ତୁତ କରିଛନ୍ତି ପ୍ଲାଷ୍ଟର ଓ ଇଟା। ପ୍ଲାଷ୍ଟର ନାମ ବେଦିକ ପ୍ଲାଷ୍ଟର ଓ ଇଟାର ନାମ ଗୋକ୍ରିଟ ବ୍ରିକ୍ସ। ଏସବୁ ଗୋବର, ମାଟି ଏବଂ ଅନ୍ୟ କେତେକ ପ୍ରାକୃତିକ ଜିନିଷ ମିଶ୍ରଣରେ ପ୍ରସ୍ତୁତ କରାଯାଉଛି। ଏହି ଦୁଇଟି ଆବିଷ୍କାର ଗୃହ ନିର୍ମାଣରେ ଏକ ବଡ଼ ପରିବର୍ତ୍ତନ ଆଣିବ। ଏଥିରେ ଅଧିକ ସଂଖ୍ୟାରେ ନିର୍ମାଣ କରାଯାଇପାରିଲେ ବିଶ୍ୱ ତାପନ ଓ ଜଳବାୟୁ ପରିବର୍ତ୍ତନକୁ ରୋକା ଯାଇିପାରିବ ବୋଲି କହନ୍ତି ଡ.ମଲିକ। ଘର ଶୀତଳ ରହିବା ଫଳରେ ବିଦ୍ୟୁତ୍ ଶକ୍ତି ମଧ୍ୟ ବଞ୍ଚାଯାଇପାରିବ। ଡ. ମଲିକ ୧୯୯୫ରେ ପିଏଚ୍.ଡି. ପରେ ରୋହତକ ବିଶ୍ୱବିଦ୍ୟାଳୟରେ ପ୍ରାଧ୍ୟାପକ ଭାବେ ଯୋଗ ଦେଇଥିଲେ। କିନ୍ତୁ ୧୯୯୭ରେ ଚାକିରି ଛାଡି ଦିଲ୍ଲୀ ଆଇଆଇଟି, ବିଶ୍ୱବ୍ୟାଙ୍କ ଏବଂ ଜାତିସଂଘ ବିକାଶ କାର୍ଯ୍ୟକ୍ରମରେ ଜଣେ କନ୍ସଲ୍ଣ୍ଟାଟ୍ ଭାବେ କାର୍ଯ୍ୟ କରିବା ପରେ ବହୁ ଗବେଷଣା କରି ଏଭଳି ପ୍ଲାଷ୍ଟର ଓ ଇଟା ପ୍ରସ୍ତୁତ କରିବାକୁ ସକ୍ଷମ ହୋଇଛନ୍ତି। ତାଙ୍କ ମତରେ ପ୍ଲାଷ୍ଟର ତାପମାତ୍ର ଶୋଷଣ ନ କରି ଗୃହକୁ ଶୀତଳ ରଖିପାରୁଛି। ଏହାକୁ ମଧ୍ୟ ଆଧୁନିକ ଘରେ ବି ବ୍ୟବହାର କରାଯାଇପାରିବ ଏବେ ସୁଦ୍ଧା ଭାରତରେ ୨୦,୦୦୦ ଘରେ ଏହି ପ୍ଲାଷ୍ଟର ବ୍ୟବହାର କରାଯାଇଛି।
